R爆頭
請問除左幾間保小，有邊間囗碑好D？
我新搬入，請賜教
15分報熱門會唔會嘥？
只能夠講到有邊幾間要三思（排名不分先後，全部有化名，睇唔明嘅話就望下 70 網嘅學校列表）：
露底會、涼州彈琴 （比較受歡迎，但行政同管治問題呢年走左非常多老師，咁就要考慮下是否值得入讀）
10000 慈、抬山、聾肝、孝友會、河腹堂、藥膳堂（一向都係冇咁熱門）
其餘冇被點名嘅係 OK 可以考慮，例如兩間道教青松。
多謝你答覆
剩返既學校好似15分唔駛諗
我都唔知點好
基本上所有學校 15 分都係陪跑，可以 15 分嘅一係就係單性別次熱門嘅學校，一係就寶到寧願唔讀嘅學校～～
1個讚
呢間成績全區第一,但校舍舊,老師無咩愛心
仲有仁德同羅陳都OK
1個讚
謝謝
我見呢兩間都好少人提
請問係 band 2?
小學冇分 banding，大家都係冇分成績抽獎入去。
1個讚
呢個系列嘅學校都偏重成績多，唔少老師頂唔順教書壓力走，佢哋統稱「無良局」。
另外外人想參透一二，可以望下啲學校相，如果明顯非常多後生仔女教書（冇乜上年紀），搞活動搞到天花龍鳳勁過國際學校，整色整水，升中一直強調「9X% 首三志願」，咁呢間學校唔會好得去邊。一間正常嘅學校，除非係新成立 6 年都未有，唔需要咁樣宣傳自己，齋靠升中成績同口碑已經大把人爭住入。多後生仔女係一件唔係咁好嘅事，雖然話後生多啲耐性愛心，但亦代表好多人唔願意留係到，做兩三年就走佬。想像一下，仔女嘅老師都未睇到畢業就已經換曬一批老師，咁樣好嗎？
4個讚
請問除左青松，有無其他愛心學校推介？
仁德和羅陳可以嗎？
青松粵教中好吸引，但聽講要數學好，我小朋友數學一般
我上面冇寫嘅學校都係 OK 架喇，標榜愛心嘅學校你應該唔會甘心讀。
青松都唔係第一年辦學，點樣令小朋友數學好，佢哋自有辦法。
1個讚
仁德前2年15分朋友都入唔到。
羅陳應該20分都要抽。
你不如去facebook入下70區或屯門升小果啲group.再search下啲校名。咁應該較多資料。
1個讚
係喎，點解我諗唔到？多謝你
即係我唔駛諗
我詳情唔知，因我不是70區。不過你不如問下自己最喜歡邊間學校。我覺得一間合適小朋友程度既學校緊要啲。
朋友仔當年小一成績跟唔上,涼州彈琴個班主任 "勸"佢轉校,朋友話呢間連書記都無咩禮貌 
但屯門其他保良局唔係咁,友善好多~
上年15分好多人入到仁德~
羅陳係好多人揀 
1個讚
講樣笑料你聽,上年興德有打手係GROUP唱好 
一睇就知 