奶奶單親湊大兩個仔
今次第一次抱孫
好開心好感動
亦都好錫個孫
正面地諗有個人咁錫個BB係好事
不過奶奶同心抱可能係天敵
佢喺度嘅時候我總係好唔自在，同令我好攰
以前佢一年先會上黎我屋企兩三次
依家就變咗每個星期都要叫佢上黎一次咁
如果唔比佢上黎見個孫又好似好慘
每日佢都會喺屋企what’s app group追我同老公要send 相 send video 比佢
有幾次BB係咁喊扭計嘅時候見到呢啲msg 真係好燥底
我生個B出嚟唔係想多左個責任要報告每日BB情況比佢知
唔係想個個星期都要應酬佢
佢就嚟退休應該到時仲得閒
諗到都驚
呢刻有啲灰
純發洩
放鬆d, 平日影多幾張不同角度當後備send比佢唔覺既，再唔係學識hae 9 99, 已讀不回，或者叫你老公負責回，都係時候要準備定架啦。
我明呀，有時係無原因㗎，純粹唔想見到奶奶，可能係荷爾蒙關係，我自己都經歷過。奶奶好錫我，坐月時好照顧我，但我好唔想見到佢。
相可以一次過影多啲
得閒比啲佢
或者佢問嗰陣又可以比啲存貨佢
我係會mute 咗奶奶同有佢嘅group 嘅，所以係冇notifications，感覺上會冇咁心煩
有咗細路一定會多交集，但應該nb 嗰時係最多，希望你漸入佳景啦
上屋企就冇得點避
一星期一次唔算好多，但如果樓主覺得都係多回唔到氣，（始終比較起嚟係多過之前好多，唔係個個接受到），一係你隔次出下街放下風？
或者去佢屋企見，轉下場會好啲
如果呀奶奶正正常常既我覺得都可以接受，不過你可以將所帶聯繫既野拋返哂比老公，始終果個係佢呀媽嚟，佢想點滿足咪由佢地自己搞，其實要湊呀b你都忙爆大把理由話覆唔到。
其實錫你個B 真係好事，BB有多個人錫係福氣。
你叫你老公搞掂你阿媽，叫佢自己每日定時定係send d video / 相比佢 la, 老人家係鍾意睇呢d，佢哋睇嗰陣係笑到見牙唔見眼 卡卡聲咁。
掉返轉你出 trip, 你都會掛住BB 會想老公定時定候send過嚟。你唔好當佢奶奶，當佢係同你一樣咁鍾意你BB嘅朋友啦。
至於佢成日上黎，你哋會唔會比個 weekly fixed timeslot 佢？
一個星期淨係見一次算幸福㗎啦，WhatsApp group嗰啲咪交返俾老公處理囉，就算佢上嚟你屋企嗰日你都可以出街，俾老公湊番就唔使見到佢地。
唔係一齊住唔使上心啦，我老爺都係group 話帶個孫去飲茶又話要帶佢去邊去邊，又問我哋幾時去佢屋企比佢見，我冇理佢喎～佢個仔都唔so佢，幾時輪到個責任去咗我度呢？
同埋生完第三個星期你一定仲係好攰啦，可能乜嘢都睇唔順眼，我當時討厭嘅係自己阿媽，完全唔想見到佢，因為佢係把口超衰講句句嘢都會傷害人，咁咪唔理佢囉～我過咗產後抑鬱期有精神再同佢對戰過
相信你都成日同bb影相拍片啦，個個新手媽媽都係咁
既然佢想睇咪主動what’s app比大家睇！個個都想睇下bb好正常既
有時間先覆，調整下心情，唔使即刻回架！得閒先！
其實佢都算比到空間你，你要維持住呢個空間！如果你真係有啲攰既，或者同老公傾下，睇下可唔可以改個形式見面？
叫你老公send，太煩你出聲話唔得閒，叫佢體諒
一星期一次已經算好，佢太過份就先你老公出聲，佢唔出聲就你嚟，硬淨啲
唔想見好正常，生完仔因為賀爾蒙影響好易對人有敵意。如果99令你放鬆唔到，呢個日時候唔中意佢都好正常。我果陣生完99有煮飯我食，但係要去佢屋企。雖然好近，我叫我老公自己食完拎啲餸返來俾我食算。
加上99唔識做，都未滿月無啦啦話要抱個B去俾佢啲FD睇，我係冇選擇，只係通知一聲。所以我都唔妥左佢好耐。我連佢有我BB啲相都會覺得唔舒服，唔想佢周圍俾show off咁。我諗個情況係生完一年之後先有好轉。
如果唔想下下whatsapp比相，可以試下用啲全家share嘅album app (我用緊叫家家相簿，無限容量)，當我upload完就會自動sync埋比四大長老 （有網頁版），幫佢set好左喺電話/ipad/電腦，佢地鐘意點j就點j，總之唔好煩我
叫你老公自己影同自己回就ok, 佢覺得煩自然會同佢媽申請比疏啲，或者有咩精華靚相再比，日日send, 背景又係張床/張凳，又未係好識反應，有咩好send喎，大啲啲先啦
好快坐完月
之後你搵啲時間落街去行吓放下風會舒服啲架
如果一星期上嚟一次，可唔可以就埋你老公喺度
自己返房休息等老公應付佢？
留名學野
我都好驚生完6299 上黎煩
其實初生都係食訓痾，唔知有咩咁好睇
真係過左New Born 就會好啲？
我都真心期盼係咁
人生好似會多返啲𥌓光
當佢係好鐘意BB嘅朋友
聽落好似幾好
不過奶奶成日都喺BB面前高聲調講
“BB呀，我係嫲嫲呀”
五分鐘內不停咁講
真係好難唔記得佢係奶奶
係咪真係咩都唔順眼呢
我真係淨係唔順眼佢……
可能因為BB出世第一日佢黎到醫院喺我手上搶手左BB黎抱
令我對佢好有敵意
因為冇尊重我
黎到又冇洗手冇換衫唔乾淨
我同老公都未同B影全家福就比人搶走左
就係唔想行開
想望實佢做啲咩講啲咩
我諗我對奶奶真係好有戒心
你要學識改變下自己嘅心態，放鬆心情去睇件事
幻想下你去茶餐廳食飯，見到隔離枱有個老人家成日都好開心咁同BB講我係嫲嫲，又氹BB玩，代表呢個老人家好錫BB。
呢個真係BB嘅福氣。
遲啲嫲嫲又會氹BB玩，嗰種玩法同爸爸媽媽同佢玩好唔同，BB會學識同唔同嘅人相處，性格都會發展得好啲。
如果呢個世界BB剩係得媽媽一個錫，
個BB成長都會好慘。
我果時奶奶係日日上嚟，佢一到我就入房pump 奶，等佢抱BB，仲扮曬唔該曬佢幫手睇BB，不過首要條件係你放心比佢睇BB
利申：我奶奶正常而且湊開BB，我亦樂於有me time 休息下