我老公可以食完嘢d食具，擺喺洗碗盤3、4日都唔洗
D衫洗完放喺洗衣機半個鐘以上都唔拎去晾
食飯叫佢幫手拎碗筷，但幾分鐘都唔見人
仲有好多例子不能盡錄，上述情況，佢都會第一時間應咗我「得，梗係冇問題啦，嚟緊」
佢應該係得打機同做d佢想做嘅嘢先會即刻去做，其餘嘅事真係可以拖好耐
當然大家可以話我唔抵得，咪自己落手做囉，但我之前成日幫佢，所以我唔覺得佢有改善
我想佢學得獨立d同有責任感，唔想咩都幫佢做曬，同埋大住個肚做家務又要返工，真係好攰
大家有咩方法可以改善拖延li個壞習慣
1個讚
我老公都係咁，咁多年都放棄左
自己睇唔過眼嘅嘢，就自己做咗佢
其他嘢時運高睇唔到，你唔做我都唔會做
不過我老公好少少，我大肚嘅時候，日常家務交比佢做佢都會做咗佢，不過係求其啲囉
你唔做，佢自然會做
要鬥懶
5個讚
未請工人前我有洗碗機＋請家務助理
我地兩公婆都覺得自己既時間應該花係其他地方，所以家務會交俾人打理。
5個讚
唔可以幫佢做，要搞到佢食飯無碗碟用，或者用汙糟碗裝飯俾佢，佢就會做
1個讚
我同先生鬥左幾年， 明白左一樣野，
江山易改，本性難移，老婆大肚都一樣。
無期望，就唔會失望… 預左無，到有果刻就賺左咖喇！
8個讚
一個字：鬥
佢拖我拖佢十倍，冇碗碟我出去買新(用佢錢)都唔會幫佢洗，一係我幫佢洗但佢要做返嘢補償我
我老公都係緊張兄弟啲嘢多啲，但啲兄弟搵佢笨佔80%，有次又係幫人搬屋，我等佢食飯，6:00等到8:00未見人，我冇發火，我只係text佢我去shopping佢找咭數，我完全唔睇價錢掃我睇啱嘅所有嘢落個籃度，佢的過嚟，埋單$800，我唔覺得貴，但佢肉赤
嚇到佢以後都唔會幫啲咩兄弟搬屋，嗰啲兄弟初初話淨係幫下晝喎，搬下多啲搬下多啲，飯都冇話請佢食
我叫我老公嚟多幾次，下次我唔係去AEON咁少嘢，我直接落連卡佛，而我係講得出做得到嘅人
拖丫拿？兄弟丫拿
5個讚
咁岩呢招我都有用過，拍拖時成日約好時間我準時竟然佢唔準時！唔緊要，做人要優雅d, 我就去買本書坐沙不慢慢等。到佢趕來時我都話唔駛急wo, 我都未睇完，bills on you.
講完我都覺得張單太平啦，補返句下次逛住名店等你，歡迎遲到～
4個讚
最慘唔係所有嘢都可以比工人做呢
有一次換電視櫃，要清咗啲雜物出嚟
可以處理嘅我都處理咗，但就向一個櫃筒度發現咗一大堆我老公嘅信，未拆嘅
信呢啲嘢真係幫佢處理唔到，點知邊啲係重要信件，我亦唔會拆佢啲信睇，於是𢴇起晒叫佢得閒處理左佢
點知佢拖得就拖，隔幾個星期仲見到疊信向度，真係忍到極限+少少發脾氣，開口要佢今個星期內一定要處理好
佢仲要黑口黑面去攪，好話我開口話佢
我同你有d似，就係拖到睇唔過眼就自己做
我大肚佢唔係唔做家務，好似你咁講求其d，但都係拖好耐先做
我試過喇，雖然我都懶，但我性格係見到就想快d搞掂佢
所以通常我輸，因為真係接受唔到亦理解唔到點解d碗碟放喺度咁多日都唔洗
痴線。。。廚房廁所都有蟻路，正常人都接受唔到啦，佢竟然話我有潔癖
我只係想睇吓有冇成功方法，都預咗冇期望
Li招唔啱我用，一來我個人物慾比較低，二來我比較實際，買咁多嘢返屋企，最後咪又係我執
正正就係有d嘢要執咗，先請到家務助理嚟幫手清潔
佢屋企人過咗身半年有多，我未大肚已經叫佢清吓執吓佢屋企人嘅嘢，因為佢屋企人嘅遺物佔咗成間屋八成有多，叫到我而家大肚，仲有兩、三個月就生，佢都只係執咗幾次
仲要次次執執吓，攤到成屋嘢，就咗去整電腦
到我返屋企，佢又怨我唔幫手，大佬呀。。。你屋企人嘅嘢，邊d要邊d唔要，你先決定到喎。。。。叫我執我會即刻掉曬囉，但我已經有陪佢一齊執
佢執到佢屋企人d衫褲，適合五十歲以上大媽打扮先啱著，佢係咁叫我keep平時可以著，我唔想要，跟住佢會黑面，然後一路掉一路講d我覺得唔多好聽嘅說話
我都唔知呀b出世係唔係要住喺垃圾堆度，又汙糟又有蟻又多塵
2個讚
你老公肯應你都算好。
我老公嗌極都唔睬人，好煩
以前講左我煮飯，佢洗碗，但佢好似剩係洗過1，2次，其餘全部留到第二日等我奶奶洗
搞到好似我唔做家務，要奶奶做咁。
之後佢寧願我唔煮，嗌外賣。
自從有左小朋友請左工人之後，明明個工人做得唔好，多多錢都肯同佢續約，因為返到屋企剩係打機，咩野都唔洗理。
有d似
我哋之前都講好一個煮，另一個洗
但佢次次食完放喺洗碗盤惹曬蟻，提佢洗就發脾氣
跟住話自己放工返嚟好多嘢做，仲要洗碗好攰好辛苦，但我差不多晚晚見佢打機打到十二點幾，先洗碗，再做公事，做到兩、三點先瞓。。。。咁係佢時間管理有問題
我都要返工，我仲要特登早d出門口買完餸先返工，放工都係早佢一個鐘，趕返屋企煮飯，其實我都覺得攰
之後佢洗多幾次碗，就話寧願餐餐食外賣
同我果個一9樣丫
乜都係我做，我唔做就叫99做，99唔得就叫姐姐做，總之乜L都唔好搵佢
未有姐姐前，我買送煮飯，叫佢洗碗，尊貴嘅99話唔可以要個仔洗，叫我放喺碗盤，佢第二日上黎洗，wtf？我最後碌佢卡買部洗碗碟機和諧號算
夜晚個女喊，奉旨等我理，一係叫我隊比姐姐（講緊半夜囉），然後自己大覺瞓，個女我真係唔捨得同佢鬥唔理，硬食
點解咁多難忍鐘意打機？ 雖然我都係男人，但人大了唔太好。 至於手尾呢個poibt, 係性格問題，唔係咁易改，如果你得眼唔理佢， 可能幾日後會執， 佢心態係有妳， 就等於多個賓賓
吓，個女都可以唔理，我真係唔忍心，如果我有BB 既話。 你隻C6 真係又係 長期回家飯來張口mode