有冇屯門區媽媽分享讀n班同面試經驗？
暫時幫小朋友報咗啟思，留意緊青彼，小牛頓，將來K1都係想小朋友讀返保良局/順德聯誼會嘅幼稚園。
1個讚
喎，都係名校方向喎。咁，最緊要你係醫生律師，已經成功左一半
留名學嘢
In過啟思，都係俾啲玩具小朋友玩，睇下識唔識俾俾，餵公仔食野，眼/耳/口/鼻係邊，同埋泵槌仔果啲。同場有其他小朋友坐唔定，喊住周圍走，我 小朋友做唔哂啲野，不過肯坐好，最後有offer。
青彼上年要拍片，老公覺得麻煩最後冇報到
保良局嘅話，蔡冠深好似今年開始有N班。不過詳細係點我就唔知啦。
2個讚
去過小牛頓open day，校長話著重訓練小朋友自信心，個個月都會安排校本上台表演，另外學校會比埋字卡本，書簿費包埋，可以自費買點讀筆，n班每個月會派訓練小手肌玩具，佢啲教材都設計得幾好，介紹果個老師好有耐性，以券校計我覺得幾好，不過都聽過唔少人話佢行政亂，老師流動性高，雜費貴，同埋始終升小唔太靚
2個讚
有興趣嘅報咗名先，然後嚟近10月應該好多開放日，親身去感受下，睇下自己同小朋友鍾意邊間。
其實咁細，我覺得啲老師都係睇下家長小朋友溝通同應對成點，所以輕輕鬆鬆當去玩咁就得喇。家長例如做少少準備答嗰啲問題（點解選依度、平時邊個照顧講下小朋友性格咁）。
不過小牛頓就唔建議，佢一開時有攪過playgroup（唔知宜家仲有冇），參加過覺得行政超混亂，而有朋友讀過，都發生過好多不愉快事。
如果你target保記，好似樓上jm咁講，蔡冠深上年聽過佢好似會開N，都可以留意下。
2個讚
如果係保良局，保良局友愛都好似有n班
多謝分享
希望今年青彼唔洗拍片啦
咁聽落都幾好喎，不過行政亂我都有聽過，唔知今年有冇改善
暫時見蔡冠森都未有n班消息，k1就開始咗報名，如果係真係開n就好啦，多個選擇
唔記得講，個校名要search埋澤富樓咁先係幼兒園嗰邊（其實係同一間，但註冊就分開咗幼兒園同幼稚園），你一search就見N資料，啱啱搵嚟睇有N資料了。
早幾日SEARCH到3月新聞話開始左報名啦, 唔知而家點呢
多謝晒你提醒
！你唔講我就咁google search睇蔡冠森個網仲以為未開始報名
小牛頓理念同課程都幾好！但係行政真係好亂，一年一定至少換一次班主任，外藉老師一年唔知轉幾多個，我女讀完一年全部教過佢嘅老師都走曬，我自己都係打工仔，一個公司長期大逃亡你覺得點？會唔會做得好？雜費書簿費貴過人都事小，問題係值唔值得。
N班搵間近嘅就ok! 我女讀過啟思，依家亦都係讀保幼，幼稚園競爭其實唔係咁大，N班都唔係期望佢學識幾多嘢，玩下學識自理就好好。