一個歲半 一個兩個月 兩個都系月頭生 唔知關五關打針事 兩個bb呢兩日都好扭計 開始有啲心煩 中要全部時間我奶奶都系度 佢真系好落力湊煮飯做家務湊bb都系佢主力做 。。我中有個月就返工 得佢一個湊真系五知佢會點 好擔心。有冇兩個bb既可以講下自己經驗
1個讚
如果得奶奶一個湊真係好難搞掂呀，你二個都咁細，而家細嗰個仲未識郁，大啲識爬已經好危險，同埋老人家體力上無後生咁好，會唔會請工人？一係大嗰個送去育嬰院
2個讚
你屋企請本地工人做家務，
你99只負責湊bb.
起碼99做少左野，無禁辛苦。
2個讚
我都係有兩個小朋友，差兩年幾，最辛苦係到大個個要跑要跳，細個個又學行唔穩，唔知顧到邊個。又到大嘅跟大人食，但又要準備細個個加固，又要準備，又預食到周圍污槽。
總結係到細個個都過咗兩歲幾，食到大人嘢，先至冇咁辛苦。
2個讚
得一個人湊兩個咁細仲要煮飯做家務超辛苦
考慮下請本地ee湊幾個鐘或者幫手煮飯
或者考慮下返托兒園
或者鐘點做家務
起碼要食到大人野同埋有一個返學先有好D日子呀
1個讚
一個人湊兩個bb 仲要煮飯做家務太辛苦，屋企無位就請鐘點姨姨幫手，大b 夠歲數就返n 班，最好有全日嗰隻。
4個讚
就算老人家好有信心一打二，我都冇信心啦⋯⋯而且真係要咁洗盡佢呀🥲
如果小朋友或者老人家有啲咩意外，返唔到轉頭㗎啦⋯⋯邊個內疚都唔好啦！
我自己精力充沛都冇信心同時湊兩個BB，更何況係退休人士。
我2年差3年，一打二都覺得辛苦
你2個都咁細，真係要搵人幫手呀
依家細b 2個月都未算最麻煩，當佢開始學行周圍搞搞震，就會好難搞
兩歲可考慮返學，
奶奶年紀大嗎？
家務要大家分擔了，你們份工時間配合到嗎？
1個讚
我同你差唔多，2個相差歲幾。頭2年我都覺得辛苦，特別第一年好攞命。大個個terrible 2又吃醋，因為唔想俾佢覺得媽媽生左細既就唔愛佢，所以個陣我花好多時間係大到，細既就工人照顧多。
我兩個小朋友爭三年，都覺得好痛苦，可以的話不如幫大b搵育嬰園？如果唔係，奶奶年紀唔細，一個湊兩個（仲要其中一個係new born!)仲要煮飯同做家務，真係好辛苦呀！
同你一樣，兩個差一歲四個月。
我自己湊，到BB 4-5個月開始唔可以淨係擺係度瞓覺既時候就開始黎料。
到BB要學座，企果時就大檸樂。
我細果個仲未識行，大果個已經係咁推佢同爭玩具。
下下都要落手落腳捉住，你奶奶仲要煮飯。
我有鐘點，唔洗做家務，都覺得好辛苦。
除非你奶奶好有經驗同埋好精神，否則都攪唔掂。
仲有，一個人帶兩個咁細既落街係一個好大既問題，除非你有孖B車，唔係大果個行行走左去或者扭計，一個人都唔知點攪。
係講緊落街咋喎，出去遠少少都唔洗諗，除非揸車。
我2個相差1年半，之前同奶奶住，我主力湊小朋友，搞掂晒兩個野食、餵飯，沖涼等等。我都覺得有d 吃力
煮飯、家務就奶奶同老公搞。有一段時間請鐘點煮飯，但奶奶黑面，鐘點就唔撈。
如果真係要你奶奶湊2個，又做埋家務，會比較吃力，始終湊小朋友都唔少野要處理。如果仲要買埋餸，又要帶住2個小朋友，而且你果2個都仲好細，又好推車又或者咩住，又要拎餸，自己係年青人都辛苦。
越細越辛苦….
越大越好～
我同我先生都會主動做家務湊bb。屋企又五想多個外人系度 請鍾點每月支出分分鐘鐘中多過請工人 定系五好理奶奶同先生 自己去揾工人
恭喜你 聽你甘講 你捱過黎啦 加油
你有冇返工？
我有2個都係甘細.相差一年…,而家最難湊因為2個都無學返.而且仲細要睇塞…到一個返左N,就會好好多而且少朋友自理能力愈黎愈高…
我地一齊加油 辛苦啲捱過去 就系晴天
我冇番工呀，全職湊小朋友。
宜家搬左，冇同奶奶一齊住，我媽咪就間唔時晚上過黎幫手煮飯。