我而家23週
之前呀b會成日郁同郁得都明顯
但li兩日好似靜晒落嚟咁
係唔係因為我失眠，所以影響胎動
有冇人都試過類似情況？
我應該繼續自己觀察有冇胎動定係睇急症？
睇醫生呀！唔好問呀！
你快手book 見醫生，因為要俾醫生睇。佢地有儀器mon 心跳的。
係唔係直接去QM急症
少咗嘅意思係你對上一次feel到胎動係幾時？
23週應該都係一日多啲一日少啲，但點都會feel到郁吓
醫生教試吓食啲甜嘢，然後轉下身睇吓佢有冇郁。食完甜野通常郁得勁d
如果呢兩日少咗
真係快啲去睇醫生….唔好再自己觀察喇
信你自己感覺，快啲去睇醫生，睇急症又好，去你平時睇開嘅婦科又好，最緊要快。
情願白行一趟，起碼睇完無事就放心，好過估估下。
佢有郁，但真係少咗
不過好似你咁講食飽飽，佢又會郁得多d同明顯d
原來23週係有時胎動勁d多d，有時又會少d。。。長知識了
之前醫生教過，可以瞓低靜落嚟等10分鐘再感受下BB
不過信自己直覺，直接去急症check清楚啦
謝謝大家嘅建議
但我頭先食完早餐，觀察咗陣，有胎動嘅，都大力，只係冇幾日前咁郁唔停
問咗陪月姨姨覺得可以觀察下先
我見呀b而家有郁，所以都諗住觀察多陣，暫時唔去急症住
3個讚
請問醫生有冇話如果靜落嚟feel到有胎動，就冇需要睇醫生？
我食完早餐，抖咗陣佢就開始郁得明顯，再瞓多陣佢有時會停咗，又有間中又郁一、兩下，係唔係都正常？
食嘢，飲水，行下會令bb郁動下
但如果真係feel唔到胎動，一定一定要去Check。
我前幾日40週見紅入院，第2日開始基本上大半日都feel唔到胎動。有同醫生護士講，佢地用儀器幫check bb心跳，我嘅宮縮同叫我每感覺到bb郁就按掣。觀察左2~3小時，bb心跳冇咁活躍 (但仲係接受範圍內)，醫生決定緊急開刀。bb被胎水濁親，胎水有糞，直接送去NICU。醫生護士事後同我講，好彩我有留意同出聲
覺得唔妥就去睇醫生
3個讚
係呀，嗰陣我醫生17週開始feel 到胎動， warn過我唔好自己嚇自己。
23週仲係好早，佢仲細，有時佢嘅位置你感受唔到佢郁
我嗰個成日趴喺度瞓，嗰陣照肚超見住佢趴喺度狂踢，但我都feel 唔到佢郁嘅。
到27/28週佢大隻又大力左，先會真係日日好明顯，所以點解d醫生叫孕婦 28-30週先開始要數胎動。
我有次夜晚11點幾 (28週)，試過佢靜晒唔郁，拍極換位都無反應，call 醫生佢話拍佢無用，佢feel唔到，飲d可樂食d 糖同朱古力，隔15分鐘睇吓點。
之後佢郁返，醫生話有郁就得。
即係有少少郁都唔使太擔心，對嘛？
不過我都會觀察住，如果幾個鐘都冇郁，我應該會考慮去睇醫生
原來23週仲好細，有時會feel唔到。。。。我見佢平時郁得好明顯，以為佢時時刻刻郁都會feel到
我嗰陣係每次食飯都feel到佢陏，每朝醒同睡前都郁，就收貨。
好多時無啦啦諗起佢但係又feel唔到郁就會嚇自己，其實可能佢瞓咗覺。
佢平時係食完飯同我半夜瞓緊覺個陣郁
但佢尋日冇點郁
不過好彩今朝食完早餐佢又有郁
媽媽食嘢，行下。。bb都會郁下
總之自己留意啦
不過23週仲好細，feel唔到都唔奇。
我個時都係25週先開始feel到胎動
加油
我19週已經feel到，只係冇咁明顯
21週開始郁得密同明顯
不過我諗真係要好似大家咁講，要行下
我而家就快22w，BB有時都係會郁多啲有時好似冇乜點郁
發現佢無乜郁就會好擔心
都唔知幾時先擔心到生但我自己感覺係出去行街搭車反而佢好似郁少咗但好彩我坐低食嘢果陣佢有郁我先放心咋唔知係咪我郁緊感覺唔到