由細到大，無咩理財知識，又無人教。大家幾時開始知道要用錢搵錢？ 唔通真係要去上投資班，學股票？
唔大使，有儲開錢，但你都知，儲錢追唔上通漲，宜家d定期利息低到呢。。。
有做過外幣定期，仲有剛剛供完份儲蓄保，但d錢又唔會拎出黎用。
有少少儲蓄唔想淨係放係度，有睇po, cash is king, 我又接受唔到太大風險，難道只有放係銀行。買基金？買外幣？
有小朋友後，想諗多少少，做多少少，而且仲想問下大家點教小朋友理財，當然最簡單量入為出，應使則使，要學分清楚需要同想要。
量入為出先…
再諗資產增值, 以前真係放定期都OK
買樓
講真，係香港買樓真係算好穩陣
可以自住、可以放租，賣時起碼可以抗到通脹
for我自己黎講，d錢用黎洗係享受，用黎買樓自住都係享受，仲抗通脹+賺，係超級抵同穩陣嘅投資。
如果有一千萬，我會用曬黎買自住樓，唔會分大細舊錢去自住/投資（eg大舊for自住，細舊for放租），因為我深知自己住得好，係會揾得更加多錢，搵錢亦會輕鬆好多（呢樣關我信風水命理事）
身邊有朋友未必會將咁多資源擺落自住樓，感覺上，係爭d
利申：呢個係我個人理財方法，for我黎講效益最大
我同老公，從來唔玩任何其他投資/投機嘢，基本上6合彩幾多獎金都唔會買，keep得多cash，亦唔係我地作風。
現金多到咁上下，我地就會動起來，換車換樓。for我黎講，cash放係度只係for貶值，cash係用黎洗的，買嘢享受最實際
本人命格d錢要洗咗佢，先會再黎。唔洗唔會嚟，洗得多可以搵得多，緊係洗多d享受下著數d
唔係鼓吹迷信，不過開個命盤了解下自己財來之道的確可以解決好多疑問
1個讚
搵個信得過嘅師傅又何奇難呢
係ga
我只批過一次命，好彩遇到個好師傅
不過任何師傅唔會批得咁盡，所以N年後我決定自己去學
頭先嗰段係靠我自己解盤+根據歷年經驗+批命師傅d點點滴滴而領悟返黎
如果你有心機時間，建議你去學紫微斗數，子平八字範圍太廣太籠統，唔及紫微斗數批得咁精準。學曬紫微斗數，當一星期一堂，應該要1.5年時間左右。
唔可以接受風險，其實風險有唔同程度，你係一D都接受唔到？定係可以接受到較細風險？
教小朋友理財首先要教自己理財，以身教方式，其次睇小朋友幾大啦，教佢分到需要同必要嘅分別
1個讚
我有嘗試過學架，但組合太多實在係記唔入腦
又有啲四化飛星又有咩三方四正，唔同嘅組合組埋一齊又有唔同野出左黎，殺破狼
所有野都令我一頭霧水，我諗我應該唔係學哩啲嘅材料
um…
我學咗4個月左右，睇得出你可能將重點擺錯咗
其實幫自己算命洗乜記入腦，一路解盤一路對notes/書，根本唔使背（又唔係做人生意）。
我估你應該係未知道點去理解個盤？即係無從入手？其實自學應該要好高資質先會明，去上堂學，我覺得唔難
要去開檔做人生意就難，因為真係好多嘢記，又要即時解。幫自己/朋友開盤，可以慢慢磨
如果有人知道搵錢正確方法，點會開班同人share
教理論係無錯，但去到實踐，未必係嗰回事。學多樣嘢無壞，但股票呢樣嘢唔係人人啱玩，同埋呢樣嘢其實賭博成分幾高下
從來創造財富先係重點
所以一開始就要培養小朋友某程度上嘅慾望
一個人有慾望，尤其係物慾先會有動力去賺錢
無動力去賺錢，乜都係假
某程度上，貪得無厭（靠自己），先係成功人士嘅最大動力，否則李+x都唔會已經咁咁咁有錢，都會繼續揾錢啦。
普通人唔夠「貪心」，有5000萬現金，可能已經諗緊點去退休嘆世界
一個知足長樂嘅人，只會過到知足長樂嘅生活。
性格命運係互相牽引㗎
4個讚
同意要有慾望，先會有學多啲嘢，搵多啲錢嘅動力。當然要依自己嘅能力兼合法。
Stay hunger, stay foolish.
4個讚
其實買外幣一樣有風險(樣樣投資都有風險風險)。
我自己一做嘢就開始投資，因為職業兼職場嘅關係，同事間互相影響。
如果你冇家底, 冇學識(理財/專業), 冇膽色(投資風險), 又想揾錢, 唯有打多兩份牛工. 如果發達咁易, 冇窮人啦
4個讚
廿頭買樓做按揭嗰陣第一次錢搵錢。
不過我到衣加都係識搵錢多過錢搵錢
1個讚
儲到個本先諗其他
2個讚
我仲係摸索中
本金/ 閒錢唔多
同買樓仲好大距離
暫時學下買收息股先啦
都叫有少少被動收入好過無
我買完之後感覺有點差, 覺得戶口少左一筆錢….
習慣就好
尤其當你賣樓換樓時就會發現，錢一路貶值，樓可以跑贏通脹，又可以改善生活環境
供樓… 某程度上都係儲錢 平時你d錢擺係銀行戶口，其實又無乜大作為，用黎供樓好過蝕比通脹
其實宜家有少少本係手，暫時無需要用住，唔想淨放係度。所以想睇下有無咩短期，供完一份儲蓄保，但d錢又有排先會拎返出黎用，太耐啦。小朋友出左世，宜家full time mom, 未出返黎做野，想搵多少少 for bb用或者當增值自己。
短期可能只有炒股？