預產期12月
想問下nb 衫仔要點準備
和尚袍要準備幾多件？
見到啲包腳仔連身扣鈕睡衣好得意
呢隻款實唔實用呢？
另外想問下呢幾個牌子比較
Next、mothercare、M&S、Mamas&Papas
我見呢幾個牌子啲款差唔多
想問下邊間啲料好啲？
唔該曬大家
包埋腳仔個啲我覺得2-3 件都夠，我自己係訓覺時先著
和尚袍7-10 件如果唔想洗咁密？好快就唔洗著…最好接收下朋友個啲
牌子方便我冇特定，但會主要搵有機棉既比bb 著～大牌子 細牌子 本地既我都有睇下
馬莎質地好好
好舒服。
我個人唔中意和尚袍，要綁繩好麻煩。反而中意夾衣，全部啪啪鈕好方便，買uniqulo又平又好著。我覺得6-8件都夠，預會嘔奶噴屎整污糟 bb衫日日洗好快乾。
包腳仔款我個陪月當時唔建議買，因為bb頭幾個月大得好快，一頂腳就著唔到。你如果想買買一兩件就夠。
1個讚
和尚袍我有但無真係無用過咁滯
啪鈕包屁衣方便好多！
初生B，密密換片和尚袍比較方便。
冬天買厚身長身既冚到腳仔。
uniqulo啲ＢＢ衫仔都幾得意，但我有少少嫌佢側邊啪鈕可能會un到BB身體，所以麻煩少少都會用綁繩仔和尚袍或者包屁屁衫仔，再大少少個時先轉uniqulo。
預產期11月， 係next 買左幾套夾衣，料超靚，買滿$300包運費，仲有d 款係organic cotton， 好抵買，你可以買幾件try try 先。
和尚袍個類就朋友屋企人比左幾十件，都係粗著，著到唔岩著就掉得，因為都幾手，同埋0-3個月真係好快唔岩，唔好買咁多。
1個讚
Uniqlo 都料好靚，不過真係太少款式
我都係next買左3件包腳仔夾衣未收到
和尚袍我諗緊買半打夠唔夠
我開頭有諗住買u記和尚袍
個個都話又平又料又好
但香港好似無左短身版
所以都係買其他牌子綁繩款
我覺得6件差唔多
到時唔夠可以即刻上網買，好快送到
請問邊度買到厚身和尚袍？
我經驗係唔好買太厚，香港冬天無幾凍，同埋你都唔會比室內太凍，對你自己坐月都唔好啦。
BB多怕熱，我覺得全部薄薄地，然後一厚一薄睡袋就差唔多
買太厚一來貴，二來分分鐘未有機會著已經唔啱著
岩呀，bb真係一個小火爐，好怕熱。太焗太熱會訓唔好，好易醒同喊。睡袋可以準備定，可保暖又可以俾安全感bb