我
個8歲嘅仔，疫情期間因為無得出街，所以俾佢用多左手機，之後就越用越多，入曬迷，每次叫停都鬧大交⋯
大家有無同樣情況？會點處理？
2個讚
手機係好易上癮講真好難搞，只好大家講定數做好晒功課溫好書先比用、每日用幾多個鐘，如果屋企有人識IT 可set 定上網時間、唔比上乜網
1個讚
你自己一日又用幾多個鐘先。
1個讚
我買咗iphone俾個仔，我自己又用iphone，用child ID控制佢打機時間，每日3小時，完咗就要問我approval先有。
3小時係我問咗佢先set嘅。
Iphone貴買平用，同埋佢感覺自己take control，唔係媽咪逼佢收機，無咁多埋怨。你可考慮下～
5個讚
你呢個方法幾好，同埋三個鐘好好喇已經，足夠了
1個讚
嘈過好多次
跟住我老公上網search parent control
而家set左每日
電腦兩小時+電話1.5小時
有需要就等老公approved
終於唔駛再嘈
暫時覺得咁樣幾好 唔駛太沈迷 我又唔駛煩
3個讚
有
大家方法都好好，但係可能係我阿仔已經入曬迷，好難同佢傾到
唔想搵學校幫手，擔心學校知道會影響佢地點睇我阿仔。大家有無搵過什麼服務幫手?
又或者有無什麼服務建議可以幫我同阿仔改善到關係?
我見你話你小朋友八歲
佢應該仲聽你講
哦一大輪無效就真係要沒收手機
或者乖先有得用
或者最簡單 帶佢去多d街 去公園玩下
無理由連行路都攞住電話掛
家長陪佢玩其他game 放多d時間係佢度
例如 一齊玩棋? 波子棋 飛行棋之類
等佢唔會長期對電子野
陪佢既同時 你都要放下手機
2個讚
首先大人唔好成日拎住電話
小朋友拎住電話係做咩？同朋友打機定睇片？
你地係大人返工、小朋友工長老睇定自己照顧？
如果自己照顧就容易啲、放學返嚟食飯做功課、搞掂比佢睇一陣、跟住帶佢落街玩。
比佢用手機果陣講明用到幾點、夠鐘就收、唔守承諾第二日就冇得玩。
放假嘅話、唔係要溫默書測考就出下街、去行山或者游水、當出去半日、起碼玩少半日。
小朋友一開始拎機喺手都係佢冇所事事、大人又唔得閒理佢所以開始。有時間玩下board game 果啲、佢投入咗就冇成日冤住。
之前睇過報導話、手機播緊話面嘅Signal、刺激大腦嘅位置其實同毒品影響大腦嘅位置係好接近、同埋當一個人接觸電子產品太多、腦入面一啲傳導物質係會減少、唔覺唔覺咁會變得冷漠同冇同理心、所以當你制止一個手機上癮嘅人唔好用手機、同制止一個吸緊毒嘅人一樣、佢第一個反應係發脾氣先。
1個讚
講到要改善關係咁嚴重、佢係有自己手機可以隨時上？
可唔可以諗啲唔係直接衝突嘅方法、例如熄屋企wifi扮壞左、終之首先諗方法減少佢用手機嘅時間、慢慢搣甩條癮先。
揾其他野一齊做下 SIDETRACK下佢
你goigle「沉迷上網 青少年 熱線」有一堆，我都試用過一個，係用whatsapp傾計既
培養其他興趣
例如踩單車，行山
8歲好細個，應該仲有其他嘢吸引過手提電話（唔好意思離一離題，麻煩大家捍衛返廣東話，唔好用手機，多謝！）
我會帶個8歲女去街去玩，等佢唔好成日喺屋企掛住3c 產品。以前我都放題式俾佢睇電視，但lockdown 實在睇太多，要俾返個時間表佢，幾時玩得幾時唔玩得。我會講埋原因俾佢知，睇得多嘅唔好處，佢會明白我限制佢都係為佢好。
我仔大概和你仔係差不多年紀遇到呢個問題。而家戒左一大截。我用左幾下幾招：
- 一開始我先減少少時間，例唔會全cut，如每日4小時。再慢慢減
- 要先做曬某d事先準玩。除了功課，可能還有些家務，睇指定時間既書，做指定時間既運動。
- 俾多d其他活動興趣佢。我試左三四十幾樣運動興趣，最後選到滑板，棋等。我幫佢報班，咁就自然少左時間睇電子野。
- 就算睇，都限制內容。初頭佢睇打機片，後來我唔俾，佢改睇紀錄片，學左唔少知識。
一開始佢會發顛，大喊，甚至自殺。我會講道理，說，你夠大過成熟，可以處理到自己情緒不受影響，就可以睇返。你咁發脾氣，就係俾電子產品影響。佢somehow最後折服左，亦習慣左。
堅持係難既，除左小朋友發脾氣，無電子產品湊著小朋友，大人都會辛苦左。所以先減少少時間，等大人小朋友都適應左，又找到合適既代替活動，然後再減多d
4個讚
一日三四小時真係好多喎⋯⋯
奉勸未開始比仔女玩手機嘅話，開始時要set好啲rules.
我個女self control好弱，講好曬時間會扮唔知，我又覺得次次要我提先收機好無癮。而家改左例，我要求佢做好自己嘅事先可以玩手機，陪佢寫低每日要做嘅事，陪佢一齊諗下點安排時間，我覺得呢個方法幾好，佢本身已經好呢啡，做事好那西，依家終於唔使我勞氣，佢一眼就知有咩未做，做完曬就可以打機。
2個讚
提外話、呢排搭𨋢我見到鄰居嘅小朋友、係咁「斬眼」、係「斬」得好誇張、佢媽話佢放學返嚟睇電話到天黑、應該係睇得太多搞成咁。
一定有 , 不過我小朋友仲細 唔係我仔
但以前都成日見到我媽鬧我細佬
鬧到半夜起身熄WIFI 搞到我都冇得煲劇的