Hello～各位你哋好呀 我自己有啲轉校意見想問你哋 希望你哋可以解答下
/
講返啲背景先 其實我係一個啱啱升中一嘅學生嚟嘅 派位到時候就唔係派得幾好 派左去一間band2c嘅學校 而我自己嘅成績介乎band2a-b
咁收到排位結果嗰陣 我已經有去叩門同埋諗中二轉校 但係叩門就唔成功 轉校就想轉去天主教郭得勝中學嘅
/
講真我喺而家呢間學校讀得都OK 暫時啲小測默書成績都唔錯 呢間學校本身都好 校風唔差 只不過我係鍾意郭得勝多啲 但係當然轉唔轉到校都係要睇最後考試個成績啦 我都唔可以淨係靠幾次小測默書就定義轉唔轉到 始終啱啱開始啲嘢都唔會太難
/
啱啱開學一個月都未夠未可以講到好多嘢
所以我初步問吓大家意見準備下先 如無意外如果郭得勝有位嘅話佢五月就會出嗰張轉校表
/
我想問就係
1.轉校使唔使寫自薦信 如果要嘅話應該要點寫？
2.郭得勝而家Band1c 我係Band2a-Band1b 依家仲要讀緊中文學校 假設真係轉到入到讀會唔會好容易跟唔上？
3.轉頭係咪通常要平均分70以上甚至全級頭五或者頭十先有啲優勢呢？
4.面試（轉校）嗰陣通常會問啲乜嘢？
/
問題係咁多啦 如果有轉校經驗嘅家長或者同學 都可以留言俾啲建議我㗎～Thx
1個讚
我小朋友升中一時派到英中band1 但唔係心目中個間，所以有叩過其它band1 學校，但3間都唔成功，所以如果你本身中中band2 想跳去英中band1 應該唔易。Anyway 祝成功!
1個讚
唔識答
不過係你本人想轉校？唔係父母的主意？
係嘅話好想讚下你
年紀輕輕咁有目標！你要加油！俾心機讀書！郭記係間好學校！
8個讚
我係校友，不過都相隔太多年，無咩意見俾到你
我記憶中都有同學中二時係其他學校轉過黎，例如馬崇、其他band 2都有。
跟唔跟到就不一定，普遍覺得band 2轉校過來開始較吃力同勉強，要睇英文基礎好唔好。
加油
最緊要中英數
2個讚
今年應該易轉可以試下
跟唔跟到係睇英文能力同努唔努力
所以你依家增加英文能力同校內成績（平均分接近80分會較好）
可以試下d直資英中
1個讚
係啊～我自己主意嚟 阿媽知道之後都同我講成績好嘅話可以試吓轉
2個讚
Thx！我英文唔差但都未去到最好 而家努力緊
Thx！
去郭得勝啦，我以前係舊生
1個讚
入嚟純粹想讚吓你，目標明確，寫得簡潔清晰!
12個讚
好啊！努力中
多謝你啊！
1個讚
已鎖定郭得勝！
1個讚
岩岩升中一就咁有主見，叻女
得唔得都值得試
3個讚
入黎同妳打氣 ! 加油喔！
1個讚
多謝！
Thanks!!
加油，祝你成功！
1個讚
萬一轉唔到，見你咁有主見，其實都唔需要擔心。你入邊間學校都好，應該都可以靠自己本事考到好成績。
我雖然唔識你間band 1學校，不過細個時候，由band 1去左band 2 ，發現 band 2學校既老師識教過band 1既。band 1學校勁，係因為同學全部自發讀書，老師根本唔需要做咩。
Band 1唯一比較好既，係周圍同學讀書氣氛強d，俾到壓力你前進。你有足夠主見，呢個factor已經影響唔到你。
5個讚
Thx！