阿媽尋日同我哋呻我哋細個唔做家務，
我6歲，姐7歲，弟2歲。
爸爸又係從來都唔做家務，
攪到佢晚晚8點鐘番到黎，
無人煮飯，無人執屋。
係我有記憶以來媽媽一係鬧，一係打。
好小事都發好大脾氣。
細個時候好驚佢，
我反問一句你同佢結婚之前唔知道爸爸唔識做家務既咩。
佢話唔識做家務唔好娶老婆丫嘛，
點解要娶老婆姐？
佢哋相睇識左3個月就結婚。
細個成日同我哋講男人係唔應該做家務，
男人係做大事既，女人讀唔到書都可以找個男人嫁左佢，女人最重要識做家務。
1個讚
關鍵唔係識唔識，係願唔願意做
倒轉講，阿媽有無叫細路幫手？老豆有無教細路幫輕下媽媽？
一家人，唔係邊個做嘅問題，係識唔識得感恩，識唔識得體諒對方
12個讚
我媽朝7晚8無時間理我地。
我爸比我媽鬧得多，
我哋一無執玩具就會比佢打。
我爸揸夜更的士，
每晚大約7點番工。
朝早就係訓教。
其實好多女仔都係嫁左先開始做家務（我都係）
16個讚
阿媽覺得做家務係自己嘅責任，自然唔會覺得人哋做係”幫手”，但實際上唔應該係咁。所以佢一開始就錯咗
講得啱呀，邊有人一出世就識做家務？咁點解阿媽嫁左就識做家務？因為邊個唔抵得屋企污糟咪邊個做囉，人哋插手想做又話人做得唔好唔乾淨，咁你要用自己做標準，唔該自己做番
你寸番佢：老豆識做家務洗乜娶你？
以前d人係咁上下
好過盲婚啞嫁少少
同埋個個到某個年齡就結婚，就好似而家2歲要返學一樣咁自然
4個讚
佢呢個mindset 好似70年前喎
30年前都冇咁啦
我屋企都係咁架，老豆就算退休都唔會幫手做家務⋯⋯
男人對眼係睇唔到「污糟」，所以好難做到家務
『冇污糟呀，點解要拖地？啲衫唔臭呀，著多幾日啦～』
1個讚
我就係想講呢樣。
我老豆雖然hea
但都有d嘢會做
1個讚
又退後一萬步講
呢d係撞彩機率問題
大把人閃婚又冇嘢
又有人拍過拖，同埋居，最後都頂唔緊
爸爸依家會自己洗衫，曬衫，收衫。
自己食完碗會放入廚房。
自己煮公仔麵。
1個讚
我老公都唔識做家務，結婚之後先發現。但我自己何嘗唔係婚前唔使做家務？鬼知要嫁個識做家務架咩
婚後講真係邊個得閒邊個做囉，老公係就係唔多願意架喇，成日話唔使咁辛苦啦，唔係好污糟之嘛…到生左小朋友，佢都眼見我湊仔都湊到瘦晒，拿拿聲包攬返啲家務
最好笑係我奶奶，成日話個仔以前唔做家務架喎點解而家又做？
我反問佢，係囉點解以前唔叫佢做？搞到佢結婚之後咩都唔識做
4個讚
我老豆係直到個孫出世就180度轉變，會認真拖地、專業洗玩具、分幾塊唔同嘅布抹好所有嘢、仲會出好多錢買好多嘢比個孫⋯⋯真係會有種”我唔識呢個人”嘅感覺
所以話男人唔識做？有手有腳點會有唔識做⋯⋯
當你對眼終於睇得到咩叫污糟，對手就識做⋯⋯
5個讚
well, 新抱以前都唔做架啦
我知有d人唔做家務會婚後同父母住囉…
我姐夫都係，我家姐同姐夫兩個一齊住無小朋友。
家務一人一半比媽咪知道左，
都話：姐夫賺錢辛苦唔好要佢做家務。。
我家姐反駁：我都有番工架。
5個讚
我記得無耐前都有個post係講呢樣野，想痴父母住唔想買樓，最後都買左樓
我父母唔係相睇而結識 而係正常拍拖再結婚
阿爸後生拼命搵錢 屋企由阿媽+工人齊齊打理
仔女大曬 四大長老去曬 只剩佢兩個
阿媽就話得兩個大人唔洗工人啦
然後 次次見到佢地 佢地都會因家務而嘈交 主要係阿媽鬧阿爸啦
我又覺得 阿爸真係從來都無做過家務 突然要佢做 唔識/唔主動好正常
正如阿媽 嫁左之後就無打工 突然叫佢重投職場 佢自己都唔會得心應手
好煩
4個讚