其實英國野講到而家，網上資訊已經多到泛濫既地步。好多問題，就算唔自行找相關法例細睇，都大量雞精答案。
所以我只揀些比較少人講既傾下。
new build 應該都知係樓花，極少量賣剩現樓。
頭兩年由發展商全保，之後八年由nhbc提供結構保養。
點避免爛尾盤，網上已大量資料。
買新屋好或買舊屋好，網上又係大量比較資料。
舊屋收樓同新屋檢查方法唔同，而家只講 new build.
注意，我無以此搵食，錢多又重視專業資格既可以跳過。
首先，要明白英國既建築係大量使用木材。
只有外層幅牆係磚砌，中間支柱，樓層地板，屋頂，牆身板背後全部為木材。
新屋外牆都會上防水層或 cladding，唔會睇到磚砌成點。外牆收水或多或少有裂紋，但如果唔係由頭裂到尾，基本上都唔關砌磚結構事。
至於間屋耐唔耐用，主要都係睇木材既保養。
英國係無白蟻既，木材只要唔直接淋雨暴曬，有通風，超過一百年都無問題。
外牆地下位有通風口，引風入地板及牆之間，再直通到閣樓屋頂，經瓦仔通風對流。
上 amazon買個濕度計，三十零鎊。
濕度 11以下乾爽，15以下正常，16-18會發霉，18以上會出水。上網好似無哩類資料，行業知識來。
係門窗邊牆身度下，就知有無滲水。
再上閣樓度下屋頂支撐木，就知室內上升既濕氣有無好好疏走。
濕氣重，幾個月至一年便會發霉。
一直霉落去，大概十年到便成危樓要更換大維修。
解決閣樓濕氣方法，可以增加抽氣扇，整理保溫物料，瓦仔間增加疏氣位。
我間屋有濕氣問題，自行解決左無搵發展商，嫌要排維修期麻煩。
另外冬天期間，室內保溫愈好，室外溫差便愈大。
室內暖既水氣上到閣樓會凝結得更明顯。
只要哩兩樣大事無野，間屋就耐用。
其他室內野，如果有人有興趣再講，要打好多字。
