佢話工作需要, 但我聽到嘅唔算必要, 就算遙距麻煩d花錢d時間長d, 但最少可以保障屋企人健康, 依d唔係比錢更重要咩?
佢話佢會小心, 但疫症年半有多, 佢嘅衛生常識都無咩改善過, 無搓手就摸面捽眼拎煙食, 叫佢搓手就話無掂過野, 明明見住佢摸完門柄都唔記得, 無數咁多次啦, 我點可能對佢有信心?
我話：“你打咗針, 我無打, 你上去中咗傳染我, 我預咗入ICU, 最慘係佢哋(家中寵物)要去酒店(否則去漁記更大鑊, 嚇都嚇死)”
然後佢話我講野難聽, 話我對佢無信心, 我話要人對你有信心, 都要你俾到信心人先得㗎? 佢就嬲咗我啦!
各位, 請坦白講, 係咪我問題?
佢咁堅持咪比佢去囉，返黎租酒店隔離21日先好返屋企
佢當然唔會啦
都係一人讓一步，一係唔好上去⋯
佢覺得必要 唔會唔上去
佢返到黎，你自己同佢分開21日先
工作都冇計，一係唔做一係支持。
外國已經係同病毒共存，唔打針風險大過打針。
你想法同我一樣，我老公回應都同你老公一樣，佢地永遠係存僥倖心態架喎，講到口都臭。
試過幾次佢病，終於惹埋啲小朋友，佢先知死（拿，我無鬧佢架）
不過當時唔係Covid
佢係打工嘅？
不嬲都有上開廠？如果係咁，佢都係back to normal 咋
同埋都未開關 唔好煩住啦
咁你立場當然係小心為上 我都係 但疫情耐左 反而好多人覺得愈黎愈唔當一回事
為左依d事嘈都無結果 因為大家個標準根本唔同
反正都未開關 亦都唔知幾時開到關 到時情況亦唔知係點 就到時先算 唔好未發生就傷感情
呢個方法好，但21日唔夠。
試吓估男人諗乜先～
雖然唔知佢係邊行，但係工作，親身上去當面同人講同zoom差好遠，zoom完全冇牙力，亦睇唔到實況。
COVID? 都咁耐啦，我地都冇事呀～點解你會覺得有事呢？女人就係咁，成日諗衰嘢，根本就多慮⋯⋯唔搞掂工作你食風啦！我唔番工你就最健康啦。
利申，我屋企嗰個都係一般男人
我會睇有冇得揀啦，如果份工本來就要返去，咁只不過係回復正常生活
對
咁唔工作可以點呢, 好多人都返大陸做野, 大陸疫情控制得好好
香港都係大陸咁, 香港同大陸都無分別, 你都STAY 得係香港, 點解佢唔可以去大陸呢:)
好憎男人要人無條件對佢有信心, 大佬呀, 依家係你的行為令人無信心嘛, 唔係應該你改善一下行為令人有返信心咩?
希望呢句係曲 
有個迷思, 大家覺得大陸資訊係假, 但香港就係真?
如果香港零本地確診係假, 咁香港人都係存活係病毒中,
咁返大陸有什麼問題? 
冇疫情之前係咪都要番大陸? 如果係, 咁只不過係回復正常。
你擔心既, 一係唯有隔離21日, 一係叫佢唔做 (不過你要諗埋點解決經濟問題)
我唔係好明，即係樓主想佢老公辭工搵過一份﹖點為之工作冇需要﹖
佢唔係打工, 自己公司