岩岩驗左4weeks，未睇醫生，諗著7-8weeks去睇。只想開刀，因為我個人有驚恐症，如果順產驚搞唔掂。但C6岩岩失業，屋企好多問題，所以我想用自己私己錢去生bb，有爬文睇大家生仔大約幾錢，但睇到篇文好似無特別寫明邊個醫生，希望大家最近一年生過既可以俾多少少資料我參考
感激大家 。
我都想知呀 
我兩胎係公立生
第一胎順產，第二胎開刀。
第一胎生產好痛，但康復過程快好多，第二胎其實開刀後都好痛，每郁一下痛死，行步路都辛苦，用左兩個星期起床先無咁痛，但依家摸個肚都覺得麻麻的感覺，裡面內臟似乎需要很長時間康復。
如果選私家，相信順產都無咁辛苦，可以打無痛同摧生，
始終開刀要切七層先拎到BB出黎，其實好傷身。生完餵奶湊BB更痛，痛既時間長，以星期計。
反而順產過程好似好痛，但痛既時間有限。
所以有得揀，會建議考慮順產先。
至於驚恐症，我唔係咁清楚，不過生仔湊仔係好大生活轉變，所以有機會同婦產科醫生傾傾。
5個讚
如果錢係concerns, 建議去公立醫院順產，因為私家生，如果有咩complication, 條數會滾到好大。
如果對順產有疑問，怕自己應付唔到，去健康院時可以和醫生姑娘講，佢哋會解釋。
個人認為，把去私家生BB嘅錢，用嚟請陪月照顧自己和湊B更實際，因為BB出世後，先真正開始打大佬。
7個讚
係，我記得以前有單係媽媽開刀期間大出血，幾萬蚊滾到$40萬出院。
既然而家老公失業，樓主就算你有錢都留番比bb好過啦。
2個讚
開刀你預平6至8 萬， 但係私家有好多預計唔到既洗費， 好似bb 要留院照燈。
你仲有好多洗費， 產檢，t21，結構等等坐月又洗錢。 先生岩岩失業不如慳d， bb 出世後奶粉 尿片樣樣都要錢！
1個讚
同你一樣。
唔好意思講句，怕痛就唔好生啦！
順產無論對孕婦及BB都係最好嘅！
痛只不過係一個會終結嘅過程忍咗佢啦！
利申：生左2個，第一個人手穿水，第二個係催生
2個讚
羅宇帆
怕痛可以問下有無無痛分娩？
先生失業，生b一闊三大，勸你公立生好啲
搵間好d既公立
（ QM/東區）
生完請個陪月
會好d
公立要跟地址
你講咗我嘅心聲
我好記得我以前個同事係咁話「唔得架，自然生咁痛，我一定唔得架！我一定要開刀架！」當時我心諗：「搞嘢嗰陣你老公成支嘢隊入嚟又唔見你話痛？」
你有驚恐症，向政府做產檢嘅時候要同醫生講你嘅病情
如果順產嘅時候令到你驚恐症發作，可能會好危險，你試吓要求可唔可以向政府開刀生
如果係特別情況，政府一樣會直接幫孕婦開刀生，但首要係同醫生溝通咗個情況先，等醫生判斷你適唔適合順產
5個讚
無痛要麻醉師得閒先做得，而通常佢哋都係唔得閒
政府順產未必可以做到無痛，因為麻醉師只得曰頭，而且全間醫院的手術都要應付。不過都有聽過係公立（瑪麗醫院）做到無痛，應該係好好彩。
我係邱佩琪開刀，浸會，2年前7萬有找。
生完傷口唔算好痛，當然有食止痛藥，一星期左右已經習慣左個傷口，不過傷口真係會麻痹左幾個月。
其實真係生完之後先係真正打大佬，我雖然無試過順產，但係湊細路先係真正漫長既路。
學樓上話，可以試下同公立嗰邊既醫生傾左先， 慳返唔小。
咁佢真係好好彩。
我嗰陣時QE生，填生產意願書時無揀無痛，因為大醫院咁忙肯定唔會幫我做。我當時自己調較精油入產房，開始陣痛時叫我老公用嚟幫我按摩。