而家懷孕3個月, 乳頭開始有微量分泌物, 會在乳頭上形成白色的乳垢, 用清水加指甲直接將乳垢剝除, 又驚造成乳頭受傷, 而且都好難清走曬.
請問大家有無同樣的問題, 又如何處理 ?
1個讚
唔洗刻意，就咁普通沖涼就可以。
如果覺得都係有汙糟（可能係死皮之類），可以用濕毛巾輕擦
沖完涼, 皮膚會軟易清理, 用毛巾抹下。
如果冇任何不適感覺，最後等36 wk 後先清潔。
刺激乳頭係好易引起宮縮
1個讚
但d乳垢會藏在乳頭的縫隙裡, 用濕毛巾搽表面清唔曬
上網見有話, " 使用植物油使乳垢乳化後再沖洗"
有無媽媽試過, work 唔 work ?
無野架，唔使刻意去處理，照常沖涼。
bb出世後日啜夜啜就唔會再有呢啲
1個讚
但有d人話會塞住出奶位，到時會影響呀b啜奶，其實關唔關事㗎？
因為我都係好多白白地黃黃地嘅嘢喺乳頭度，但我有盡量清，清完過一段時間又會有少少
究竟係我汙糟，定個個大肚媽媽都有同樣情況
我一直好疑惑
1個讚
俾BB啜好快就啜到出來，應該OK嘅
我試過用棉花棒沾荷荷巴油去清潔，d 油可以軟化d 小白點，但唔好太大力，輕輕抹就ok
1個讚
其實生之前個一兩星期洗唔洗開始搽乳頭膏？
唔會影響架，而家其實就算你夾硬刮走佢，好快又會凝固返，係咪？
未生唔使刻意去清潔佢
明白
因為我以為得我係咁，係汙糟
不過聽大家分享完，睇嚟咁樣係好普遍同正常
樓上有提到唔好刺激乳頭，我嘅經驗係試過用枝寫明係俾孕婦搽按摩下個胸嘅膏之後，第二日即刻流啡入左醫院訓幾日。我就深信唔好亂掂個胸，雖然唔firm關唔關事 
最後點呀？冇事嘛？
訓左三日醫院，最後冇事39周5順產出世 
嘩。。。。瞓咗3日醫院
個陣幾多週呀？
27周
咁真係好彩冇事
但個陣應該都幾驚
我都好似你咁, 我以為得我係咁汙糟 lol