我唔係媽媽純粹見topic想討論
一星期六日補習太多佢應該都好大壓力好辛苦
個人覺得cut補習先 (因為補完都咁喺辛苦你ar女；補習老師同你)
佢有冇提想轉校？
佢有冇小學同學or校外朋友傾計？平日鐘意d咩？有咩興趣？
利申：我都試過比人排斥冇人想同你一組好慘好孤獨；家長日老師話你唔合羣好難受
講真；我讀書都唔叻但最後讀到U雖然都冇錢
做人最緊要開心有自信揾到目標唔好學壞要有良知
佢辛苦你又難受影響親子關係
怕佢睇唔開or學壞
同囡deep talk了解佢先
轉校。就算轉去比較差嘅學校，好過留係到。
學校成個環境令佢失去動力。
佢嘅答案唔係心底話，就算同你講又點，你都幫唔到我。
佢係放棄自己，反正做乜都改變唔到現況。
唔係佢無興趣同人做朋友，係根本無人想同佢做朋友。
3個讚
幫佢轉校，轉間band 2的，幫佢重新建立自信
唔好睇少留班的威力，應該對佢有好大打擊
一定要同佢轉校 轉環境
唔care 冇朋友 le句 肯定係俾人排擠後說出來的
學校無朋友 換轉你 你有無心機番學
中學生涯好影響個人成長同性格
而家成績奇次 搞番好你個女的自信同陰影先
去新環境識下新同學 除左讀書 學習同同學一齊社交都好重要
我有點直接 但希望幫到你
3個讚
問過阿女啦，她話唔想轉校
其實星期一至五係去做功課（她自己話要去嘅），只有星期六係補英文。
1.她話唔想傳
2.有網友，鍾意鋼琴
咁佢都有上進心ar
但如果星期一至五去做功課點解欠交？咩原因唔想轉校？
鐘意鋼琴有冇學？
個人覺得如果ar女現時situation, 就算佢想留；校方最後要ar女轉校 (傳統女名校要top學生) 到時佢重大打擊
有冇同ar女傾如何改善？有咩target？
記得溫和D
佢講就講唔care，你諗返你老公問你有無嬲呀，你講無幾類似
講返個case，係，小學成績好，但上到中學，咁多勁人響度，一比較起來就無哂自信，而且因為適應唔到學習上的轉變，變左谷底而留一年，打擊相信係最大，而家睇你咁講，佢係完全無動力，只係為應付學校而去功課班而已
另外，其實我對所謂傳統band1名校係無咩好感，教就教得淺，某d老師又老patpat hea底，考就考得深，學校幾乎係預左你自己出面搵補習。講現實，我會覺得band1尾，band2頭既學校老師教得有心好多。我建議真係讀完中三，搵其他學校升中四啦
當時我問個女，佢都係話唔想轉校。
我話咁試多一年喇，如果都係適應唔到，就無得硬頸話唔轉呀。佢話 ok。
事實上，就算話轉要中途插班都好難，都要時間搵學校。
1個讚
係咪世界觀細，唔清楚出面既學校係點，唔清楚自己既處境，所以覺得自己得呢間學校所以唔想轉？
又或者父母有冇無意間講呢間學校係好top好好，你俾心機讀上去就好易入到大學之類？咁你個囡可能覺得唔讀呢間唔得
小學成績好、可以係靠小聰明、但本身個底打唔好、上到中學（尤其係叻學校）就見真章。
2個讚
樓主個女情況有啲嚴重，我覺得有情緒困擾嘅問題。
當個小朋友覺得自己冇能力，冇動力做任何野嘅時候，所有事情對佢來講都係無意義，包括轉校，佢睇唔到出路亦都睇唔到希望，好自然覺得做唔做都係咁㗎啦，做乜要去改變？
你話佢喺學校有見社工，不如問吓社工佢而家嘅情緒狀況係點，再諗一啲方法幫佢。又或者唔好再催逼佢讀書，反而幫佢搵一啲興趣，或者建立返個自信，等佢覺得自己都係有用同有價值。
從來拆毁一個人係好易，但建立就係好艱難。我係一個青年機構度做，見過一個case，個女仔從來比阿媽催迫得好緊要，但成績又唔理想，結果疫情停課之後成個人就冧咗，佢自己都講過，升班、留班、轉校都冇所謂，因為佢都唔明點解要去返學。後來好彩撞到個好好嘅社工，幫佢試咗好多唔同嘅嘢，終於發掘咗佢好鍾意煮嘢食，而家仲肯報一個校外嘅廚藝課程，希望從呢個方法入手，鼓勵返佢完成中六。
8個讚
算啦！你上黎問想點？乜都懶哂落個女度？又話佢唔想轉校，咁多人share俾你既正面訊息，都唔諗方法救個女？我只係知做你個女好慘，自己阿媽睇住自己咁hea, 咁懶都唔幫自己，我想同你講，呢種無助感真係會跟一世。你再唔果斷d幫佢，以後唔洗轉。
2個讚
既然你都講到嚟，我就講句啦，我並非阿媽，我就係當事人！
2個讚
亞女，見你好似放par 自己咁，真係心痛。
我算係半個過來人，想問下：
點解你唔想轉校？
發生過咩事無左學習動機？
睇吓可以點幫你
轉校，唔使諗
你個女以後就靠你而家呢一步，希望你為佢行呢一步
其實你上黎問，都想解決問題？
世界好大，而家呢間學校唔岩你，咪試過第二間，你仲有大把路要行，唔好咁想覺得自己唔得
難怪….
好啦，直話直說！
啊女，你想點？
你自我放棄，父母有傷心嗎？
你係咪真係唔想讀書？想學一技旁身出黎做野？
老土都講，學歷咁低，出黎唔係搵唔到野做，不過一定會辛苦，會比人白眼，由低做起，粗重功夫！你認為你可以嗎？
你有個名校光環，出到去人哋唔知你成績，一定係「嘩，你咁叻架？女名校啊！好勁啊」
你係咪唔想放棄呢啲吹捧？
傻女！冇用架！升得高跌得低！
你有幾勁，幾叻，要佢哋讚 你先知咩？
你唔係蠢，係你放棄左姐！
讀書唔係為人地，係為自己！
呢度讀得唔開心？去第二度讀囉！
係咪你父母唔想你轉？
冇人同你玩你話ok?我話你知你呃自己！
點解？因為我試過比人杯葛！
我去旅行得自己！係學校冇人敢同我講野（因為有班8婆話邊個同我講嘢就杯葛埋佢）我唔怪其他人！但我有冇唔開心？一定有！我見到人哋嘻嘻哈哈，我離開唔想聽！
我接受左，但唔代表我開心！唔代表我想自己一個永世冇朋友！
呢個環境令你唔開心，換一個環境啦！
或者，換左你既自我放棄心態！
6個讚
讀書度度都可以讀啦
點解要咁執著名唔名校
依家係要一個改變
其他野記會跟住變