我小朋友現讀初小，骨齡比真實年齡大三年，胸部第三期發育，一直有睇醫生監察。現在醫生建議打針抑制發育，好想睇多個醫生問意見，唔知你地有無睇開GE可以介紹俾我？
另外，請問有無過來人可以分享一下？謝謝。
唔係過來人，
但聽人講，這類情況，一定唔好再食⋯⋯雞。
4個讚
識得人8歲黎m，醫生都係寫紙去政府醫院做荷爾蒙療程抑制發育
聽講過，尤其雞翼
2個讚
我囡囡6歲發現有發育徵狀，係政府醫院check骨齡，快左歲幾，另外安排抽血照腦搵原因，但同大部分case一樣一切正常搵唔到原因，醫生建議打荷爾蒙針，而家打左一年左右，再照骨齡，已經正常番，發育徵狀都停曬，醫生有講過要打針打到10歲（去打針時的確見到有大少少小朋友去打針），停針後就會開始發育，亦解釋過支針其實係呃個身體已經有果隻荷爾蒙就唔會再分泌。
當時有問過兒科醫生朋友，佢講法係既然醫生建議得打針，應該係適合treatment 。
請問有發育徵狀即係？
囡囡嗌胸痛同摸到近nipple開始有少少硬
唔該哂
多謝你回覆呀。請問政府係排乜野科呀？
我地先睇兒科再轉去生長科（都係under兒科）
之前女女飲好多牛奶(每日起碼2杯)，都有類似情況。之後只比佢隔日飲，e+高小胸部都冇再痛。
你可以睇有冇成日比D高激素食物小朋友食
除左胸痛，我囡高得快，醫生話佢個增高速度接近青春期小朋友，所以都決定比佢打針。
我女唔算好早, 8嵗左右開始胸部痛, 我當時打去學童保健, 俾個姑娘話我:都８嵗啦， 好正常啫， 我心諗唔係掛， 唯有帶個女去睇私家成長科， 後來私家同正苦醫院兩邊睇, 到左１０嵗左右，私家醫生建議我打停止發育針,（因為我女本身好矮加上早發育） 後來政府醫生都話打, 就係政府醫院打, 一個月打一次, 打左針後要驗血, 荷爾蒙停左, 但係又高慢左， 後來到左11嵗, 醫生就建議停針唔打, 暫時未有M到
其實好多小朋友都有呢個問題, 我地每次打針, 見到好多女仔目測有１５０左右，但原來只係讀緊P3
請問你囡囡幾大幾高？
請問你囡囡而家幾大幾高？你地家族算高嗎？
打左停止發育針，如果之後停打，會有可能再長高嗎？
以家都好矮, 只有143, 醫生話佢M後會高多5CM左右, 本身家族都唔高,我都預左佢唔會高, 希望最終有150啦…
醫生話打左呢支針, 小朋友會肥, 的確我女打完真係肥左, 其它副作用暫時睇唔到
初小，143cm 算高，咁打完針重有冇再高?
唔係初小啦…已經11嵗, 11嵗嚟講算矮啦…打完針高得非常慢, 打左差唔多一年, 只係高左4cm
我小朋友8歲有發育徵狀，去睇鄭碧純醫生，照骨齡大咗年幾，不過長高方面ok, 所以醫生話唔洗打針，醫生話，依家好多就算8歲嚟m, 都叫正常
原來而家8歲都算正常
不過咁早黎真係好麻煩，我女9歲黎都搞唔掂