大家好，
大學畢業非專科出嚟，
打份文職已經幾年，
但先得萬尾，亦無升職機會，
所以開始諗進修，讀翻個有牌的master/course
現在有2個選擇，
一個係社工master，
Pros 係: 之後翻工多數朝9晚6，或少量輪班工作
人工由pt 16 ($33350)開始
Master 可選part time 進修，我而家工作多數好清閑，翻工時間溫書做功課都得
Cons: 社工競爭大，僧多粥少，不時有機構不足point 請人
另一個係養和登記護士course
Pros: 不愁出路，實有工開，多數畢業後養和會請翻
人工聽聞由pt 14定唔知15起, 起碼13個月，另有花紅同津貼
Cons: 需要輪班工作，週末及公眾假期不一定能放假
工作性質亦較厭惡性
要full time 讀書，但養和會有生活津貼
如果係你，你會點揀呢？定有更好出路呢？
以上資訊如有錯，請指正 
除非您做長者服務，否則好多社工都要輪班。您以為起酬點高，實質msw比人睇低一線，通常係好似您相同諗法嘅人先讀，僱主情願請學位畢業生。重點係：您重視人工，而呢個行業一向海鮮價…做護士啦，全世界都需要，移民又著數，仲要跟point、足point
你冇講你興趣：社工/護士？
講發展護士應該好過社工，醫護離職潮應該會持續幾工，讀完唔愁搵唔到工
我其實都唔係好知我的興趣係邊，我鐘意同人相處既，2個工種我都覺得好有意義，工作上接觸社工比較多，社工突發事情都多，同好上身嘅，護士就好似收工就真係收工
如果講前景就一定係護士，但護士都幾厭惡性，工時又長，體力消耗又大，要有心理準備
我都明白有啲社工工作性質都要輪班，但應該未到護士24小時輪班的level，工作關係，我都接觸好多社工，都有唔少社工係msw出身，唔覺得會睇低一線，佢哋msw前有工作經驗，可能係第2種加分位，所以都唔一定學位出身就一定有優勢，唔同雇主有唔同睇法啦
因為屋企經濟環境唔係好好，都想有份可以長遠發展嘅工作，金錢都係首要考慮條件
有同感呀，讀完en 又可以讀rn ，再上又可以讀專科，年資越長就越有經驗越矜貴，真係唔愁搵工
其實您都有明顯嘅取向啦，您去讀msw啦
問心：醫護行業前景好好多
我認同樓上大部份人所說, 醫護行業前景一定好過社工。
不過行行出狀元, 每行都有出色的人士, 所以就算話邊行好好,都未必一定適合自己。自己鍾意就會讀得好,做得好。
想提提你, 以我所知, 讀社工要做placement , 時數都多, 就算parttime讀都要睇下自己可唔可以應付。
2邊都識人做，社工朋友都係msw出身，唔足point, 又要擔心機構水喉夠唔夠，個project 仲有無funding 做落去，by contract.
RN護士係相反，而且大把閒位可以做無咁前線既role, 經驗越多越有得揀。
樓主，欣賞你積極向上既進取精神，向你送上祝福
我有聽過舊同事做完FTM, 小朋友上中學佢想做返嚟、又唔想做文職、走去讀呢個course, 跟住好快揾到野做。
佢讀果陣都三十中。
都係呀，而家社工太泛濫，我都擔心花左錢，讀完master 但就業好難。護士依方面就真係好有優勢，完全不擔心搵唔到工，只有工搵你。
多謝你呀 
咁佢做得辛苦嗎？30中先開始做輪班工作，佢適應到嗎？
佢好有勇氣呀！ 
我聽過佢講話當時都有同學係做左十年野大約三十左右、想揾多啲所以開始讀。佢應該係班上最大年紀果個、佢話個心都覺唔慣成班同學咁後生、雖然升職機會唔夠人嚟、但佢覺得好過做番文員仔。
但大前題要有能力同願意讀兩年訂三年full time.我聽佢講過話養和都幾多人爭下。
又幾好喎，其實三十中好後生之嘛，唔好比廿幾歲支配自己一生
佢覺得ok, 佢講笑咁講好彩湊過小朋友、對住屎尿血濃痰適應到。
我d fd話養和要收靚女