每次一嚟M就頭暈虛弱 面青青，已經食緊止血藥，但成個人唔夠力頭暈暈，我都唔知點算，已經戒曬生冷野又飲紅棗水。
嚟緊返新工唔通一嚟月經就請假咩，咁一定過唔到試用期，唔知點算好
不過我覺得係自從幾年前有左驚恐症之後身體先差咗，而家控制到病情就變到好易暈，特別嚟M時
究竟我做錯啲咩 搞到次次嚟M好似個災難咁
呻完 謝謝
2個讚
有冇睇過婦科醫生，照下子宮入面呢？我之前都係咁，一黎m就好痛，頭暈，量好多，要臥床，後黎去睇婦科照到有朱古力瘤同子宮肌瘤，最後做左手術，再搵中醫調理，身體好返好多
2個讚
一年前照過冇事 已經再排期約咗出年年頭再照
我就冇經痛 但就好虛弱成日暈 
喔 咁你去睇下中醫調理下呀，要搵過夾到自己既中醫
1個讚
睇中醫慢慢調理
已有睇 打算再密啲睇 謝謝
中醫話你咩？
可以針對果樣嘢加強日常保健
中醫角度話唔夠血
但西醫檢查血色素合格
有冇食療？
中醫同西醫講嘅血係兩樣嘢嚟
我血色素夠，可以捐血
但中醫話我氣虛血弱
我都係睇中醫調理呀
佢開好多補肝腎氣血的藥
當歸黨參北芪大棗等等
平時要戒涼嘢：西瓜、木瓜、涼嘅菜、綠茶、西芹、五青汁、西柚、凍嘢唔好諗
食多啲正氣、補血嘢：菜芯、牛肉、黑糖薑茶、羊肉
唔好食唔夠嘢，要夠訓，曬下太陽
紅棗水可以試下加南棗、黨參、北芪、薑、黑糖，
落多啲煲，會比焗有效
搵到個好中醫會幫到你好多
但要試
唔係個個夾
6個讚
Day1 有冇食早餐？食飽飯？
（Post唔post到？）
岩岩係IG睇到，唔知幫唔幫到你…
我以前睇過個婦科醫生講過話「如果個子宮比較後，會易啲/常常經痛」（相類似既說話）
著重子宮保暖，凍飲食相信要全戒
桑寄生蓮子蛋茶好似對子宮/女性唔錯…
調理身體都係要搵中醫
2個讚
多謝曬你回覆
我都有飲當歸黨參湯
介意食曬所有生冷食物
但我唔係好識分平時嗰個中醫夾唔夾
飲咗中藥個人好似身體暖啲，但每次頭暈問題都好似依舊咁…
又呀 每日都按時食三餐
有無check過條頸椎？你氣血虛，如果再加上頸椎有移位或壓住情況，頭暈問題會更嚴重，我媽咪就係頸椎有移位，所以耐唔時就頭暈暈腳浮浮，建議你都check下，如果真係有咁情況，移返正會對頭暈有改善。
2個讚
咁我諗你可以試多一兩個中醫感覺下
我都睇過幾個中醫
開頭睇都覺得，唔知夾唔夾
直到我搵到我而家中醫，我就知咩叫夾喇：就係明顯覺得身體好咗！
所以即係話你而家中醫未係最好～
我照過頸X光 而且冇頸痛 所以應該冇事
你有冇中醫介紹？
而家我睇緊佢終於食完佢啲藥 都覺得好似一般般咁
有冇同佢講過？佢話咩？
只係話血氣不足 