家中第7日BB，只吃右邊，因左邊太短，出院之後左邊是bump，右邊一直埋身。
昨天右邊損曬出血，好擔心無得再埋身，喊左幾次。
請問大家，出血之後要等幾耐才能繼續埋身？
乳頭短可以點處理？
有沒有一D好些的奶樽，等BB 唔好乳頭混淆？
唉⋯⋯原來人奶係咁難！全人奶的媽媽真係好勁
我自己冇咁嘅經驗, 幫唔到你, 不過SEARCH到健康院資料:
https://www.fhs.gov.hk/tc_chi/health_info/faq/breastfeeding/BFQA012.html
乳頭給吮損了，應該繼續餵哺母乳嗎?
乳頭吮損的原因是因為寶寶吸吮不正確，例如寶寶習慣了奶瓶餵哺、或媽媽的乳房腫脹，令寶寶難於吸吮等，所以應盡快向醫護人員或母嬰健康院查詢並接受母乳指導，讓寶寶和媽媽都能掌握哺乳的技巧，問題便可以解決。但假若媽媽想暫時停止直接餵哺，可按時擠奶，保持乳汁分泌。
如情況沒改善和你仍有疑問，請向母嬰健康院或其他醫護人員查詢。
如果有陪月嘅問下佢會唔會幫手睇下, 如果唔得, 可以打去母乳熱線, 或者打去健康院約母乳姑娘, 睇下係咪姿勢問題。如果乳頭太乾可以搽下羊脂。
加油呀, 餵母乳唔容易。我頭兩個月都係餵奶粉+泵, 因為BB唔識埋身, 之後每日俾佢試下食, 先慢慢變到全母乳, 唔洗太大壓力, 順其自然會輕鬆好多。
3個讚
唔識喎
你有冇用個啲咩「羊油？」膏搽係乳頭？
每次餵完都搽，得閒又搽啲
Bb食左都冇害架
我出院時醫院都有比支跟身
損左真係要休息下喎！
市面有好多話「同乳頭相近」既奶嘴，不過都真係要試下睇下邊個啱啊b!
短既話，其實bb如果口張得夠大既話應該都啜到架喎！
你再睇下網上有冇片，睇清楚啊b個口係咪張大哂先啜！會唔會有可能係姿勢唔正確？
(FYI 不專業留言)
1個讚
我都係短, 所以用nipple shield駁長佢
方便啜 又有保護皮膚作用
1個讚
除咗啜嘅姿勢唔正確, 其實如果本身乳頭短都會啜損. 我本身乳頭短, 第一胎又係睇啲人話唔應該痛, 痛係因為 bb 啜錯, 後來好快頂唔順放棄咗. 不過後來第二胎又試, 痛都唔理, 流埋血都照俾 bb 啜, 因為嗰時點睇都覺得其實 bb姿勢係啜啱(其實諗返第一胎嗰陣係姿勢係正確)， 後來俾bb埋身到第2-3個月, 粒 lin 俾佢啜長咗就唔再痛. 所以嗰時嘅痛係因為拉扯乳頭嘅痛, 而唔係bb咀仔’磨擦’到痛.
1個讚
咁要改善下BB食奶姿勢喎，個口含得唔好先會損，佢都會食唔夠，搞到好密食，就更損。
你要搵番健康院姑娘幫手，打電話去問，或提早覆診。
真係睇人架咋，有人易，有人難。
有困難都唔好怪自己，而係專注於搵解決方法。
2個讚
我嗰陣就係因為損咗唧出嚟餵（一定要用手唧唔可以泵，因為泵出嚟嘅奶有血），點知阿仔食過一次奶樽之後就唔肯再埋身
建議可以試下用好似喺醫院咁用杯仔餵，用匙羹或者針筒都得
不過損咗真係要抖下等佢好返先，我嗰陣每次唧完奶搽澳洲紅色嗰隻木瓜膏，覺得都幾work
1個讚
只可以俾bb 狂啜，會啜番長。
我女嗰時咀型都啱，但都餵到好痛，想埋身只能忍。
忍唔到就泵，唔夠餵奶粉，加油！
人奶只係佔bb 人生短短嘅時間，唔使為全埋身/全人奶搞到唔開心。好好享受初生時間，雖然辛苦，但第日回望會好懷念。
4個讚
其實啜損係必經階段，之後仲會咬損你
真係太痛，我個陣真係休息下，泵出嚟餵, 你感覺舒服先至會捱到，好彩我兩個小朋友又無混淆。我個陣係用pigeon，希望幫到你
如果乳頭短，可以試下餵之前手動拉長，快快放bb口去食。希望幫到你
Tt個隻奶樽
Aeon or官網
我也希望佢大D可以啜好D
謝謝你
我其實都會牛角尖，因為只有埋身就可以我同BB，不用被奶奶搶走
上網買咗，會試吓用，謝謝你！
1個讚
初初俾阿B啜，好似俾老鼠咬就以為叫痛⋯⋯但
當比較過真係損左都仲埋身，才明白老鼠咬原來叫「唔係痛」