其實係好典型家暴案例, 事主講咗佢冇外家, 有朋友但係唔知實情以為佢生活得幾好。
- 無外家有機會事主成長背景已經影響咗佢性格同之後嘅選擇 (正如樓上都話有話原生家庭破碎容易令子女向外尋"愛")
- 無外家(後援)令事主情感依賴家人(家暴老公) 同埋朋友(唔知內情)
宜家事主如果離開"家人" 佢面臨失去依賴(情感上+經濟上), 朋友知道佢生活變化後未必會幫助到佢, 即係事主有機會失去所有援助
家暴老公亦都係典型暴力人格,好識玩弄事主心理, 點樣好似釣魚咁一收一放令佢上勾, 控制全家人經濟活動(所有開支唔過事主手), 令事主覺得離唔開佢。
我知外人睇係好氣憤點解事主佢仲未執嘢走, 但係其實佢開呢個post 已經係行咗好大步, 如果呢個時候仲要踩佢幾腳（which可能係恨鐵不成鋼) 佢可能會覺得自己只可以繼續依賴個男人, 呢個係佢宿命, 佢無資格走。
你地有冇睇天水圍的夜與霧? 張靜初都係帶住2個女, 同樓主一樣佢都係無外家(喺中國), 一個女人喺香港孤立無援, 佢有求救但係都冇人幫到佢最後先發生慘劇(真事改編)。我想樓主知道嘅係, 家暴呢樣嘢唔係你忍下就會過, 宜家社會支援已經好過以前好多(都係因為呢個case), 你有決心行咗第一步, 我希望你有勇氣繼續行落去,為咗自己同兩個B三條人命嚟。
27個讚
你真係講得好好，我好認同，其實敢踏出出求救post哩一步已經好好，眼見其他人仲一味以自己啲性格習慣黎當例子，不禁想問，咁對樓主真係有幫助咩？
2個讚
我唔係想話其他人嘅意見有咩問題, 因為佢地嘅感受我都有。只係想講多少少希望大家唔好blame victim, 大家好驚事主唔識諗害咗D 細路, 但係其實佢都係受害者。
1個讚
樓主摸住後腦嘅傷食生蠔，心痛呀！
又同意你講係樓主宿命，性格將自己拉入泥沼…
個男人都係高招, 點樣令一個自認為"無依無靠"嘅女人飛唔出去。
性格決定命運, 但係我唔相信宿命, 樓主開得呢個post 如果唔止係討拍求安慰, 而係想有實際改善自己嘅生活, 佢已經係改變緊自己嘅命運。
3個讚
我好mean，但我唔覺得安慰佢幫到佢，百幾個回覆我就係想做鬧醒佢嗰個
佢唔醒我冇辦法，但我盡過力就算
被佢打完食生蠔仲要被佢引自己笑，痴膠花
1個讚
好耐無上嚟,一上嚟見到呢個post, 好心up!
你係咪真係去租屋定安排到上樓？ 要駛好多錢,唔好樣樣買新,留多D錢以備不時之需.
我最近幫朋友處理梗移民留低嘅家居雜物,有look 架床,雙人床,書架,小家電,廚房煮食用品,被鋪之類. 你初頭用住先,慳好多!
大約要2星期內清走,你如有需要,我全部free比你,不過你要搵人幫你搬.
有需要就pm我啦!Good luck!
13個讚
呢頭幾段完全係明白曬我心裏面諗咩，多謝你先，係呀細個成長唔好，遇到佢對我好以為永遠，而且佢真係捉心理，從來唔知道佢銀行咭
同埋兩個未兩歲嘅孖女，我搞唔惦，大孖爸爸同佢訓同佢起身我就湊細孖，因細孖有長期病患，你估我有得走唔走？
1個讚
我都記得，因為自己FTM就忍個老公，我見到時覺得好可悲。根本FTM唔代表要咁受佢氣，做到咁低賤。當自己都習慣比人咁對待，連自己都覺得合理、縱容呢種關係，咁真係唔好怪人，事主自己都變成貶低自己價值既幫兇。自己都唔尊重自己，憑乜叫人尊重你？
3個讚
佢啲阿哥細妹全部都話嘈交冇分別我啱錯，佢哋話兩個都有錯喎，我真係好想走，就癲啦，出面租屋兩上一按 仲要佣金，唉
回應番上邊，係，呀我遇到租屋問題，錢問題 ，我冇得排公屋因為屋企複雜我個名冇得移除，總之都係成長背景複雜我已經冇後援，人哋都話有老母借錢，我有少少儲蓄，都只係小小
你有二手野比我我又唔知邊度請人送，自己又唔識水電，鑽牆安裝電視等等
1個讚
樓主，如果你決心走，一開始社工自然會搵人幫你，而且呢啲野唔識咪學
真係走，而家酒店三四百有一晚，頂住一星期先，中間即刻搵社工
2個讚
我諗你年紀真係好細。人同人關係係建立既互相尊重上，未得到時對你好，得到就又打又鬧，好明顯佢只係覺得自己呃咗一個附屬品返黎，當中冇尊重可言。買生蠔氹你我真係笑咗，佢只係覺得打咗咪比少少補償，反正個女人一定走唔甩。說穿了你響佢心目中個價值就係隻生蠔。
要走一個理由就得，唔走就可以搵到一千萬個藉口。我好欣賞樓上有曾經歷過家暴既JM分享佢地作為小朋友時既心理狀態，你真係要諗一諗對孖女。打你獲金比隻生蠔就搞掂，佢點會覺得自己有錯？錯咗？咁比多兩隻生蠔囉。但你D女會點諗？佢地看在眼裡，哦，原來比人打要忍咗去，人哋比返兩隻生蠔就要原諒。乜嘢係尊嚴？你自己可以放下身段，但你兩個女呢？真係想佢地用咁既價值觀做人？
天水圍的日與夜錯既係唔陪個媽媽上樓既差佬，但個媽媽反抗過，佢果D先叫想重新做人。你可以唔報警，但搵社福機構幫你哋走真係好基本。
我做人阿媽，都唔會覺得自己捱兩拳保仔女「有嘢學」係偉大，只會覺得咁係極端錯誤示範咗男女關係，我會怕對小朋友有負面影響。愛自己多啲，尊重下自己啦。
10個讚
你講嘅所有困難，相信呢度個個都覺得比唔上家暴條路難行，上面已教咗好多方法，警你又唔報，咁社工有無俾咩建議你去做？
細孖已有長期病患，你甘心佢喺個咁差的環境長大？
上面仲有人夠膽話叫我住酒店，未夠兩歲最活躍嘅時候真係住唔到出邊酒店，而家我睇吓我冇得捱多一個月睇吓佢俾唔俾到錢我。。。
我現在情況係冇腳嘅雀仔，想飛但係冇腳，你地怪咩我，我自己成長唔好我會想小朋友唔好咩？我特登嘅咩？到時綜援錢嚟咗我租屋都係唔夠錢買奶粉，周圍都要兩按金、佣金、租錢、仲有電費啊，社工話唔建議我去庇護住住先，因為兩個小朋友太細難顧佢哋，佢話我山長水遠去完又要處理租屋會好論盡。再講細細長期病患唔係話亂咁講走得開
其實我有個想法我繼續留佢身邊正正常唔好講嘢，當佢以為我聽聽話話點知我已經有新戀情，好癲呀，當然只係講吓笑，有兩個小朋友又邊資格再拍拖。傻咗
想做灰姑娘等人救？
咁多籍口解釋離開唔到 原因得一個
因為未搵到另一條水魚
既然係咁 就捱落去
食得咸魚抵得喝
3個讚