現況：將移民英國，MPF有130萬，假設可以拎得返MPF
發現MPF投入美股(100% all in)，其實回報都唔差，扣完管理費都最少都有5%，近兩年更高。
呢筆錢唔急住用，如果keep返MPF，睇市況在低風險/高風險之間轉下，碌下碌下可能會好過存入銀行。
這個做法，有無盲點？大家有咩睇法？先謝謝意見。
要留意將來拎嘅稅務問題
2個讚
我都係咁諗~!
等睇大家睇法~
如果用 bno 移，可以點拎返？
退休金暫時唔使扣稅
1個讚
親生仔都不如近身錢啦
係我我會拎返所有錢自己投資/喺英國買樓好過
所以我會諗，不如留低碌下先，市況轉差就park去低風險。
筆錢拎去英國投資，就要收稅，除非轉入ISA等免稅戶口，不過都有唔少限制。
留意，如果touchwood過身，會計入遺產，計40%稅
攞到返先諗
3個讚
我都當冇
如果拎唔返，可能投資一拍兩散算
有指標的，好似 £3xxk 先要
如果拎返 UK 本土，都冇乜諗。買股票投資下都得，炒就難，因税高
之前屋平可買屋等升值同收租，但而加升左好多。等出年再睇下
如果可以，錢當然自己袋返好
資產係計所有名下嘅所有，免稅額係35萬磅，差額計40%遺產稅，如果有屋，基本上一定過35萬
唔知大家有幾錢，所以只係計講出來的 £140k。
有屋都唔一定過 £350k。
每人資產不同，唔可能一刀切咁講。basic 可睇 UK government 個網站，詳細要問税務師。
外國咁多有錢人，唔信個個瓜左都比40%政府
外國人已經習慣咗高稅收，加上識好多避稅方法，香港人一直都係底稅率加上已經無咗遺產稅，突然去到高稅率地區先有咁多問題，而香港人對於避稅/減稅方法知較少，我之前有個客兩個月前去咗英國，走前同我講要cut咗份單，最終佢明白當中稅務情況就無cut到，所以，移民唔一定要拎哂錢過去，稅一定要交，只係搵方法盡量減少稅項支出
1個讚
稅務先唔講，個個國家唔同，只講回報。假設投資passive index fund, 港股有盈富，美股有spy/qqq, 管理費用每年差最少1%冇走雞，20年總回報差咗22%，實際只有更多。如果可以攞mpf 擺去間穩健經紀行諗唔到任何理由唔做。好多國家都有退休金免稅/低稅供款quota, 搵當地會計師傾下最好。
而家問題係大家唔想留錢係香港。
mpf 反正拎唔返，用來投資下 OK. 但拎得返挭起拎返入自己袋。
如果唔係大年紀，去到 UK 重要返工做嘢生活，咁唔需要諗分遺產住
1個讚
認同，拎到走一定拎，蝕好咩好都拎。
而家都拎唔到，增值夠100%都無用。
1個讚
我都差不多諗法。但有風險係，退休時香港政府政策會變成點。佢一聲令下話所有移民人仕既MPF收歸國有，咁就玩完。
有考慮過擺去新加坡。
1個讚
唔知香港政府政策會變成點是最大風險，大陸無水既時候，乜野都會發生，加上香港人有錢，我覺得大部份大陸人都好眼紅，想分香港身家。