生鐵鑊係要比啲時間適應，明白點用之後會得心應手，我覺得最大問題係大油煙，呢點要抽氣扇同抽油煙機配合，係有啲無奈。
用D煙點高既油，即時油煙少大半先
係喎唔記得咗電飯煲
點睇邊種係煙點高嘅油?
普通橄欖油就係
我都唔知點解要倒油落新油…唔用得洗潔精其實係因為要用梳打粉，首先要倒梳打粉落鑊，然後加水煮滾，倒左d水留返沈底嘅梳打粉省隻鑊，真係慘過用洗潔精…
其實邊使咁麻煩，學樓上話齋，用熱水擦就夠
根本係而家D人唔識用，煞有介事咁，講到係要用得好有學問，上一輩用左幾十年，唔通佢地個個都係大師級
3個讚
幾好睇，Mark Ruffalo (綠巨人）做果位律師，揭發大奸商。其實都幾過份，明知有問題都視而不見，而家美國話ban但大眾都當佢9up, 其實真係會食死人
同埋唔係塗層鑊only架, 好多防水物料都有PFAS, 好似防水風褸，外賣紙盒果層膠，無處不在。
1個讚
但淨用熱水驚有味惹甲由
咁原來都幾大件事…如果真係有害，係咪連電飯煲都唔用？改用瓦煲？用火燒煮飯？
每次用前後都要再用水沖，同埋鋼絲刷，曱甴好少會係鑊底爬到上鑊面，驚既就平放加鑊蓋
1個讚
其實新聞指出99％既美國人既血入面都驗到有PFAS. 同好多致癌物質一樣可能係食好多好多先會致癌，咁明知致癌而又繼續用就係個人選擇。講出黎俾消費者認識話事權係番消費者身上。
其實有冇人唔係用電飯煲煮飯?用冇耐個底就花，我一直想轉
我都好好奇其實用普通蒸野方法煮飯係咪都差唔多
新買蒸爐時試過蒸飯、但隻碗好難洗、同始終唔方便、放棄左
晏晝嗰餐會隔水蒸飯煮比小朋友食，用電蒸爐1層蒸飯1層蒸餸，同西施飯煲煮飯時間差唔多，大約蒸3個字就熟，如果鍾意食粒粒飯，蒸飯教啱水，蒸出嚟嘅效果就似出面點心嘅鳳爪排骨飯咁粒粒
2個讚
另外，想方便喺飯煲膽洗埋米，東芝嗰款都幾襟用，暫時用超過3年個膽都好正常，如果係普通西快熟施煲洗埋米，應該2年就玩完
我覺得一樣，你食邊隻米落幾多水關事多d。
我冇用電飯煲好耐，用蒸爐，一層飯，一層肉，一層菜仲方便。
2個讚
裝飯既器皿係會痴，我都未有解決方法。一係食完浸一陣先洗或洗碗機。