背景，兩個小朋友，大嘅小一，細嘅pn(即係一開學又攪報名interview).
啱啱settle 好兩個返學（兩個都新階段，小一及pn）,又開始顧細個個報名k1. 加上見到其他媽媽好加力train小朋友，又覺得自己未夠好。攪攪下好驚自己做得未夠好，好大壓力。
因為諗諗下，仲有小朋友嘅品行，學習進度，社交，興趣培養。。。媽媽頭都大埋。。。
純呻下搵同路人媽媽only,見諒
我2個小朋友今年一個考P1一個考K
個大的train極都好似發夢咁，無心向學，hea答求其撞答案……我教到好攰好無助，唔知點先可以令佢對讀書上心少少。
個細就放養式咁大，無教過佢學術野，只求大女間K可以收返佢，咁我就煩少樣
每日都在咆哮聲中渡過，有時會質疑自己係咪真係適合做ftm
其實入左家長谷之後真係好易被人motivate去學呢樣個樣驚輸在起跑線，放鬆d，小朋友仲有好長嘅路要走，開心童年都好重要
2個讚
我反而想了解下pn小朋友可以點力谷？仲係一舊薯仔ja wo, 佢地都未識控制自己wo.
又，pn咁細個小心自己唔好同d大大b比較，真係對細b唔公平。
3個讚
簡單啲。大嘅嗰間係咪官津？如果係細嘅會跟入？如果會，其他野唔駛理喇，細b 玩多三年仲好，中間跟返學校進度，其實就ok
pn 已經叫小朋友畫線。準備k1做功課。又可以上英文班，中文班etc. 再誇張啲係pn 已經可以參加認字比實
睇下呢段片 講緊能力比知識重要
明白媽媽既擔心 會令自己失控。依加小朋友既中英文程度係點？
我想分享下我好後悔既野：
我大女p1 細女k1 好擔心大女 因為佢好慢熱
3歲（k1)開始我要佢上phonics k2 我逼佢寫字 逼佢讀字 點解話逼？ 因為我係鬧住同佢做既 佢睇圖我就stop佢 叫佢睇字先 因為要練phonics…
由妹妹出世 就覺得佢係大姐姐 佢要do the right things 成日因為佢唔專心、唔識溫柔對細妹、冇叫人而大鬧佢 佢喊緊又冇點安慰佢
但去到依加我同老公都好後悔 佢細個我地對佢太嚴 依加同理心 自信心呢兩 part 係比較差
情緒方面 都係係我地realize到 比左好多努力先改善到
放鬆d啦媽媽 最緊要俾兩個小朋友感受到自己既愛 俾佢去多d公園 反而大家都開心左 學習又專心左
記住 小朋友細個時對你好 你覺得係應該 到佢大個再惡補親子關係 佢未必會理你嫁啦
如果做到每日同佢睇中英文書已經好夠嫁啦 學野最好外判 始終人地接觸時間少d 媽媽冇咁易發火
p1就唔建議學太多野啦 學下樂器算 因為補得太多習反而會discourage 小朋友既學習
10個讚
我暫時都係咁，加上細佬出世就疫情，變相冇出街上堂，以前哥哥俾啲分離班，再有playgroup之類嘅堂,有時覺得對細佬好虧欠。
大個個而家IS,sibling有加分，打算pn & k都俾佢讀近屋企嘅學校（始終湊兩個，心思同資源分薄咗）…冇乜心機心思報勁多學校。。。
但家長group d 家長，報k好有strategy，仲俾小朋友上好多興趣班，pre phonics etc…所以攪到自己好似好差咁…
我上年小朋友都1個p.1一個n.我自己就由由N啲野唔理咁多。攪佐個大先。但之後p.1果個settle佐之後就慢慢追N果個。見住N果個進步好快。
N我唔諗住係果度讀k。所以啲野都唔跟到100％足夠。我覺得N學規舉。交俾學校。我小朋友上年N時第1份report乜都好低分。不過讀到尾都慢慢跟到返好好了。
多謝你分享，同我當年差唔多，成日驚佢地輸在起跑線，學習個頭開得唔靚，錯過咗小腦袋開發期。。。。二黎真係第一胎唔知小朋友應該學到咩程度先叫正常。。。就藥石亂投。。。
中間有段時間癲左咁鬧大仔，因為佢行為唔啱，食飯食得唔好，細佬出世對佢耐性低咗。。。用咗好耐時間先修補好關係，佢而家會話以前唔中意媽咪而家中意。
而家壓力主要係怕兩個都顧唔足，兩個都覺得虧欠 ，覺得作為媽媽做得唔夠好，俾唔夠資源佢地。。。
我都一樣，所以我身邊朋友想生二個，我都叫佢地諗清楚，尤其本身老公唔幫手嗰啲。
不過正如你大仔所講，佢地要嘅可能只係陪伴，迫得大家太緊都無好處
IS 加分應該好大機會入到？
細嗰個係咪一定要轉其他K, 而家間pn 直升ok?
其實個個家庭有唔同考量，可能佢地係第一個小朋友，真係要谷左入一間好嘅學校先，又或者佢小朋友同自己都好谷得，好多時真係比較只會自己辛苦
好多幼兒園&幼稚園都係上學期寫差啲，下學期寫好啲，咁先顯得老師教得好，令小朋友進步。只係學校策略，唔使太認真
2個讚
大仔依家去左番小學 應該會多番時間湊細b… 慢慢分配番少少時間俾細b lor. 我細個個 每次我地陪佢佢都好珍惜 d親子時間好有quality
反而真正要出去上係英文班（玩個一種） 始終口音要慢慢浸 興趣班方面 pn除左跳舞 暫時樂器佢地都仲未上到
我問過好多媽媽都係話 細個個雖然唔會點陪到 但其實有呀哥家姐 佢地學野 社交能力都唔差嫁哥哥間k係咪好難入嫁？正常哥哥讀過…細個個都會收嫁bor
其實因為我唔升k1又冇升小壓力我又冇乜野。不過下學期真係認真啲學野。係真係進步佐。
同埋過佐個大既。細果個覺得呢啲都冇乜咁重要。
呢句好真，所以係識玩咗呢個報名面試遊戲真相，所以覺得唔重要，定我hae咗？！ 自己內心迷思中！
1個讚
我個仔今年報N，只係報咗三間屋企個區嘅學校，心態係希望個三粒鐘唔洗困係屋企，玩下放下電，學到嘢係bonus lol
冇join任何學校/mama group ,只會問相熟朋友意見。主要因為大肚個陣join個啲準媽媽WhatsApp group 領教過個種人比人比死人。其實每個小朋友都唔同，個個媽咪用個套又未必啱自己，何必呢？
反而我會睇多啲真係教育專家嘅column /YouTube video ,仲有幫助㗎
3個讚
我覺得係自己掌握多佐應該係邊個時去俾佢去學多啲吧。
我自己覺得自己會針對多啲佢將來學校面對既情況去學多野。我記得啲朋友讀IS佢地多數係buy佢唔咁早認字吧。
又或者因為細果個好似識得同人相處多啲。我自己反而覺得冇咁需要playgroup呢類野吧。
都頂唔順quit左幾個媽媽谷
1個讚