阿媽對我餐餐食雪藏雞好擔心
佢話啲骨已經雪到黑哂
會有毒素
你哋覺得呢?
擔心有理?
我之前都有好奇過究竟新鮮肉同冰鮮肉嘅蛋白質同營養價值嘅分別，營養師朋友話基本上冇乜太大分別。
我諗最主要擔心衛生問題。
3個讚
之前有講過營養上分別唔大，反而係存放問題容易令肉變質。
1個讚
對，例如你購買嗰間舖頭嘅衛生信唔信得過，有冇可能係反覆解凍又再雪返咁啲肉就會變壞（例如送貨嘅交接做得唔好，啲貨放喺舖頭門口勁耐都冇人嚟收），食咗就會病⋯⋯
我都係睇過呢啲資料
所以先一直買
但諗深一層
個鮮味冇咗
會唔會又多咗毒素積聚呢
而且科學研究呢啲嘢隔一段時間又可能唔同講法
所以先睇下有冇人好似我媽咁諗
雪藏雞營養冇問題，但D骨黑晒，我會懷疑會5會冷藏得5好，所以變左
1個讚
如果同樣嘅肉，我都相信新鮮好過雪藏。
不過如果係新鮮大陸嘅肉，同冰鮮歐美、澳洲、日本無激素肉，咁唔能夠直接比較。
多餘。我哋午餐晚餐全部食急凍肉、食咗幾年啦。出面餐廳都係急凍㗎啦。邊有時間買新鮮嘢。
4個讚
佢話啫，佢喺佳寶見到？我買泰國、丹麥、美國、巴西貨都無黑㗎喎，當然唔會去佳寶買啦。
1個讚
除非買有寫明幾時劏嗰啲，冰鮮既有啲都係雪藏解凍出嚟。
1個讚
我喺hktvmall 買丹麥/泰國
啲骨真係暗暗地色咁嘅
係驚啲肉唔知邊度呢會有激素，其他又冇乜擔心
2個讚
d骨係咪真係黑曬
講真，你睇城市人長命d，定係農村人長命d?
1個讚
新鮮都可以有激素吧？
除非自己養
3個讚
係呀新鮮嘉美雞好似驗過有
但佢唔supposed to 有
3個讚
以前我香港都好執着要食新鮮肉。但係後來先至認識，而家急凍嘅其實同以前好唔同。解凍之後基本上分唔到。海鮮同埋肉都係。日本所有肉都會急凍個先，從來冇人話唔夠香港好食。
反而貨源，邊間舖頭買（佢哋係咪正確解凍）好重要。
佳寶…. 呢….
4個讚
其實除非健康養殖
大陸d養殖方法，落咗乜乜你都未必知
2個讚
大陸新鮮肉 同 急凍外國肉
我選後者
寧願食少啲營養，都唔想食激素
9個讚
我都同意~
我宜家淨比小朋友食無激素雞翼 
如果一檔嘢賣黑心豬肉，咁新鮮都有問題