兄弟姊妹真係多啲好，雖然我哋以前關係唔係咁好，錢都幫佢還唔少，不過相信人係會隨時間改變，而家有關雙親嘅嘢可以有人商量吓，兄弟姊妹多啲，同倆老食飯又熱鬧啲；一世人流流長，兄弟姊妹呢啲，一日未入棺材都唔知係邊個幫緊邊個，邊計較得咁多
4個讚
覆診個CHEAP大伯點會肯去,你果個肯陪去覆診都叫肯做返D野
醫保只係搞掂錢，人手仍然係一個問題，我見反而要陪覆診，落手照顧係更加無人肯做
1個讚
我意外咁生左第二個，初初知道有d接受唔到，但而家細女歲半了，我慶幸自己生左第二個，將來既野我預計唔到，但至少呢刻，2姊妹既互動係好溫馨，加上大女4、5歲開始已經成日喊悶，自己玩玩具或落公園等開始悶，所以細個有個伴真係開心d，勝過有無限玩具。不過我覺得大個兄姊姊妹不和，好多時係父母偏心所致
4個讚
細個其實有陪伴係好嘅
差1-3年咁一齊玩
我有親戚生兩個
話等老咗佢地一人負責一個父母 （佢同佢老公）
咁D仔女無咁 “辛苦” wor
真係 很好
1個讚
係呀。。。。所以個陣我哋負責照顧老人家，老公d兄弟姊妹只係間中陪覆診，佢哋已經覺得好偉大付出好多咁
但我哋兩公婆長期唔夠瞓，除咗處理老人家三餐外，仲要幫個老人家沖涼、抹屎抹尿（因為老人家唔肯著片），直情覺得自己一日打緊兩份工咁，返完正職，放工返到屋企就好似去老人院返工咁，最慘係重要老公d兄弟姊妹次次嚟度俾說話我哋聽
認同，所以我之前都有講，父母如果偏心最影響小朋友嘅和睦關係
我老公由細到大都唔係好得到父愛，因為佢呀爸勁偏心d細，好多事都唔持平
1個讚
一齊長大對於性格形成有一定好處，另外有兄弟姊妹的人比獨生子女比較識睇人眉頭眼額，知道乜野叫爭取，唔會坐係等人俾，因為自小有競爭，我生2個係希望佢地成長有伴，有心事唔同父母講都有家人可以傾訴，到大我唔會expect佢地會互相扶持，畢竟到時佢地結婚就會變成2家人，當然佢地做到互相照應會係bonus，不過呢Ｄ又好睇際遇，好睇佢地嫁乜人娶左乜老婆
3個讚
我就調轉
我同自己啲兄弟姊妹關係一般，未去到嗌交但只會大時大節返阿媽度先見面
到佢有小朋友嘅時候，兩個又係打生打死嘅時候，我就同自己講，如果我生得出兩個，一定唔會俾佢哋打生打死⋯⋯
1個讚
所以根本係個家長有問題啦⋯⋯
關咩生一個定兩個事。乜衣加仲興想自己老來成為仔女負累架？
唔plan，生十個結果都一樣，仔女狗咬狗骨，一個推一個，死前冇一個仔女出現係病床前，見太多。
4個讚
好簡單，冇生小朋友嗰啲人嘅規劃係點架？
仔女大左都有自己生活，可以帶個孫黎探自己帶比自己開心，係情感上有relationship，而唔係陪覆診，幫自己打理日常⋯⋯
老來，錢同資產先係最誠實可靠，乜病都係咁話
4個讚
只要多過一個小朋友，就會有偏心出現，邊可能有完全公平？
生一個就冇得比較乜嘢唔公平，最多拎你同其他父母比較，呢樣就算生幾多個情況都一樣，但不屬於偏心範圍～
朋友家人既case係佢爸爸已經一早安排好財產分配，又有工人照顧，但係有一次跌親，身體機能差左好多，結果朋友再想請多個工人貼身照顧，睇醫生、出出入入、三餐食乜嘢等，朋友爸爸已經無能去處理，都係要朋友去搞。原本朋友爸爸諗住老左唔駛麻煩D仔女，但有時真係控制唔到
1個讚
好同意。
計劃人生，同有冇結婚，生仔冇關係。
結咗婚/做咗父母，責任更大。
3個讚
題外話，其實大家成日話無仔女更加要規劃，我眼見好多時老左點規劃都無用，一中風或者大病，之前點計劃都無用，諗住請工人照顧咩，到時連簽個名都唔得，又係要人幫手搞，所以做好規劃，第一件事唔係儲錢，係盡量確保自己身體健康。
3個讚
我囉，一個字：錢
啲老人家痴住啲後生，阻人哋一家人，最怕
1個讚
我老咗冇人照顧，冇問題，因為我已經賺咗一世人嘅自由同幸福(我好憎細路)
而且真心啦，邊諗到咁遠丫
4個讚
自己偏心唔會覺嘅
又或者一個弱d，父母覺得果個要多d care而變成偏心
1個讚
身體健康係嘅，但去到幾十歲，幾健康都係手震震架啦