諗咗好耐好唔好為第一次懷孕影返輯相，最終決定上個月29w時去咗影，算係紀錄一下呢個咁特別嘅人生階段。
因為想兩隻小狗可以一齊入鏡，同時又想影出黎係自然簡約風格，選擇的確唔多。一路响ig度睇人地分享出黎嘅孕照，就俾其中一張捕捉到狗狗望鏡頭嘅相吸引咗。
然後再睇睇其他作品，發現呢個studio仲有個令我心心眼嘅山景，同屋企個feel好似！於是聯絡studio夾期。成個溝通過程都有人詳細回覆，服務同收費內容都好透明，最後順利book到。
當日去到攝影師同化妝師姐姐都好細心！平時自己幫狗狗影相都知道唔容易，當日去到陌生環境，狗狗變得好保護我
唔俾其他接近，但佢地都諗盡方法，好有耐性咁捕捉到人同狗狗最好一面。
另一個欣賞嘅地方係，拍攝後好快就收到原圖，其實已經覺得唔使再點執（當然本身都會包埋一定張數嘅retouch服務），我都老公睇返都好開心，更加期待bb出世之後再影呀！
另外仲有搵攝影師朋友合作影左另一輯。