有日我煲左冬瓜排骨湯，
媽咪番黎我同佢講，
佢講：你唔好煮野拉，
你煮野唔會有人食架，
又曬煤氣，又曬料，
煮出黎又要比人話，何苦呢？
我話：咁好啦，以後無人煮飯就叫外賣啦。
一係就各自煮各自。咁我自己裝自己果份。
（但都要煮爸爸果份，有時問左爸爸佢有時會自己煮面食）
佢話：你根本都接受唔到人批評你，你咁樣點會有進步呀。爸爸都係無辦法先要食你煮既野。
人哋辛苦做野番黎，連一餐飯都煮唔到比人食。
（佢係連煲湯咩樣都無睇過，只係話細佬曾經講過我煮野唔好食）
我99話：唔好駁媽咪嘴，我哋會飲架。
之後媽咪飲左話又唔錯。
當下我好想喊，我唔知點答佢先滿意。
有時見到我睇YouTube 煮食節目，
都會話睇黎做乜，一餐飯都煮唔到比人食。
純粹想表達自己感受。
好慘~
自己阿媽唔撐反而要奶奶撐 
十幾年前我的確成日煮焦左，一係煮唔熟。
有一段時間唔敢再煮野 
錯重點，點解媽媽和奶奶會同時喺同一間屋度？
我會簡單一句：你唔想食就唔好食
，無人叫你食。
我都係咁講，佢話我自尊心強接受唔到人批評我
我都係咁話！唔好食囉，冇人迫你食架！
有邊個一出世係廚神？
有一次我坐月，
媽咪去買餸，又要煮。
我只講左一句又食魚頭。
我媽即刻黑面，
我老公就話你可以唔夾加嘛。
我媽加一句咪就係囉。
你都有唔開心，點解唔諗吓我有咩心情呢？
咁你下次煮飯就唔好叫佢
佢係到就同佢講「我煮左乜乜，不過你可以唔食架！自己嗌外賣啦」
咁原來你同你媽都相似喎
人哋煮左就唔好咁多聲氣，正如你老公講「可以唔夾」
1個讚
好主意 
直接平心靜氣講：「聽到你咁講我會唔開心，冇教我不特止，重要踩多幾腳，兩母女講嘢唔洗去到咁盡。Lee 個係我對你嘅批評，希望你會接受，唔會傷到自尊心。」
我自己真係試過直接講出感受，話對方講嘢尖酸刻薄，傷害大家關係。
1個讚
我同我媽都係八字唔夾，佢又係唔知自己對個女講野係刻薄D既
我選擇左少D見，無謂熱臉貼冷屁股