如果放的話，係咪要通知租客？定簽左臨約先通知佢？
假如新買家唔睇就買，係咪租客住到任何condition 都好，買家都不能在收樓嗰日claim 我？
如果係生約，有一個月通知就得，但正常都會預早通知，等租客有時間揾新屋。
現狀買賣，新業主無睇過，一定無得claim d 花牆，崩地面e d 野 ,當然好過份另計，例如無左條窗咁。如果單位有改變過間隔，你有責任事前提出
1個讚
簽約果下可唔通知，但成交就要通知
成交日要將rental deposit轉比新買家，新買家完約退比租客，如果租客有損壞物業而新業主扣deposit就睇下有無爭議, 有爭議的話租客係有可能告你的，因為約係你兩個簽，所以成交時一定會問新買家攞張indemnity
1個讚
投資者好多時就係想連約買的，除非新買家話想交吉交易
新買家想點成交先？唔睇樓可以係因為全爆，而未必係承租約接手
其實諗緊三個方案（1）返層樓油下先至放售、（2）直接放但無樓睇不過到時租客已搬走、（3）有投資者買，將租客「過」俾佢。而家既市唔知邊個方案會好D
小心遇到D冇賴租客，知你要賣樓，就算生約都5肯走，要屈你要’搬遷費’。
而家個租客經常唔準時交租，次次催完都過兩三日先至交，試過佢整壞嘢搵師傅去睇，個師傅話租客住都間屋好dirty, 所以先至煩惱，如果收番再整下先賣，可能又要花幾萬至十萬，如果無樓睇就賣，價錢又要降低
如果住到好dirty就賣俾人又無樓睇，好似有d無良
我係你收番執過先，費事到時俾新買家claim番你，個租客太麻煩，用正常程序趕左佢走先。
1個讚
係，所以大機會係收番再整下先賣
佢通常遲幾多交租? 我個租客好多時都會遲兩三日.
我公司以前租樓, 好多時都收到律師樓封信話業主轉左, 先知道層樓已經轉左手.
通常遲三至五日，每次問佢都話剛剛入票，已經叫佢FPS我都唔肯。
你被通知轉左業主，有冇嘢需要做，例如再簽租約？所涉及的費用係咪全部由新業主出？
咁我個租客通常都係遲兩三日. 而家市道唔好我都好體諒佢地. 不過我都係要供樓, 所以心裡面都驚收唔到租.
我以前公司租幾十個單位, 成日都有呢啲轉手, 咩都唔洗做, 只係按住律師樓封信由幾時開始比租比新業主. 只係咁簡單.
1個讚
生約期只需要一個月通知就可以，無需付搬遷費。
如果佢賴死5走，正常趕走程序收樓都要半年。而租約餘下小過半年，佢又準時交租，都唯有忍到租約期滿，希望可以收返層樓。
我啱啱賣咗放租樓，有租客住緊，冇樓睇交吉賣。
我放盤時講明有租客但生約，冇樓睇，AA問我有冇單位照片，我俾咗30多張入夥時照片（裝修無變），個AA叫我問租客係咪其實都有意搬（我租客住得好好，又有偈傾），租客話都諗住搬，但要3個月後。我照答AA，AA同買家傾到市價買，我放盤一日就賣咗。
我之後有補現況相比買家，我哋臨約寫明交樓狀況需與相片相符，及業主確定間屋係無漏水。
經驗分享，希望幫到你。
1個讚
仲要留意連約賣做唔到高成數按揭
但我唔確定租客住到乜嘢樣，例如牆身會唔會有花，可以點做？
其實好睇你同租客關係，關係良好嘅話， AA會叫你比租客開一次門俾個買家入屋（ 但我冇睬個AA ），或者叫個租客影啲現況相比個買家睇。其實風險買賣雙方都有，如果你係比舊相，就講清楚係舊相，咁AA有責任話俾買家知牆身唔保證係咁靚。雖然話我市價賣，但我都比標價減咗1x%，而且我個盤算罕有嘅。
點樣說買家入市係AA嘅責任，唔使你去擔心。買賣係你情我願，總之你覺得自己冇講大話就得。如果對間屋狀況唔掌握，驚俾買家claim嘅話，就不如收咗樓先，你唔裝修都一樣可以拎出黎賣