你老公問題大好多…….佢媽佢點佢事，佢要你忍又係另一回事，剩係嫁果日對金唔幫口同埋收咗佢媽利是唔出聲已經可以直接鏟平
對住呢啲媽寶，你要有個強硬娘家，有個唔介意做醜人嘅阿媽……節瓜湯你就唔好煲（你聽佢阿媽話只會得寸進尺），返娘家食飯叫你媽煲，你老公只飲節瓜湯其他人飲靚湯….你要忍佢媽難道唔可以受少少外母，外母仲要滾佢老母order落嘅節瓜比佢食
你唔好嘈唔好怨，只要解釋，平心靜氣同佢講，如果我媽都係咁對你會點，同埋結咗婚就係成家，成家就係成家，如果你老公覺得你照顧得佢唔好就直接講，而家好似兜個圈話我咁，咁我煮飯比你食做乜
做好避孕，打針食藥都唔好要bb…而家有咗只有惡夢連連
好… 節瓜又唔難買… 又唔貴… 最抵煮嫁啦
我媽唔硬嫁…佢呢幾日係咁叫我忍忍忍忍忍忍忍… 唉…
同你諗法一樣!
啱㗎啦，你當初讓，而家咪自己受返。你要令到老公覺悟，結左婚除左係阿媽個仔，做人老公要識保護老婆。中間少不免有摩擦，但底線要企硬。
我做得出跌鎖匙要換鎖，跌一次唔夠咪跌夠十次，跌到佢唔上嚟為止。
真 好多男人結婚只係轉換工人 個工人由老母變左做老婆 覺得老母同老婆都係奉旨就佢同服待佢
完全冇諗過做人老公有咩責任 真係莫講話做老豆添呀
有時覺得…不如跌左我自己好過
五日…過到好似5年咁…
佢老母唔知頭唔知路話我, 佢唔理,
佢老母嘈我買d乜野…佢無出聲,
佢老母亂講野…佢無鬧佢老母…仲要幫佢合理化佢老母講既野…
回門當日佢老母係咁吹佢返去, 佢就仆倒返屋企, 然後車到同我講話唔洗成日煲湯, 滾返佢老母講既湯就最岩啦,
佢老母上到黎一入門口又話我d鞋點放點放, 又話我浪衫點樣唔好仲要講明做老母就係咁煩唔覺得自己有問題佢又唔理.
然後就話我黑面係我小氣, 我無理取鬧…
如果我嫁去係為左受氣既… 我為左乜野要嫁,
我係咪真係咁犯賤,就係為左俾氣自己受所以咁做
咁又唔駛灰住, 結婚後個個女人都要學習同另一個背景完全唔同嘅人相處, 係要辛苦幾年㗎。辛苦過程中大家都肯為段關係付出(係相方)咪苦盡甘來囉, 單方面付出最終多數人咪離婚收場囉。先做好自己嗰part, 表達意見都要平心靜氣, 唔好亂發脾氣, 要做到問心無悸, 就算最終分開都對得住天地良心。
其實你99係咪一嫁入門果陣受左好氣, 想出返落你度呀, 定係佢想俾個下馬威你?
如果你老公幫唔到手不如你自己直接行動。講緊五日,係日日都走上來其實都好大壓力好困擾, 滾好個節瓜湯之後不如返娘家休息下, 淨低嘅野等你老公自己解決啦。
要留返張床俾99呢樣野, 你99係咪一個人湊佢兩兄弟?
如果我奶奶喺我老公唔喺度時比說話我聽，我會喺我老公喺度時講多次，話︰咦你媽頭先咁同我講喎
不過，我可以做到十幾年嚟絕對唔會齋同我奶奶同場，有我喺度我老公一定喺度，勁唔勁﹖
我要睇下點… 搵機會講…今日我返工…無見到佢…心情好好多
我老爺係早兩年先過生既…佢唔係自己湊嫁
真係好難攪
嘩~~~
真心欣賞你呀
呢d 先係男人嘛 
梗係要保護自己老婆架啦
點會咩都要老婆忍讓奶奶架?
呢下真心惡頂
自己煮得難食仲要批評新抱煮咩 
樓主我都好同意其他網友講
問題源頭係你老公
唔體諒你之餘仲話你小器
一心偏袒佢老母
支持你一直煮節瓜湯飲到佢求饒為止
女你都嫁咗啦，大個女架啦自己都唔好做媽寶啦，阿媽硬定軟都唔緊要啦，因為根本就唔使靠阿媽，佢會留返個避風塘俾你就算係咁㗎啦，唔係要阿媽同阿媽互冚下話⋯⋯？
我從來都冇將男家嘅事講比自己阿媽聽⋯⋯阿媽淨係需要知道我過得好好就得，我從來都冇自己解決唔到嘅人事問題。
好型呀
你嘅行為全部都係啲我會想做嘅事！
吓，我想飲咪煲囉
想飲節瓜湯？自己煲囉…
所以我準備左做長期抗爭嫁啦… 公司根下唔怕無節瓜賣既
[quote=“hlno, post:107, topic:52857, full:true”]
點可以咁諗㗎，你係女主人喎？