掉轉，ok ? 係我想轉，我阿媽唔想啊，THX
2個讚
唔係鬧你啊～傻女！don’t take it personal!
都估到你父母唔想放棄「個女讀名校」既光環
你咁樣放棄佢哋都唔醒覺，真係激氣！
不如咁，你寫一封信比父母，清楚寫出你自己心聲「係到讀得唔開心，壓力太大之類既心底話」附上一張學生為學業犧牲既新聞剪報……嚇下佢哋
冇理由咁stubborn啊
希望你父母明白你
1個讚
其實樓主想討論d咩? 不如直白d, 你咁樣表達法, 只會令問題更複雜
父母係完全唔聽你講野，咩都係佢地岩晒果種？
定係起碼其中一個仲有少少計傾？
有商量既可能性，就應先選擇商量。
說之以情，動之以利。坦白講出返學好唔開心，肯比你轉校既話一定會改過，交齊功課好好讀書咁。
假如真係無辦法溝通，咁係咪虐兒家庭？
係既，會有生命危險，唔可以用以下方法，只有忍耐到自己長大或者向社工請求入褔利中心。
唔係既，直接曠課曠到學校主動開除就得，自然會轉到校。唔好攪遲到唔交功課大小過果類，會影響轉校安排。
1個讚
我明白，好多時父母覺得子女讀名校考第尾都好過喺普通學校考第一，因為佢地好睇重名校光環，同埋覺得有仔女讀名校好威，完全忽視子女既實際情況同心理、情緒問題
唔知道你屋企家境如何，同埋你自己個意願係點？如果父母因為以上原因唔想你轉校，不如轉個方向同佢地講你想留學？如果你屋企真係負擔得起，咁呢個都不失係一個出路。
似乎係學校個教學方法唔啱你，外國個教育係比較重視全人發展同埋encouraging，可能會令你重拾學習興趣。而且去外國都冇咩名唔名校（父母都未必識），可能父母會比較接受。
你上嚟求助，仲公開自己係阿女嘅身份，証明你其實係想改變，係嚟求救，呢個勇氣可嘉
讀唔掂一間學校只代表果間學校教法唔適合你，唔代表你唔掂或冇潛力讀得好。你需要嘅係一個可以比你重新開始、配合到你嘅平台。但係你係咪清楚自己想點先？有冇諗過其實自己問題係乜？聽唔明內容定聽唔入耳？覺得死讀書大壓力想逃避？定只係學校環境氣氛令你集中唔到？點先幫到你？你想要點環境？如果想轉校，你有冇搵過邊間環境教法你覺得work? 人哋有乜要求？你要對自己負責任，所以唔好等父母安排，試下自己搵多啲資料、準備充足再同父母講，比佢哋知你係識諗有決心。
明白名校光環唔係個個捨得放棄，但呢個世界冇最好，只有最適合，我做人阿媽對呢句說話就非常有體會，我相信你父母都會明。
至於朋友，唔係淨係學校先識到人，參加一啲團體運動，拓寬自己圈子，都可以識朋友，亦可以比自己透下氣。
加油呀阿妹
而家你既然話係本人，咁我重新問你，你話無朋友，唔合群，係咪你本人唔想識朋友？定係你想識，但無人同你做朋友？兩個心態可以相差好遠
到成績方面，墊底都唔緊要，默書偶爾0分都無問題，你自己話記唔到，咁究竟花左幾多時間上去？我無溫/唔熟果時都試過，例如中文背默背唔哂，無左成段咪0分囉，我唔係全唔及格（但生物物理化學全肥= =），但認真講除左數學無科好，最後選文科，因為我對歷史文學有興趣，你又諗下自己興趣響邊？
但欠交功課欠帶書，其實你咪話平日已經係有功課班，咁你做唔哂既原因係咩？欠帶書原因又係咩？我諗點都唔會話唔識執書包掛……呢個真係要正視
以上問題係你本人既話都要認真諗諗，就算真係俾你說服阿媽轉校，咁帶書帶功課問題係會跟住你，希望你明白
樓主係想利用呢度說服父母轉校？
No，我阿媽冇BD
1個讚
我緊係想識朋友啦，你知唔知咩叫孤立，一個人嗌其他人唔好同我做朋友
1個讚
默書溫十幾個鐘，返學校都有溫
1個讚
你直接同父母講，講番你係學校俾人排擠的事，要講清楚事情吾係一個人排擠，係大部人排擠，無人同我講野 好簡單的溝通都無，表明自己過得一d都吾開心，吾想再係咁的環境讀書，想係新環境有新開始，有個接納到我的讀書環境同同學仔，做番個開開心心的自己
如果佢地吾理解，我建議你搵屋企附近青少年中心社工傾下，叫社工同你父母傾下，效果可能會好好多
咁你直接send 條link 俾阿媽睇
成績差埋唔到堆 返得又唔開心
依家咁多位 要轉過間唔難
講背書無得死記，例如文言文一定係要了解佢個意思先容易入腦，當然你話用到十幾個鐘……實際情況真係要教過你先知你遇到咩問題
我覺得搵左你興趣方向先，另外成績起碼中英數及格先啦，你數學ok，就針對搵下中英文專科補習，因為功課班真係幫你功課而已，教唔到你知識的
或者問下媽媽可唔可以轉去讀音樂？或者報一d band 2 IB 直資學校？
同阿媽講、有好學生、先有好學校、讀書靠自己、唔係靠校譽。
其實比人孤立真係可以冇原因、唔一定係你嘅問題。而係號召孤立你嘅人覺得要簡個人嚟蝦、咁啱就簡左你、而其他人又唔知點解跟晒風去做（可能呢個年紀興跟大隊。）
換個新環境會好好多。
樓主，辛苦了。
我中學時期都經歷過被排擠，默書零蛋，學業上升中學真係同小學好唔同，底子唔好，中三以前成績也很差。朋友方面，中一、中二也被排擠，每天都想轉校。後來，我決心改變，刻意改變內向的性格和外在的打扮，漸漸認識到些朋友。
成績方面，先找到自己強項同興趣，先發揮。差的科目真的不是這麼快可解決。我中文不錯，公開考試也是靠中文拉高分數。在校成績也不代表什麼，以前在校考第一第二的學生，結果公開考試成績也不怎麼樣。結果我同佢地既成績也差不多。
對我來說，這中學兩年真的很痛苦，不過也促使我去思考同成長，能夠轉校當然最好，但不能夠轉校時，也不要放棄，堅持下去總有改善的機會。
3個讚
成件事明白哂。我覺得如果家長覺得無問題，你都幾難說服到佢。我估你阿媽想拖到中六之後，俾你出外國讀書。
我惟一俾你既忠告係，係網上面搵多d朋友同埋頂多三年，之後盡量爭取唔出國讀書。
俾個目標自己頂住，加油呀！
中學嘅學習我覺得係影響一個人嘅一世，冇朋友好難強求，但學業唔好放棄。成績差就唔好理排名，唔好理成績，但訓練自己語文能力、溝通技巧、表達技巧，唔鍾意咪書就睇YouTube 睇Netflix 聽歌學英文，起碼唔會覺得沒趣先
仲有多閱讀，多睇新聞，要守時、有責任感、有禮貌、幫人(幫人開門，㩒lift，同鄰居打招呼，呢啲全部都有用)
凡事講邏輯，重理性，講公平，唔好訴諸感情，唔好靠謾罵鬥氣去解決問題，唔好有報仇怨恨之心
多做運動，keep fit and stay healthy
全部唔關成績事，但你要做一個有教養有修為嘅年輕人，以後日子會易行好多
信我，我四十幾歲人，有資格講
1個讚