囡囡讀緊中學,成日都頭痛,但冇發燒
係太大壓力定吾舒服呢? 需要同佢睇醫生嗎？
希望大家能俾意見
我讀書都係咁，唔知係咪成日洗完頭唔吹頭。
有冇試下煲d 湯水比佢飲？
我覺得川芎白芷魚頭湯都有效
試下洗頭後盡快吹乾頭髮。
我之前成日頭痛，改變習慣後，頭痛都無埋。
成日即係有幾密？詳細check下無壞
每日都痛
星期六日，呢度少啲人。
不如睇下醫生，問下意見同做檢查。
如果有偏頭痛，可食下薑黃或咖哩。
又可以試下飲電解質飲品。
做下運動同緩解下壓力。
多管齊下
湯水冇呀，佢平時沖完涼出嚟都冇即刻吹頭，今日會叫佢即刻吹
1個讚
上星期班主任打嚟話我女上堂嘅時候話頭痛，落咗醫療室休息，已經三次
老師話有需要叫我帶佢睇醫生，但今日平時睇開嗰間診所冇開門，唯有等下星期
話說我以前間唔中就頭痛，後尾我次次一痛就mark底，俾我發現原來我既頭痛係有pattern，原來我係經期前頭痛，我食中藥調理而家已好好多。
不過如果每日痛好似密得濟，真係睇醫生好d。
1個讚
曾試過唔知係咪壓力太大
一起身就頭痛頭暈，瞓低就冇事
照曬mri咩事都冇，最後睇腦外科醫生，食左一排藥好好多了
屋企人都有煲樓上講既魚湯
平時就定時做按摩放鬆條頸，如果太緊都會引發頭痛
我係頭痛就要訓覺個d,，瞓落床個頭都仲有溫溫聲，好辛苦，但瞓醒一覺會好好多
但大個咗就真係洗完頭盡快吹頭，起碼頭頂嘅頭髮要乾曬，依家真係冇咁多頭痛
我老公朋友試過，常常頭痛，後來發現腦有瘤，當時好似20幾歲。之後情況不太清楚，但看似沒有生命危險。
