咁如果佢係好老公就忍啦，開解下佢，等你好消息
我覺得佢唔差㗎，係脾氣臭d、自我少少同AA地囉
1個讚
咁呢啲通常都專一嘅，肯定唔會周圍媾女先
哈哈。。。。因為正常女仔應該會覺得佢好悶
2個讚
我老公都好慢，成舊豬油膏咁，我又急喎，所以我都用好耐時間磨合，主要係set 個底線佢跟
咁佢又係專一type
1個讚
嗯。。。。我同老公個性格，同你哋好似
不過我唔係好識set底線🤦🏻
無方法，我同老公都係咁，生左你放鬆點，唔好咁在意佢。
好多男人都係咁，因為女人點都著重持家、整潔、緊張細節
男就要玩，冇持家意識
係嘅。。。不過我貪心想提高少少佢嘅衛生標準
我老公好慢，但佢好愛整潔同衛生，抹個sink盤都抹好耐，我反而係快手但做嘢求其嗰個
樓主睇你覆都知你係一好好脾氣嘅人，讚你!
要學習吓
我已經由之前接受唔到佢食完飯兩、三個鐘都未洗碗，然後我會躁底走去洗
到而家已經唔理佢三個鐘定三日先洗，個人的確冇咁忟
算叫開始冇咁在意
我老公嘅乾淨係鍾意沖涼，一日沖幾次，但對生活衛生就好求其
從我嘅回覆都可以知道我係點嘅人，咁厲害嘅
多謝讚賞，不過好脾氣極，有時都會俾佢搞到好忟同躁底
1個讚
呢個情況我諗我會發癲: 噴野，鬧人，同掉垃圾
我哋個個都炆晒你仲娓娓道來你老公啲嘢，言語間只係感受到你無奈，完全唔燥
我係文字人 
我同老公都覺得拖延吓唔做住唔係咩咁大不了，總之就唔可以影響到我地嘅感情，而佢已經被我同化到唔會急住洗碗、攞啲水沖吓遲啲先洗，又唔會日日抹地，初初我好唔慣佢日日抹
好厲害呀，好欣賞對文字有敏感度嘅人
的確我回覆時真係冇忟冇躁，但好無奈
因為唔知可以點做
不過尋日佢執完半日，又加上去佢朋友度拎bb嘢，暫時又好似有d改善
其實如果我係佢都會唔知點執，太多雜物同d似有用但又唔知可以點用嘅嘢，根本無從入手去執，但我就唔會拖咁耐都唔執，反而想快d處理咗佢
所以如果身體狀況許可，都會同佢一齊執，幫佢抹吓d塵
哈哈。。。。竟然係咁
我反而好想我老公好似你老公咁勤力d抹地、盡快洗曬d碗，就算唔日日抹，幾日抹一次都好吖
題外話，大家正常抹地之前係唔係都會掃地或者吸塵先，之後再抹會乾淨d？
係呀，等佢乾半個鐘先
係啦….正常都掃走d塵先啦
我老公會直接拖地，話掃唔掃走d塵效果都一樣
真係俾佢激死
所以好想train下佢d衛生意識
人大左要明白一樣野 永遠唔好諗住改變一個人
調返轉頭人地要你改變你都唔係咁易就改變到
老公唔係小朋友咁一張白紙俾你話Train就train到 佢活左幾廿年有一套方式生存得好地地點解冇啦啦要改
自己要有個心係佢有日開竅有改善係神蹟 冇改善係正常不過
可以話佢間唔時幾句俾佢知你係有不滿默默期待佢有日開竅 但唔好勞氣都唔好有任何期望
老公就係自己揀 只可以怪自己當年蠢豬冇考慮埋呢點就結左婚但唔可以怪佢
要有個心態佢有缺點係要心甘情願完完全全接受佢係一個咁既人
一係一齊鬥亂 一係幫佢執埋完全唔好埋怨 一係就分開 如果唔係棧自己勞氣又永遠都仲係咁亂 日積月累感情就會每況愈下
2個讚