老公亞氏，我哋有一個小朋友。每日我都同個情緒打仗，好辛苦。
我明白真係好痛苦（我老公唔係，但我識人自閉）
試下唔好俾佢牽引到你既情緒，你改變唔到佢架
我就係經常俾佢帶住我嘅情緒，仲要通常係負面情緒。
可以講多d嘛？
我都成日比我老公搞到好唔開心
其實有咩病徵
我唔識得好簡單咁形容，因為個個人都唔同，建議你可以上網睇下，當學多樣嘢都好。如果單單講我老公，我會話
佢有自己一套同大眾人好唔同嘅睇法，並且會assume我同佢嘅感覺一樣，甚至接受唔到我有其他諗法。
佢唔aware大眾嘅social norm，身邊朋友可能會覺得佢有啲怪。夫妻相處上，好多一般嘅expectation佢做唔到，但公道啲講，好多一般老公唔會講唔會做嘅嘢佢又會好真心咁做，係冧嘅。
思想好極端，好多野對佢嚟講都係非黑即白，只要佢覺得一樣野係啱，佢會不惜一切用盡方法去做。
不能盡錄。每日生活大小事都好多衝突，明明好開心都可以突然逆轉氣氛。我自己本身EQ又唔高，所以想睇下有冇人一齊圍下爐。
2個讚
感謝
明呀，日日唉聲嘆氣，無日開心，諸多不滿，講野超倔，對住佢好大壓力
唔知算唔算，好多時佢好嬲時（其實唔明有乜要咁嬲）會直接話「總之我話點就點，唔會改」或者「我理得你丫」，係完全無視我任何諗法或者感受，超灰囉
我都係做輔導相關嘅野，但對住佢，所有輔導技巧都無用
1個讚
係好搞笑架，我對住老公用所有我工作上嘅專業知識都冇用
我老公都會講類似嘅嘢，仲會估意激我講啲我唔岩聽嘅嘢⋯⋯不過我免疫啦，由得佢當下發脾氣，平靜之後再偷偷地植入啲思維比佢。
都係嘅，唔會當刻硬碰啦，不過就要食曬佢啲負能量囉
同埋我發現佢係分辨唔到我堅嬲定嗲佢扮嬲，有時我會「喂丫，xxxxx」，佢會以為我係堅嬲，而覺得我語氣差，跟住佢就嬲，再loop返上面講嘅，結果我就比佢搞到變堅嬲🥲
我老公都係異類，不過佢嘅睇法係太make sense冇其他情感，所以係討論事情上我都會好受傷，但其實佢係岩嘅。我老公係適合做法官，因為諗嘢真係law base同講證據，但完全唔會理道德同感情。
佢都係要迫我接受佢想法，講到明我只可以認為佢岩，認同佢嘅所有選擇。
我係話開事嘅人，亦好有自己想法，所以初頭都會好反感同吵架，不過後來發現如果唔係啲生死存亡嗰類嘅嘢（例如並非令小朋友處於危險，並非會直接明顯影響身體健康），咪順佢意囉，你心裡面點諗係一回事，大男人都係咁。
或者你會唔會有事例可以比我哋了解下你真實情況？
1個讚
好多男人都分唔到嘅，我諗連女人都未必分到另一個扮嬲嘅係咪真嬲唔好怪佢
做人好累
不過咁，其實我62係一個更加嚴重病患（職業病，結婚後認真相處落好快已經索到，結婚前佢都仲客客氣氣咁扮野
諗返都想嘔），不過佢地一家唔肯認佢係「自閉」，只係話佢煩，當佢發作時真係發癲咁，為左唔令佢發癲，全家都要就曬佢（which is 我作為一個輔導人，嚴重地覺得係佢地不停reinforce 緊佢），所以我估計我老公唔多唔少都有受到影響，總之自己發癲，大聲過人，就會得到想要嘅野，應該就係呢種諗法
真係一代害死下一代
5個讚
以前鄰居三、五日家嘈屋閉，搞到call 狗
我見你個post話你感覺婚姻去到盡頭，我都係。我成日諗，等到小朋友大左我就離開呢度，可以有自己生活。而家暫時唔夠勇氣，同埋盡量唔想太影響小朋友。
異類，都係ASD？
非也，佢嘅社交能力同埋情緒控制能力都好過一般人，只係佢嘅思維模式好似機器咁冷漠，一般人諗嘢係會有溫度，佢冇，佢都成日話自己係異類。
好奇問，咁小朋友有冇得佢真傳？都係咁冷靜型？