有同事係，唔知以為佢哋兩個先係一對。兩個都結左婚有仔女。佢哋無所不談，一齊出街食飯，有時放假會約埋一齊玩，經常 happy share，唔啱食/食唔曬會畀對方。
去到呢啲位，其實要避嫌…
2個讚
我估樓主友誼嘅定義，一定more than hi and bye，應該類似於我哋女性間好朋友嘅定義。
如果涉及男女愛慕之情，咁一定唔係純友誼。
所以世間男女之間嘅純友誼，係好難。
1個讚
究竟友誼為何物
[/quote]
哩個主題，唔先定義咩係朋友，咩係友誼，大概就係自由發揮嘛。
我有個 ex，佢嫁左去外國好耐。
每次返香港都會見我一次，但平時係無咩聯絡。
而我會帶埋太太細路一齊去，因為佢都想見佢地，想知道我一家安好。
佢話感覺已係親人，我都一樣。
唔係朋友，也唔係情人。
親人係唔會有情慾。
其實是但啦
自己覺得有就有
冇就冇
唔好自己話有，伴侶(或者人哋伴侶)話冇，然後堅持做啲伴侶或人哋伴侶唔like嘅事就ok喇
8個讚
這個又是問題
如果只是你三人
當然沒問題
但如果有很多人在場
你可能都要避忌下
因為你老公這樣會很沒面子的
1個讚
呢個我都很認同係男人性格
1個讚
認同仲要係自己呃自己嗰隻， 呃埋其他人， 以為真的是純友誼
我既定義
係身邊嘅人都覺得過曬火
但係佢哋自己兩個就覺得冇乜野
純個人分享：我嘅自身經歷令我覺得，男女間好close嘅朋友要做到純友誼，應該要先跨越過男女互相對對方嘅慾望，受客觀又好主觀又好嘅條件限制咗，經過理性判斷選擇放棄向男女之情發展，咁就有機會變純友誼。做到好朋友實係對對方有好感，而有好感得嚟仲要一開始就覺得佢只係朋友而block咗同佢發展成另一半嘅可能性，我自己覺得有啲唔合邏輯。
2個讚
好複雜
都唔係好明
係呀
純友誼唔係大晒
唔通嫁咗仲同純友誼朋友住同一個房
或者你一啖我一啖雪糕咁咩
你自以為幾純人哋看在眼裏都係覺得你當自己老公死 
唔明點解有人講Ex
Ex就一定唔係純友誼啦
只不過係受好多其他因素影響，冇法子行落去，而大家都有共識唔會再一齊
諗起193嗰首睡到三點… 「已事過境遷 不再玉帛相見」
手仔都冇拖過就話啫
如果雙方係玉帛相見過，真係純友誼個頭咩
7個讚
年紀差好多
雙方都有穩定既伴侶
大家有共同興趣
共同圈子
如果是但一方係single應該未必得
有既…但好難囉
有，有個知己識咗就快20年，大家從來都唔過電，或者我地嘅友誼係深交果隻，唔係話成日出來飲飲食食陪玩，主要係傾心事或幫手解決問題，佢屋企人都識我
咁冇哂會一齊嘅諗法，又做到frd，咁係咩？
我諗係睇fd 到咩程度？例如我以前同我老公一齊前所謂做fd, 係fd 到晚晚text又sd 哂心心emoji, 情人節會一齊過，番學一齊坐長期糖痴豆咁，情況持續左幾年。
我自己知自己係對佢有好感既，但身邊d人起哄時我老公話我係佢best fd。我當時覺得佢fd zone 左我，廢事自己太沉船浪費青春就遠離佢。跟住佢就好快表白喇
我覺得如果異性既fd 係間唔中傾下計，都仲有機會純友誼。但親密到周圍人都覺得係有路時，咁就唔係純囉。
2個讚
朋友經歷：
男仔對女仔有好感，向女方表心意，女方拒絕，原因已有男朋友，並且已經打算結婚。結果兩人斷斷續續有見面(一班朋友)，都幾friend，但未至於傾心事。
幾年後，男仔結婚，新婚後同太太出席自己朋友嘅飯局，女仔好自然咁坐係男同太太中間，有意無意咁話自己係男仔知己。
好彩個男仔醒水，調位坐係太太身邊。在座好多人，都有少少尷尬。
跟住，圍內朋友開始生仔，大家各有各忙，散咗，冇再聚會。
1個讚
認同仲要係自己呃自己嗰隻， 呃埋其他人， 以為真的是純友誼
[/quote]
好多根本係帶住不純動機來同目標做朋友，因為知道平時一定無機會，會潛伏係身邊做朋友等待時機。
咪係要呃人先要呃到自己。
一旦見你失意失常便趁虛而入，現出本意。
3個讚