佢係好自我，d人點話佢都冇乜用
之前陪月上嚟見工，陪月臨走都忍唔住分享佢過來人經歷，話屋企人過咗身，第一年唔執，以後唔使指意執，陪月話佢個陣忍痛合埋眼掉曬所有嘢，講真d嘢放喺度根本冇用，亦唔會拎番出嚟睇，第時呀b出世真係勁多嘢，有時間就執嘢啦
佢聽完都冇乜反應，但至少我提執嘢，佢會有d反應，可能叫十次有一次會郁
唉，結婚唔幫手一齊搞嘅男人，通常都唔做家務，更加唔好話湊細路，呢啲男人根本唔應該嫁
點解咁多女人仲中埋去？
唔好意思，樓主，坦白講你係唔會有乜解決辦法
3個讚
軟硬都試過
佢有時間就打機、種花、整電腦，都唔想執
頭先問我其中一個櫃嘅嘢會唔會有嘢想keep
我都未答，佢自己已經話我諗你都係想掉曬佢
我話係呀。。。。其實得兩個人，點解要留十幾廿張被，衾得幾多張？
同埋大家都心知個d被應該已經好多跳瘙同一隻隻昆蟲，因為連佢屋企人在生時都冇拎過出嚟用
有傾過，大家有共識
但冇諗過呀b就出世，佢都唔肯落力執嘢
我係你唔會再喺嗰度住，肯定好唔衛生，乜蟲都有
拿樓主，你好好諗下，為bb著想
最後有無掉？
打蛇隨棍上再問下佢附近嘅雜物。
拖延係心理病，好難一時三刻搞掂。
你應該等佢執咗先陀B，唉，你可能又會話年紀唔細唔等得
我擔心你同個B咋，我睇文字都毛管棟，我唔係潔癖，但昆蟲同蟻一定唔得
1個讚
唉。。。。我都唔知佢叫唔負責任，定係我太逼迫佢
講真望住佢屋企人d嘢，真係無從入手，佢成家都勁鍾意儲嘢，我估係家教問題
佢除咗li個拖延症之外，其實都幾好仔
佢唔係唔做家務，未有b之前，佢都會主動洗衫、晾衫、洗風扇、冷氣，有時會煮飯、拖地，但佢衰在咩都鍾意拖延
我都好想搬，但我冇理由掉低佢一個，自己同呀b搬出去住嘛
未呀。。。因為只係啱啱食lunch個陣佢主動講起
但我由尋晚已經講今日要屋，佢又話唔使急，仲有好多時間
我話呀b 未出世d嘢已經愈嚟愈多，成屋都係嘢，到時更加難執
佢仲係好老定咁
我本身係昆蟲愛好者，但我都忍受唔到廚房廁所有蟻
有時玩緊電話，d蟻唔知幾時會喺電話上面、隻手上面出現
最慘li樣嘢佢同佢屋企人都唔覺係問題，聽到有蟻路，只會笑幾聲，然後扮冇事發生
唔好意思，我啱啱先得閒由第一個post睇到最底
我覺得你老公堅持唔想執嘅原因係唔想揼咗過咗身阿媽啲嘢。好多男人有時覺得虧欠左阿媽，所以覺得如果揼阿媽啲嘢好難受，然後又諗埋d痴線嘢，覺得自己因為個仔/女出世就連呀媽都唔要好內疚，但係佢唔會同你講出口。
尤其明明你話上次你阿媽同你一齊執咗一堆野諗住掉，最後佢擺返九成入屋。同埋佢自己諗埋一邊，覺得你喺度迫緊佢揼阿媽啲嘢，佢自我防護機制出晒嚟，所以借打機逃避。
不如你試吓同你老公講話，我哋一齊租個迷你倉，將媽媽啲嘢Pack好一袋袋整整齊齊放入去，起碼唔會好多塵，因為如果一路擺喺度唔洗就會好多塵黃晒。
可能啲男人覺得擺喺個倉到唔駛變垃圾都係一個方法。過多幾年應該放得低，尤其是有咗BB。
6個讚
聽到都想講粗口
您每個回應都一山還有一山高…您老公真係好頂癮⋯⋯BB要好乾淨的，佢咁嗱喳，點放心佢湊b
淨係呢句已經知問題喺邊：對我嚟講呢個Day1已經係婚姻問題，就係要先分開迫佢執，佢唔執就唔使見我同bb，必要時講bye bye
昆蟲愛好者唔係咁解喎，我養昆蟲同間屋有蟲爬下爬下唔同
你個陪月好快會走，工人都係。再恐怖啲：你bb會有嚴重皮膚病，你自己諗
婚姻問題，好多時都係有一方忍，唔狠心去解決唔迫對方，你唔亮張黃牌紅牌出嚟，個球員只會不停犯規當你冇到
1個讚
放心，佢老公一定唔湊
其實我都有諗過佢唔捨得掉嘅原因，我有同佢講過唔一定要掉，但執好d都ok㗎
但佢連搬d嘢出嚟睇吓嘅動機都冇，就算我租個倉都要佢肯pack嘢先得
頭先食完嘢，佢係咁叫我休息
我話你成個晾衫嘅架放喺房門，點入去，你收咗個架先啦
佢話我會入到，一陣執啦。。。我話唔好，你嘅一陣係會放幾日，跟住佢抖咗啖氣拎開個架
然後我入房冇耐，就聽到佢執嘢嘅聲
我而家未出房，等佢執多陣，一陣先睇吓咩環境
3個讚
樓主你好好脾氣，我炮仗頸，一定晨早炒大wok加搬走