疑似放閃，如感不快請見諒。
今日太太同我講，發左個怪夢，夢到怪人追殺佢，之後我係夢度出現打走左個怪人。
我有所感，問佢係咪發親惡夢我都會出現幫手？
佢話係呀，如果無自動出現，大叫你之後就會出現打走鬼怪。
係現實生活中，太太遇到困難，不安，或任何問題都會即時搵我，99%可以解決，我係佢既叮噹。
終於係夢度都保護到佢，哩個係我理想中既安全感，好開心。
33個讚
作為男性既你，有呢種「醒覺」
的確抵讚
2個讚
恭喜你老婆搵到個好丈夫 
多謝，我都因為太太而學會愛惜自己生命，佢同細路係我存在意義。
3個讚
早幾十年有呢個覺悟嘅話，就…… 
夫復何求
1個讚
多謝大家既祝褔, 你地都好好, 會替我地開心而無刻意去想背後唔正常既地方.
或者咁講, 追求哩種即使係夢中仍能完全信賴既關係, 本來就唔現實.
只有需要很多很多愛既人先會有咁既想法, 但係咁樣往往會迫到關係難以長久.
我地結左婚差不多 17年, 即使感情幾好都唔可能一直無風無浪, 慶幸一直都係埋一齊.
而哩份理想中既安全感, 係講緊對於情感有缺憾, 不斷需要愛既我.
嘩，你老婆好高呀，我要學下嘢先
平時我一個人去超市，唔敢買太多野，怕攞唔到。今日老公同我一齊去，佢就叫我儘買，話：「有我係度，唔洗擔心」
突然間覺得呢句台詞好型，腦中閃過以往生活中，佢幫手擋下既大小問題。
但另一方面，亦唔想自己成日依賴佢，好想增加我幫佢既機會。
2個讚
太太到而家仲係好天真既人, 唔識耍任何手段的.
係我遇過最單純, 而同理心強, 多多蠢 (唔係少少).
現實咁講, 加埋即係經常被人佔便宜, 無生存能力既人.
你地所講既女性要自立既條件, 佢全部無仲要係負分, 拍拖時身體差到係行行下街突然暈低入院果種.
但係佢係我遇到過最善良既人, 被人佔完便宜, 被人蝦完, 喊兩下就忘記而唔會憎恨別人.
佢既身體根本唔適合返工, 所以拍拖唔夠一年就提早同佢結婚, 可以名正言順係當佢工人既屋企接走.
經過多年的 Yoga, 帶氧, 營養飲食下, 佢而家比普通人更加健康.
一個係無能力照顧自己既人, 一個係只知道現實殘酷既人.
只能夠講係緣份.
3個讚
唔使想太多點幫佢做返野架, 只要比佢知道你感激佢為你所做既已足夠, 佢能夠被你依賴都一樣會覺得幸福.
試想下, 我地為仔女付出, 只要佢地真心咁講句多謝爸爸媽媽, 係咪一樣.
1個讚
都… 唔係架… 
佢有時都會嫌我太唔識野，要我改進。
岩岩結婚時，就覺得我蠢蠢地，好善良幾好，保護我好開心。大概就是好似上文男士所講咁啦。
但到有小朋友，危及小朋友前途，佢就唔可以由得我。佢要求我變身戰士，一齊去保護小朋友。為此有好多爭吵，花了十年時間，我才終於完成變身
佢應該係認為你都成為左媽媽, 責任大左就需要改進下自己.
對小朋友既學業要求, 哩點經常係夫妻爭吵既項目.
你都努力轉形配合左老公, 係個好太太呀.
我係上文男士, 我對小朋友學業零要求, 只希望佢地搵到自己可以持之以恆既興趣, 同埋大左教佢地理財. 太太都只係要求合格就得, 所以哩方面無爭論過.
好sweet!
分享多啲你同太太嘅相處之道。
其實每個人都唔同，重視既野都唔同。
我自己覺得最重要係要經常保持感謝對方既心，無人係應份對自己好，就算結左婚都唔係應份。
所以每當對方為自己做左事，真係要表達出來，表情好說話好錫一啖都好。
唔好收埋淨係心存感激，日子耐左會不經不覺變成應份。
感謝既同時又想下有咩地方可為對方付出返，之後收到對方既感謝又會好開心。
有來有往，感情咪會一直好好囉。
不過遇到只接收唔肯付出既人，就唔好一直付出咁傻喇。
1個讚
多謝分享。
我同朋友相處都係咁。身邊亦有D朋友只取不付出。通常呢啲做唔到好朋友。
係呀，其實都係人際關相處之道，不過愈親既人就愈易唔記得左。
另外女性追求既安全感，好多時唔係指打跛腳唔使憂果種。而係當你係佢身邊，佢會覺得做任何事都好有信心，因為知道遇到任何困難你都一定會支持及幫佢解決 (叮噹咁)，所以咩都敢去嘗試，得到心靈同空間既自由。
哩個係拍拖多年既感想。
2個讚
呢樣真。我成日提醒自己冇人欠咗自己，要欣賞別人嘅付出。
我同我老公相處來講，絶大部時間都係相敬如賓。不過總有黑面嘅時候
1個讚
So sweet