我依家6週多啲 流左幾日啡， 之前有肚痛
但睇左醫生又冇藥食， 請問有冇人都係咁呀？ 可以點做？ 好擔心
幫推
醫生講咩？冇比藥比你，話係正常唔使擔心？
我嗰時4wk 都流啡， 去咗睇中醫食中藥調理
1個讚
我上一胎試過呀, 仲即刻去左急症, 不過又係照到心跳同唔係宮外孕就冇俾任何藥。之後一直流到10週左右先停。之後去私家醫生度做檢查都冇俾過藥。
有聽過話係胎盤成長會流少少血, 不過都唔肯定。 好似都冇咩可以做, 後尾同朋友傾都發現原來幾常見嘅。始終頭3個月都係可以發生好多事, 不過都唔一定會有事嘅。而家休息多啲, 唔好拎重野果啲。 
醫生話正常 少少血少少痛都正常喎 ， 但聽完都係唔安心架嘛
我依家情況係未有心跳 但唔係宮外孕
多謝你嘅意見呀！ 會事事小心！
我果陣係星期六去急症係照唔到胚胎, 之後等到星期一返去產科醫生就照到。 
祝你快啲照到 
1個讚
你最後無事嗎 
我bed rest 左幾日呀！ 流啡同肚痛情況都有好到～
早兩日喺公立覆診照過都有啲進展呀，但唔知係咪公立啲機渣， 我又冇見到閃閃下咁
依家唯有都係多啲休息啦！
你呢？我記得我地喺另外一個post傾過， 你幾好嘛？
2個讚
咁都好d 
我宜家終於6w 啦暫時無流啡
但個胃超唔舒服食得好少嘢….都輕咗1kg 
仲要等多2星期先去照 
我今個星期尾再去私家照喇 ！ 到時候已經8weeks, 希望照到閃閃啦！
你食唔到野都盡量飲返啲湯水補充下營養呀！ 中醫話飲花膠螺頭湯有用!!
祝福你！
希望唔好嚴重落去，我宜家返工已經半條人命，又唔講得住，d 人都唔知我做乜
你book 咗邊間私家照呀？
我6week個陣都有流啡，睇左急症，照左個胎係正常位置無問題就開左4日假比我，再去婦產科check，照左陰超所有野都正常，但未照到BB同心跳，跟著格左兩星期再覆診超就睇到BB同心跳啦，開頭唔洗太擔心，最緊要休息，我都有試過番工企得耐番到去就流啡，所以休息好緊要，而家BB都11週啦
1個讚
路過想問一問，
你哋未夠3個月時請幾日假，醫生紙會寫咩原因㗎？我concern係又未俾得人知但拎幾日假嘅問題（assume direct boss 都未講住）
我果陣急症室係直接寫迫切性流產，我見到都嚇親。
如果係私家可以問下可唔可以寫Obstetrics problem,不過咁都係呼之欲出架啦
我果陣6,7週老細就知，不過佢都係3個月後先同其他同事講。呢個時候有得休息最緊要，take care 
因為我老闆好細膽，發生咩事都要同大老闆請示。
純粹係我諗如果係我，到時唔想咁快俾佢知，可以點寫（諗多咗）
我果張醫生紙都係寫Obstetrics problem 所以其實啲同事都知咩事lu