不是屋企經濟支柱，但又唔想病左無錢醫，公司有medical, 咁我應該選擇有份墊底費既自願醫保定傳統醫保啊？應該搵有Agent 定無Agent(bowtie,Cigna,bupa…)? 諗起就 
謝謝各位
我自己咩都無，所以無睇墊底（而且墊底比較貴，我買哂一家3口真係好金……我未有大病都窮死先），我最後響保泰同宏利之間選左宏利（比較過價錢同賠償，差別唔大，但宏利有計步數10%保費折扣，加埋有個有心既agent同我做講解，真係睇下你好唔好彩撞到）
但如果你係本身都清楚，唔想俾人煩就保泰啦
但無辦法又要買 因為就係要買個保障 
我覺得保險好複雜睇到頭都暈埋 只不過如果Agent走變孤兒單 咁搵無Agent既又好似無分別
唔想俾人呃就自己做好功課先，如果懶求其搵個人幫你跟咗佢算就預咗俾人呃。
你要搵一個好agent，首先你自己都要係一個醒目嘅客人先得。
後生嗰陣無聊自己去考牌潛入去，了解到好多內部嘢，最後幫襯左第二間公司
唔通你就係餓底 
我都有諗過咁做哈哈哈
係大海之中搵一份適合自己既要比較好多間 如果有人可以推介幾份就好 
公司有 medical 就跟返公司個 plan 揀返份有墊底費嘅保險
反正可以 claim 完公司之後剩低嘅可以自己同自己嘅保險公司 claim
有墊底費嘅保險嘅保費通常會平過冇墊底費㗎
我自己係買自願醫保同埋有 agent 跟
一嚟可以扣稅二嚟不設終身保障限額
同埋唔想自己有咩大病病到死下死下仲要自己花好多時間搞埋啲自己唔熟嘅嘢
自願醫保同埋傳統醫保仲有其他分別
應該要自己上網做下 research 先再決定
同埋可以問下身邊朋友有冇口碑好嘅 agent 介紹畀你
2個讚
你就算係亂搵agent 都要見十個以上，搵個你感覺最良好嘅。
1個讚
你公司果份包到幾多嘢？
唔知bowtie 大家點睇
我就鐘意有人跟，
所以搵舊同學買～
真係要了解左唔同公司唔同plan,
再考慮自己經濟能力買。
講真我覺得窮先要買保險，
唔係有咩事都要等政府就煩
自願定傳統醫保要睇plan,
我會prefer傳統，
因為自願醫保有時保嘅野同傳統唔同
1個讚
醫療保險一定要買，起碼有個保障。
公司嗰份+自己嗰份，基本上都claim到90%以上
我試過好多年前整親隻腳，淨係得公司嗰份，無啦啦自己要比兩萬幾出嚟，其實好失預算。跟住再先買保險，就唔再保我隻腳嗰個位。所以越早買越好。
我自己會搵個做得年資長啲嘅agent，感覺上會好啲，起碼冇咁容易變成孤兒單。
但係又唔好搵個做到好多高級嗰啲喎，因為佢哋都係分比佢哋嘅下線去做，嗰啲隨時唔做。
冇agent跟嗰啲，如果要claim會有好多手續嗰啲麻煩野，有個agent跟好啲。
我之前做抹片同照子宮超聲波，第一個醫生話我多囊卵巢（輕微），第二年再照個醫生又無講，咁唔知保唔保呢？同埋佢無report, 得張相
係啊唔想辛苦儲落既錢一鋪清 又連累身邊人就唔好 請問傳統醫保市面上有無邊間公司比較好啊？
我會建議搵最少兩三個保險agent，佢哋會因應你嘅要求然後俾個plan你，你睇吓邊個覺得適合自己會好啲，因為間間保險公司都有自己嘅王牌產品，都要你自己睇過先唔知適唔適合。
我自己就貪方便，醫療、人壽、強積金、基金都落晒同一間公司，由我朋友睇住。
簡單講，有自付額嘅在職時可以靠公司入訂，但無咗（退休，轉公司，公司cut)就要自己應付，另外，點解會選擇全數賠償plan? 怕agent走人或變孤兒單（仍然有人跟）同無agent最大分別唔係在於投保，而係索償問題