簡介下自己先, 我今年35, 試左兩年都未有。今年同老公"的"起心肝調理同揾幫手。
今年中開始去左家計會睇不育, 同時排左QM公家IVF (22年5月聽講坐)。
家計會個醫生俾我個感覺好HEA, 原因主要因為以下三件事:
醫生同我地安排啲Body check, 其中一個係Day21抽血, 我一開始信任醫生, 都冇問佢要驗咩。
點知到睇報告時佢一口話我無排卵, 我即時成頭???..原來佢想驗我孕酮
因為我cycle係偏長35-40日, 所以day21跟本未排卵 (我有用紅d check住)…到想叫醫生再refer我去驗, 佢就話驗黎冇用reject左我 
成個諮詢只係Focus女方, 要我驗輸卵管驗血, 體温表都有温度升高, 之後見我週期長就開排卵藥, 完全唔理我老公果邊問題, 老公陪我去到都冇得入去見醫生只能係出面等。
醫生話做ge所有野都只係幫我去排公家IVF, 家計會的IUI我唔合格做, 因為要追成功率, 要兩公婆所有測試結果及格先得…
睇醫生真係人夾人, 我都好可能要Move on揾其他幫手
唔知有冇啲推薦? 又或者我專心等QM好了 
你試下看中醫，不過是要持之以恆，才能成功受孕，男的服六味地黃丸為主的中藥
QMH 公家好似女方超過35歲就唔會做IVF，而公立最少要排期3年；你哋直接去私家啦。
嗯, 都有睇過2個月, 唔睇家計會的話可能會開始返
公家要女方開始時Under 40, 我下年聽講座…希望2022可以開針
我多囊成日都排唔到卵
試咗幾年又睇咗幾年中醫
上年去咗睇QM 私家, 想控制排卵或者iui
但實在太多restrictions我根本夾唔到佢要求嘅schedule
所以最後朋友介紹我去咗中環一間睇輔助生育嘅私家診所度
睇咗2個cycles就成功咗喇
女性生理時鐘所限，超過35歲會越來越難懷孕，如果經驗負擔到，建議公立和私家同時睇，唔好一味只等公立。
時間過咗，就係過咗。
您咁淡定…就算成功，年紀越大，陀/生都辛苦
公立IVF 都好流水作業，只可以話係係平好多，所以好吸引。
我朋友係公家植入前先話佢有息肉，要佢做左手術先，做完手術過一排就話植入，但又冇度內膜厚度，又冇做人工cycle，最後全軍覆沒。
跟住朋友自己搵私家不育科，想知失敗原因，原來係內膜係息肉手術後變薄，再發現埋有其他女人病，導致佢失敗。
所以如果金錢有少少鬆動，係政府做IVF + 再加私家醫生，兩邊睇。
咁求奇？？
我喺威爾斯私家症做，一定要check晒以上先會開始療程架
係囉，好奇怪，仲要植入唔夠厚度都照植入，好似為做而做，會唔會係個別醫生做法唔一樣。
個別醫生有問題？
全球都知內膜厚度好重要啦
但真係3次都照植入，我朋友後尾去睇私家先知
咁真係好求奇！
佢係邊間公家啊?!
我都睇過，真係好hea，所以直接私家
廣華