小朋友小五啦, 我係single parenting, 因工作忙我地幾乎weekend/紅日先見面.
我想多d親子時間, 每日係公司都會打電話or whatsapp小朋友 , 都係幾句, 問吓佢今日係學校過成點, 食飯食左d咩咁. 有時候朋友/同事約我weekend見面, 我都話帶埋小朋友去. 但係小朋友成日都唔想出去.
佢細個幼稚園果陣, 成日話要出街架, 又要我抱. 而家我驚佢悶, 想多d同佢一齊, 佢又話我煩, 又話要做功課同補習, 想留番d時間打機or同同學傾電話.
請問大家有冇咩建議, 可以令小朋友願意同我一齊?
Thank you
可以試下學打機先，投其所好，建立共同話題。
你係男定女?
你小朋友又係男定女?
可以去多啲"困獸鬥"的活動, 例如去水上樂園果啲, 去完感情會進展
過多幾年中學佢更加有自己圈子唔同父母玩架啦, 尤其男仔, 要珍惜最後機會
我都唔會想陪阿媽social…
無咩方法，投其所好也只能吸引佢一陣。
唯有比些耐性等佢長大到能夠溝通。
細路嗜好多為動漫，打機，運動。
三樣都係我強項，咪一樣唔黏我。
只有打機卡關過唔到先搵我。。。
小五係咁上下、同住雙親都唔會好幾多、分分鐘仲多磨擦、重質不重量啦
可能要一齊做d 小五小朋友會有興趣既活動，或者大家建立一個共同興趣，然後每星期regular去做
平時邊個照顧小朋友？男定女？有無時間一齊留係屋企？
佢鍾唔鍾意mirror？
去一次staycation，水上樂園，睇戲。
小五都唔係好大個, 要小朋友同你親近最緊要係你肯花時間喺佢身上 (你話WEEKEND GATHERING帶佢去見你D朋友, 咁其實係你要求佢花時間喺你身上, 你D朋友關佢咩事? 你地大人去傾計飲飲食食佢未必ENJOY喎)
你要投其所好, 有時唔駛特別安排咩活動, 但要有QUALITY親子時間, 唔好一嚟就問功課點? 考試點? (雖然我自己都會問, 但我花好多時間精神金錢喺佢身上, 所以我問佢唔會反感, 但佢老豆問就會)
呢排興魷魚遊戲, 我地WEEKEND就做煲劇廢人喺屋企睇, 餓就叫外賣, 其實都幾ENJOY!
佢鍾意MIRROR我就SUGGEST出街同佢去打卡, 鍾意卡通公仔就搵D餐廳 (EG. HELLO KITTY, MIFFY 餐廳)去試… 咁小朋友自然想同你出街
呢啲都係單親面對既其中一個最難問題,又要搵食,因唔知什麼時候開始單親,所以維繫感情基礎有多少難估計. 從你提及小朋友幼稚園既情況,那時候嘅你多唔多時間親子?因為單親用嘅時間及精神,肯定比雙親要多要辛勞,期間更何況可能給予四大長老照顧,老人家做過咩講過咩你未必知. 孩子都小五,反而Weekend你少啲同朋友/同事見面,肯定之前有啲事比小朋友覺得唔LIKE,做成唔想出去多.情願呢啲時間多啲陪小朋友仲好,星期六日中午可一起去麥當勞食下野,多啲找話題傾下計,從中你都應可以聽到一啲孩子透露既野. 亦都可以一起玩下兵兵波,一起玩下機輕鬆下,令佢知道及放心,你係世上唯一對佢最好最照顧既人.
11/12歲，就算同住唔係單親都有機日日頂心杉……我係媽媽，得個11歲仔，最佳辦法就係打機，online一齊打，我仲要同埋佢啲同學一齊online打（阿仔肯….當然自己唔好做豬隊友）如果你係爸爸+囡囡咪追韓劇/追mirror+Kpop/親子整吓蛋榚/去吓啲主題餐廳有得影相果啲啦
但係香港，呢個歲數星期六日真係會好忙（唔駛溫書咩），體諒一下啦
你平日WhatsApp 佢就唔好問「今日做過啲乜」「今日返學返成點」果啲，問呢啲真係好掃興的……要知道佢時間表，要知道佢唔鐘意邊科邊個老師，跟住問，今日上乜乜堂悶死咗未，今日個麻煩Miss有冇再煩邊個同學果啲，又或者唔好問學校嘢，直接講吓其他嘢….加油呀，青春期唔易捱的，捱過就彩虹㗎啦
我係媽媽呀, 我係想同佢一齊, 除左溫書, 可以一齊做吓其他唔洗用錢嘅嘢
而家佢連我想抱吓錫吓都say no, 好傷心
我係weekend多數同佢一齊, 佢都有見過我d朋友. 我每次都帶埋佢去, 因為我想佢知道我d朋友係點. 唔想比佢覺得, 我寧願同朋友一齊都唔理佢.
Weekend都只係見面？有冇住返1,2晚？
咁你不如問下佢係咪唔ENJOY同你D朋友出街? 會唔會想2個人去食下飯睇下戲??
11歲都仲係唔大唔細, 你想修補仲嚟得切! 加油!
跟阿媽去見朋友好悶啫，不如你星期六、日留番同佢2人世界，咁咪仲特顯到佢緊要過朋友。
你想佢知，但佢未必想識你啲朋友呀，11歲男仔，對住你啲朋友有咩好傾，悶死佢啦。
你weekend 只同仔仔出街，佢就知道你想同佢一齊。
要由細培養先打破洪溝
要由細培養先打破洪溝
[/quote]
以前工作忙, 無時間陪佢地.
佢地由細到大都係黏媽媽, 終於到中四打後先識得欣賞老豆既優點.
而家有咩煩惱都會搵我幫手, 關係幾好呀.