家長們，你地對零食既放寬程度係點？
有無同四大長老一齊住既可以比d意見。
我係唔比小朋友，1歲半，食飯前後唔比食零食。但四大長老，下下都做壞規矩，有時係佢地面前講明唔準食，口響響話唔會，轉過頭又食左，幾百個藉口，好討厭。小朋友正餐已經食唔多，又唔係乖乖食飯果種，唔想再比零食，而且佢地d零食我自己係唔會買比小朋友，我買會揀過先買，少添加劑，低鈉。
係我太過嚴，定係我遲d就會睇開d, 由佢？
我對零食都好strict，比親都係得雞碎咁多
而長老鍾意比小朋友零食呢樣嘢亦都好常見… 我爸媽都係…
同過幾位二胎媽媽傾偈，普偏佢哋會比一胎時casual 啲「睇得開」d
反而想知長老知唔知bb 食飯問題？同埋係邊邊嘅長老？
或者你買啲你ok 嘅零食，因為我覺得完全唔比同住長老比零食基本上係無可能…
如果係tea time，我係俾小朋友食零食的，款式多多，仲有求必應咁滯
但飯前2個鐘，係嚴禁零食
屋企長老（非同住）有時會做壞規矩，我會鬧人架，不過係鬧小朋友，如果長老肉赤個孫想幫口，我就順手鬧埋長老（我係惡媽媽）
俾人話得多，長老依家已經自己醒水唔再咁做，而小朋友識拒絕，話媽媽會鬧人架
我係二胎媽，但規矩的野，唔會因為多左一個小朋友而放寬
3個讚
男家長老，知架，有時小朋友唔乖食飯，我會係小朋友同長老面前再講一次，你唔乖乖食飯，咩都唔準食，唔準拎零食食，有時長老唔鍾意我咁講，好似覺得我話佢地咁，就起曬gon咁話無呀，我無野比佢食。
我黎緊諗住咁做，但好煩，佢地成日覺得我多多規矩，叫老公出聲，佢又想一事不如少一事，佢覺得唔大問題。
我唔算惡媽媽，但有d規矩我覺得要定。小朋友大d我會教佢say no, 同鬧，宜家歲半似懂非懂。長老係男家既，我唔鬧得，連話下都唔高興，而且係講唔聽果種。
可唔可以等小朋友表現好，或做某啲事做得好時，再當住全部人面前請長老幫忙獎勵小朋友食啲你接受到的零食？
我覺得有時啲長老係，媽媽越唔俾，佢哋越係要俾
唱反調
呢個方法幾好，我試下，謝謝，小朋友仲細，暫時未有獎罰制度，可以一行。
有d真係會，好乞人憎，好彩我果個唔係，我有試過聽到佢唔比食，話媽媽會鬧。
無零食
小朋友依家快6歲
1個讚
你唔買，其他人就比唔到小朋友
我以自己經驗：我阿媽都幾嚴，基本上每次食薯片三塊止，完全唔知食咗啲乜
糖果同朱古力我好似中學先有得喺學校食，屋企冇見過
我大個咗，而家一把年紀，係一個零零食嘅人
2個讚
小朋友大左，自己有意識，明白咩對身體好壞，到時我都管唔到，但至少宜家我覺得真係唔應該食零食，只有壞 無好
1個讚
唔會呀，佢地成日比佢地自己食果d零食比小朋友食，我真係好唔鍾意。
咁你tea time比小朋友食咩多呀？
唔係啊，我分享我經驗係因為我媽令我缺乏零食嘅所有認知同興趣，都係好事嚟
1個讚
，好好味，屬於特別獎勵類別
same here, 我對零食都好strict, 不過由我細個我屋企人都已經係冇買零食比我同細佬
所以好彩既就係長老都唔會特別話去買零食比啊B
真係口痕 反而係飲下奶, 食個小蛋糕仔咁
