我個個又係勁大鼻鼾，晚晚嘈到我無得訓，我試過發癲踢佢。佢唔信自己有鼻鼾，有次我嬲嬲地錄佢音，第二日比佢自己聽返，佢話我痴線。
我鬧佢影響到人，要正視問題，因為懷疑佢有睡眠窒息症，要搵部好d既呼吸機比佢戴住訓。未買到機前分房訓，雖然有時都會嘈到我，但總算有覺好訓
初頭戴呼吸機非常唔習慣,用咗一個月先至習慣,不過如果反瞓嘅話,都會甩臉罩,甩咗之後就會非常不適會自己醒返載返臉罩
1個讚
如果有睡眠窒息症,白天會好容易攰,好想午睡,無午睡嘅話頂唔到晚上
部機自己買？幾錢啊？
咁真係唔容易
我用橙色一粒粒膠塞入耳仔果種
有無得醫好？成因係咩啊？
有啲可以醫,我嘅就冇得醫,因為好似係鼻到呼吸道個位短左,所以只可以帶機
要多啲練習,未瞓前帶住部機睇電視,
最主要係習慣嗰度氣壓
我諗住試「耳酷點子」，試完話你知
推完佢佢好快瞓返，永遠趕唔切自己瞓先，越推越激氣，最後我認為最有效方法係分房瞓~
呼吸機使唔使有醫生紙先買到架？ 驗睡眠窒息係咪都係一般西醫拎轉介信去公立驗呢？
我老公唔單止大鼻鼾，仲要磨牙
慘在我係勁醒瞓… 冇計依家多數係分房瞓
我唔係住喺香港,所以唔知香港點樣搞,下面個link係連登仔討論香港就醫情況,可以參考
https://lihkg.com/thread/2564720/page/1
識得人兩夫婦都有睡眠窒息症,兩人床頭角放一部呼吸機,唔需要分房瞓啦
1個讚
係自己買，我老公係去做咗睡眠窒息test先，但幾多錢真係唔記得
1個讚
多謝分享 另外想問睡眠窒息徵狀會唔會訓覺時候打開口？唔係用鼻呼吸，因為佢訓覺時係成日打開口
我老公跑步果排鼻鼾聲會細好多。
其實我習慣咗好少會比佢嘈聲，如果太大聲佢會自己出廳瞓。
自從佢減肥有啲成績之後開始無咗鼻鼾聲，只係有時飲咗酒就會有聲
勁大聲 仲有pattern添 一去到某一段會細聲左 我覺得佢都有睡眠x息 但男人始終唔肯正視
解決方法 叫男人減下肥做運動 叫佢打側訓 半夜伸佢幾腳 一個頭 一個腳唔同方向訓 會細聲d
或者自己做運動 跟住夜晚就好好訓
我都係好易嘈醒既人,如果嗰日我好攰或者做左運動 就唔會比佢嘈醒
不過咁多年 而家被佢嘈聲都會好快訓番
鼻鼾大聲代表呼吸唔到所以搏命用力扯,細聲就代表已經通返,你可以數下去一個鐘頭大聲有幾多次,正常嚟講超過五次就係有睡眠窒息症
都幾肯定佢有睡眠窒息 半夜佢都成日醒 又唔夠精神
講過幾百次 男人唔肯睇醫生真係幫佢唔到 唯有逼佢打側訓 就好d