我剛見完周醫生,打算先做IUI,因為我過瘦,所以建議見營養師睇下可以點幫我增磅?
有冇人都好似我咁?
情況點?
你係過瘦得幾嚴重先？有營養不良？我成世人從來都冇試過正常體重，但係個BB無論係個肚定出世之後就一直都係重量級。
我以前都有因為想有BB而花錢去見專業嘅營養師改善飲食，但係唔work嘅，反而我嘅婦產科醫生就認為只要我身體健康，有正常嚟M，即係證明身體ready to pregnant。
如果你係瘦到冇M嚟就真係有機會營養不良啦，咁你身體應該本身都唔健康，係要搞番掂個身體健康而唔係一味谷肥自己，唔健康點可能會肥。
我試過覺得自己太瘦，有睇醫生，比開胃丸我食，但無乜用。跟住有朋友介紹話運動完(當時每星期一、三、五游水)即飲盒麥精，我照做做咗兩個月到，已經有肉肉長出來了。 
2個讚
營養師邊度識增肌…香港啲營養師十個有十個剩係識幫人減肥
1個讚
我由細到大都係瘦底,情緒唔好,好易緊張!
到大個睇左幾個中醫話我脾胃,肝鬱氣血唔好, 都未搞好!
最近磅161.5cm 41kg
醫生話擔心我會易早產,或上次7週停胎都可能係自己都唔吸收,比唔到營養比bb,佢懷疑我係缺乏一d物質!
我有黎m,不過呢兩年量少
你好有恆心做運動
我只係差不多每晚做大字碼,同bufferfly 半個鍾內完
我試過晚上跑步,出完汗係舒服,但搞到夜左瞓同埋重瘦左,可能跑步係減肥>_<
我BMI低過你，中醫都話我乜乜乜，如果你身體有嘢嚴重缺乏，抽血應該驗到？
Bb吸收同你肥瘦冇直接關係，你BMI都唔係低到極點，7週停係見到閃閃未？應該係個胚胎自己問題喎。
游水可以增肌，身體都會好啲
我係返工之前去游，所以盒麥精係我早餐之一。如果可以早起身，早起去運動係好好，運動當日都會好精神。
1個讚
叫飲加營素果類？
佢無叫我抽血驗!
無錯,無閃閃
唔知關唔關卵唔靚事?
我昨日見過營養師,佢話怕我太瘦無營養去養卵
1個讚
昨日見過營養師,佢建議我飲營養奶,小食多餐
所以我會覺得係你粒卵嘅問題。
同埋如果你本身嚟M嘅量係好少，會唔會本身子宮壁都唔夠厚？咁樣都好難痴得實喎。
卵子同埋子宮壁狀態除咗你本身身體夠唔夠營養之外都好睇你嘅荷爾蒙夠唔夠，呢啲西醫會抽血驗到。
跑步應該係減肥嘅，你就唔好啦。可以考慮游水。游水果一年我真係重咗同埋肌肉多咗，條氣都好好多。或者專業人士指導之下做重訓都係填肌。
同我之前見既講法差唔多，營養奶我機乎試齊所有牌子，再小食多餐，之後都ok有增磅的。
PS:我唔係大肚去見。
檢查過幾次, 子宮壁厚薄無問題
上星期三見過周醫生,佢懷疑我有少許子宮內膜異位, 呢個亦係我呢一年先開始有m痛 >_<’’ 我上網睇過,呢個病無我根治!
我今日會去拎個sample試飲,希望唔太甜,同對我有效果啦!
我好易上痰>_<
咁呢樣都真係會令你有啲M血少啲，因為啲血積咗喺身體入面。
不過其實好多人都有呢樣嘢，如果唔係好嚴重唔會影響懷孕。反而懷孕嘅過程你10個月唔嚟M，啲瘀血慢慢吸收令到你個朱古力瘤細粒啲。
我剛都再上網睇下子宮內膜異位都係咁講
我諗我兩年前已經開始有呢個問題, 只係照陰超睇唔到
可能我d情緒,脾氣差都影響誘發呢個病, 依家我一定要正面面對了!
有sample就good啦，如果唔太短應該低糖加營素。
宜家市面營養飲品主要有呢幾間，你研究下鍾意邊隻口味。
fresenius、abbott、nutricia
https://www.nutriciaclinical.com.hk/
abbott即加營素類
fresenius有好多隻款，有d生果味幾好飲，不過網頁搵唔到介紹
我星期六剛試左一支, 佢比左Neutral favor, 我可以溝阿華田粉, 但第一次冇加入去像, 按佢既建議分三次飲, 但我個人覺得都幾甜, 所以我溝左少少水