我有2，3個
真係冇野
1個讚
有，不過真係好少好少。
我以前讀大學有一個，可以 friend 到一齊去旅行團同房，但唔同床，去露營，同一個營，我諗因為佢唔係我喜歡嗰類，佢都係咁諗，所以完全唔過電。
1個讚
有喎，男仔女仔好朋友都有
真係好friend
由讀書到而家大家都結曬婚
真係唔會諗住同佢變成另一種關係
1個讚
就算有純友誼都無用，
因為身邊嘅人唔係咁諗，
或多或少都有啲閑言閑語。
5個讚
有嘅！不過唔多！我自己有一個，識咗廿幾年，我曾經問過佢點解無鍾意過我，佢又問返我同樣問題，我哋不約而同話試下拖手睇下過唔過到電，拖完手都係無，無feel就係無feel，解釋唔到，一直keep住好好朋友，我屋企人都識佢，最經典係有日我哋唱K唱到零晨，佢嚟我屋企瞓，第二日我瞓到隻
咁，佢朝早敲我房門我都無反應，跟住佢就同我媽一齊出門返工
無理我遲到。佢睇住我結婚，我老公都識佢，但我老公一句都無問過我同佢係咩關係！後來到呢個好朋友結婚，佢老婆就唔係幾接受我同佢老公咁friend，為咗唔影響好友，少咗聯絡，不過感情仍然係度。
我同我老友講，做人第三者個啲唔怕比正印知道，反而我哋無嘢要避忌
一定有
不過好少
以前試過有個男性朋友係純友誼
之後大家都無再聯絡
真係好朋友
Good point，其實兩個關係好模糊！
我細個拍拖連kiss都冇，我覺得係拍拖，我阿媽話「呢啲叫好朋友咋」
相反，啲見過啲女仔Frd到又攬又錫，但各自有男朋友
唔講真係以為佢哋呢對女仔就係情侶。
1個讚
我有兩個男性朋友：
一個係ex，本身讀書時已經係好好嘅朋友，乜都可以無顧忌咁同對方講，分手後有段時間冇聯絡，之後做番朋友，佢唔buy我性格但愛我嘅肉體，我對佢就兩樣都唔buy。
佢對我嘅精神健康黎講好重要，我好需要一個可以不顧形象咁去表達自己嘅人，亦不介意我煩、無聊，或黑暗面。冇女性朋友做到，反而異性朋友關係對大家接受程度就高好多。唔係所有想法都可以同老公、家人講，因為佢哋會好認真咁擔心你。
另一個係工作時認識，初初做朋友時唔知佢係gay嘅，反而知道之後就可以更加frd！未去到乜都講得，只係女性好朋友嘅程度，而且係一個group咁一齊玩，唔會單獨，雖然我都想了解佢多啲，不過唔知對方點諗，所以冇進一步。我一開頭就係欣賞佢body(靚仔有身材)但唔欣賞性格，到衣加都係。
如果「不純友誼」定義係至少其中一方對另一對一方有「想一齊嘅心態」，咁我兩段都係純，因為就算我哋單身都唔會一齊。
但如果單純有幻想而明知不會實際行動都算「不純友誼」，咁我兩個男仔frd都唔係
我細個嗰陣好多男仔Frd, 曾經都覺得全部都係純友誼，點知原來全部都係追緊自己，或其實鐘意對方自己都唔知，到有呷醋先知過火
一齊完性格不合分手，仲有聯絡咪純友誼
最近都有呢個疑問 
如果雙方曾經有過一段關係（不是男女朋友嗰種），大家後來又各自成家立室，之後個男嘅間中問候下女方狀況，但又無乜計傾，咁係咪好奇怪？
你呢兩個例子，一個係ex, 已經唔係純友誼。另一個係guy, 你都當佢係姊妹。所以我覺得唔算。
3個讚
睇左when Harry met sally, 唔信，
除非其中一方係同性戀（類似小s蔡康永）
1個讚
以前信而家唔信、其實之後都知道有意只係錯過左或者知唔會有好結果、長大後我唔介意對方唔介意、都仲要大家既另一半唔介意、所以算吧啦……
1個讚
佢老婆介意都好正常
2個讚
Harry Burns: What I’m saying is that men and women can’t be friends because the sex part always gets in the way.
Harry Burns: Because no man can be friends with a woman that he finds attractive. He always wants to have sex with her.
Sally Albright: So, you’re saying that a man can be friends with a woman he finds unattractive?
Harry Burns: No. You pretty much want to nail 'em too.
Sally Albright: What if THEY don’t want to have sex with YOU?
Harry Burns: Doesn’t matter because the sex thing is already out there so the friendship is ultimately doomed and that is the end of the story.
3個讚
我好鐘意呢套戲。
我成日覺得，認為男女有純友誼嘅女性（唔係指普通朋友，係指知心朋友），應該係有自覺咁收兵嘅藉口，或無自覺咁收咗兵。男方應該一直都無當女方係“朋友”。
一係就好似“最佳位置”呢首歌咁，自欺欺人地催眠自己，同個男仔係“朋友”，其實一直等做正印女朋友。
2個讚
我冇好嘅男性朋友，但我信有純友誼，又唔係係男人我就要鐘意。
咁應該得hi bye frd先係純友誼？
如果好frd好frd嘅，好似樓上咁講，都昇華左另一個層次，咁就唔係友誼啦？
究竟友誼為何物
1個讚
男女可以有純友誼但唔太可能好深交，如果做到好深交，一定有一定程度嘅好感（對男女都係），更多係明知無可能長久而選擇唔開始，如果有諗過都計純友誼，咁可能有，但其實危險，因為有啲位，得二個人，氣氛或者情緒到，好易出事
贊成樓上講，好多老婆唔接受，咁無謂要人地唔開心，我自己有家庭後都會避嫌，除非一班人出黎
2個讚