我本身冇好鐘意小朋友，但不抗拒，我老公好想要一個小朋友，所以最後有咗個仔仔。
每當仔仔唔聽話，或者嗰排我好忙，覺得因為要湊佢冇咗好多自己嘅時間，我情緒都有啲困擾，成日諗後悔有咗佢。
呢排仔仔trouble 2，乜都話no no no, 激到我對住佢咆哮 
，跟住我情緒就會好低落，有啲內疚自己㩒唔住把火，又覺得自己乜都做唔好 
。我覺得咁樣心理精神好唔健康，我係教興趣班嘅，好彩暫時都控制到自己脾氣唔會影響到工作，反而有時啲小朋友上堂表現幾好令我心情好返少少…
Anyway要有仔仔始終係自己agreed同埋自己要負責嘅…呻完 
遇到咁嘅情況大家會點樣調節自己嘅心情呢？
諗下後悔，我諗個個媽媽都試過，但千萬唔好係小朋友面前講出口，真係好傷小朋友個心。
但湊仔就係咁，乖就覺得好彩生左佢，曳嗰時就諗做咩自己攞黎衰，我覺得好正常，太辛苦就搵啲me time, 去食個high tea, 去睇場戲，媽媽都係人，都有情緒，所以一定要有me time 緩沖下，trouble two 係難頂，但之後仲有terrible three 同更多挑戰。
接受自己有情緒，再去宣洩，之後又係一條好漢
其實，你有無睇教仔書？點處理幼兒？
basic 野，同理心，講佢嘅感受呢d?
你只要明白，佢係唔會"聽話"，佢亦唔識控制自己，你失控係俾個model 佢抄，只要你冷靜，過一段時間就會好d
我大仔係A仔傾向嘅火星人，我都係對小朋友好一般，佢trouble 到10歲左右… 但e+青春期，關係仲係幾好，你加油呀！
會唔會試下係自己覺得太大壓力頂唔順既時候俾其他人睇住仔仔先 自己去飲杯水/落樓行個圈再翻上去
好明白媽媽有時耐性都會用完🥲
行開下俾自己抖5-10分鐘可能可以差差電再出發！
媽媽辛苦了🥲加油
我明，真係明
我個細既由起身喊到返學，放工返屋企又見佢喊喊到訓覺咁濟
平日我好少見到佢唔喊
係 weekend好D
首先自己深呼氣冷靜下，小朋友得2歲係控制唔到自己，你成日講no，佢會跟你講no，嘗試解釋下為什麼no，可能你覺得佢唔會明，但只要你不停重複咁講，佢遲早都會明。勿忘初心
我個仔18個月，成曰掉野，比佢飲水又攪到成地都係。又亂放野入口。
試過同屋企人講佢唔乖，屋企人話有啲小朋友成日喊，你個仔咪算乖囉。天禁好賜個仔比你都唔識感恩。
小朋友唔聽話係大人既問題，係大人唔識教。
打佢有咩用。
唔好再話小朋友唔乖拉。
真係唔係
各位媽媽放過自己
我小朋友有SEN ，兩歲半，佢trouble 2會比其他人更trouble 。係街會有啲路人甲乙講呢講果樣，我習慣shut down 對耳，因為不停提自己佢只係小朋友。咁個心會好啲
好認同，盡左力，俾左心機去教，都總有學得快學得慢，唔好咩都攬晒上身
我無工人無長老，長期對住小朋友。SAY NO期我又無乜特別受影響，唔好將一件事或小朋友做錯既放到無限大。
將對小朋友既要求降低少少，好似食飯唔食，就俾個最低要求４啖飯。小朋友想搞搞震，無危險我就會由得佢做。佢做得好就勁讚佢。
佢唔鍾意既就解釋解釋又解釋，我相信小朋友係聽得明，到大小小就會睇到之前同佢講既道理無白費。
最緊要自己唔好發火，一嬲即刻去飲啖水，去廁所洗下面，出到街就出街。
如果做父母唔控制自己情緒同脾氣，小朋友就會有樣學樣咁對你到時只會更差。
多謝各位聽我呻，可以喺呢度channel out真係好 
大家都Remind咗我好多，即刻摷返我本“心靈雞湯”出嚟睇第三次。
其實育兒書育兒文章嗰啲睇咗好多，不過到實戰時唔係每次都沉得住氣 
你講得啱，我要控制吓盡量唔好喺佢面前咆哮，教壞佢之餘自己之後又唔開心
謝謝你明白，我自問都算有耐性，工作上對小朋友好有耐性，不過我對住自己小朋友完全係另一個level嘅難度 
希望我同阿仔都可以level up
我都有懷疑係咪因為返學，佢開學後好似難搞咗，今日佢放假又特別聽話同開心，唔知係咪咁啱得咁橋
好，等我下次就爆炸嗰陣試試
可以睇吓呢段，媽媽個心會舒服啲 
我好明，我就特別m前就仲燥底，叫佢去東就去西，d嘢講十次都係唔理，我係知個方法，但係媽媽都係人，有感受，耐性都會用盡。我係ftm，唯有星期六日掉低佢出去放假，儲返d耐性再大戰過
唔好話大戰，有時係自己太堅持，話多佢兩話仲更加唔想讓步，但係其實讓細細步就可以免咗攬炒。
我諗湊仔點都會經歷細路扭計，細路大人一齊發脾氣，自己內疚嘅loop，都係同自己講今次做得唔好，下次做好啲，成世人流流長，一定仲有好多個以後。
feel 到自己耐性差唔多用盡，情緒就爆時深呼吸，如果可以離開衝突現場就出去飲啖水
我自己練緊mindfulness，覺得對覺察自己情緒好有幫助
我都trouble two係懷柔政策，佢唔開心時會validate 佢感受，（eg. bb 你想睇電視，但媽媽唔比你睇，所以你唔開心），佢會慢慢冷靜返。但唔好處係慢慢冷靜要花好多時間。同埋我都同意要pick your battles，我唔係樣樣嘢都堅持。有人覺得咁樣係變相縱佢，但我自問只可以做到咁多。chur 爆自己對大家都冇著數
只係個人經驗，參考交流一下，希望引到高手留言指教
我果個乜都喊都唔知佢喊咩
我嗰個成日喊想執返垃圾筒啲嘢
但明明係佢自己掉落去
呢本書叫咩名？
又或者係諗，小朋友呢一刻未ready啫，之後再試過佢第日ready時就會做到
