見呢度好多人用月經杯，自己一直好想轉用，但係身邊朋友連佢係乜嘢都唔知，所以想問下問題請教下咁多位。
如果想用月經杯，第一個應該點揀好？應該要揀幾大？
我用綿條都好辛苦先入到
，有冇啲咩方法會容易啲？
如果量多係咪要帶多個出街？
清潔嘅時候有冇好麻煩，見好似要烚佢，咁係咪要專登買多個細煲俾佢？
一般用咩方法儲存？
有冇邊隻牌子比較好？
3個讚
你用棉條有無導管的款式?
我係睇咗呢個post之後就決定轉用月經杯，裡面有好多有用資訊同分享
5個讚
我自己第一個用lily cup, 要時間適應，揀size 睇下有冇生過小朋友，無就揀細啲
我會拎支屈記細水入廁格，倒完血再用蒸餾水沖一沖先放返入去
1個讚
我用綿條都好辛苦先入到，有冇啲咩方法會容易啲？
上網睇片+練習。
如果量多係咪要帶多個出街？
係屋企廁所練習倒血+用水樽洗杯。
首先你要了解自己邊日流量比較多，幾耐到會8成滿，之後你出街就會得心應手。
清潔嘅時候有冇好麻煩，見好似要烚佢，咁係咪要專登買多個細煲俾佢？
一開始擔心可以搵隻杯，用熱水浸下，唔需要特別買煲咁大陣仗，慣咗後你會用得好hea，會好似我咁沖涼時用皂洗下再用。
一般用咩方法儲存？
佢有個布袋，洗宗乾身後放返入存袋，我同con一齊放。
有冇邊隻牌子比較好？
我推介me luna，因為佢杯尾有環狀款，適合初學者拉返個杯出嚟。
佢仲有兩款分，未生過同生過。
個人意見，唔好買最細，買M size，細嘅真係一嘢打爆。
歡迎加入，女人要愛自己
1個讚
有呀，但唔知係咪唔常用/唔識用，入嚟入去都唔得，搞到好痛
Thx
可能你要張開啲雙腿, 用手"MARK"開下面, 如果你轉用杯你都要咁做.
1個讚
想問生過，唔係順產開刀計唔計？
我都係開刀生，用s size，不過我第2日流量好勁，每兩個鐘就要倒一次
開刀都可以用細size
經過左上次M到度子宮之後，今日終於正式試用月經杯。
想問吓，佢個杯身有弧度，咁淺/彎入嗰邊應該係向邊？上定下？係咪一定要塞到門口摸唔到嗰粒的？如果入咗去，有冇可能搵唔番出嚟？
你用fun cup? 杯口矮D向前(膀胱位）
可以參考呢條外國fun cup review片，佢有埋個陰道模型比你睇，應該易明D - https://youtu.be/E1Ma8XJ9xyU
但我覺得fun cup入左去之後好難轉，所以我用正確方向直接放入
其實我睇返你之前留言，覺得應該用Lily compact你會易D上手。我第一個都係用佢，唯一缺點係D摺位好易藏漬~
而家轉用fun cup，無lily compact咁易上手，但搵到方法放入就幾好用
另外有個小貼士，出街換杯，除咗可以用蒸餾水外，我貪方便用純水濕紙巾。倒完杯再用一張濕紙巾裡外都抹乾淨佢就得
3個讚
係屋企試多幾次
習慣咗就返唔到轉到
M嚟用會比較容易啲，因為裡面比較濕
1個讚
尋晚同埋今朝喺屋企試完，整完一大輪之後，準備出街發覺佢漏，暫時放棄咗，費事去到朋友屋企麻煩。
練習多幾次，用熟咗真係返唔到轉頭~
開頭未用熟時放完再用手指圍住杯底摸一圈，如果無凹位就即係杯口已經完全張開。另外fun cup的話要確保放得夠入，如果唔係一來會唔舒服，二來好易跌返出嚟
加油 