嚟緊會有一個月時間比自己試吓FTM
想請教大家每日個schedule 係點安排？尤其煮飯個part ~幾時買餸，點煮三餐比小朋友？
仔仔15個月大，未返學住
一般跟大人3餐時間
早、午加個細tea time
之前個照顧者點安排、跟返就得
你真係要問返之前個照顧者點去安排
小朋友跟大人食就得，只係少調味，食材均衡就得
自己照顧，又唔駛理長輩感受，最自在，可自己安排時間。多數小朋友下午會午睡，所以出外、活動最好喺早上完成，下午午睡時做少少家務。
廚房同煮食盡可能用洗碗機、攪拌機等幫手。
買生活用品同凍肉可以送上門。
而家好過我嗰陣好多喇，以前樣樣要出街買、又無咁多工具幫手，又無人幫。
3個讚
之前其實係工人姐姐主力，老爺得閒過嚟湊幾個鐘bb，所以姐姐可以做下其他家務咁
都係㗎
所以你問返姐姐平時個routine
自己再adjust下就無大問題
1個讚
個人認為最重要係訓練小朋友可以自己玩一陣，唔會一見唔到你就喊。另外，最好就訓練埋自己入睡，唔使陪瞓暗瞓
然後袋住十個八個快靚正食譜(當然善用工具好重要，唔使睇火可以氣炸、焗)，喺佢自己玩嘅短短 time frame 裡面搞掂餐飯
咁就可以得到最多嘅me time
6個讚
根據好耐之前對阿媽嘅記憶 （屋企有兩件化骨龍）：
朝早七點幾孭住 BB 送阿大返學，即刻去街市買餸
返到黎九點幾十點，即刻開機洗衫，安排阿 B 自得其樂玩遊戲
十一點鬆啲煮飯，如果煲粥嗰啲唔洗睇火就可以用呢段時間拖地吸塵
食飯之後又安排阿 B 自得其樂/午睡，呢段時間就即刻晾衫、準備簡單茶點同埋抖下，有氣有力就同佢玩
三點半返學又孭住 BB 接放學
日日如此。
2個讚
無錯，佢哋唔肯自己獨處，你每日排好時間表都無用。
我個人認為，阿媽都係得一對手，所有家務、煮飯都係攝時間咁做哂，做唔哂咪第日做，煮唔切咪食外賣。
2個讚
其實最緊要係煮餸盡量蒸呀，炆個d，掉到落電飯煲度最好。係佢瞓覺或者唔理你個時準備定d餸。家務其實可以分d無聊嘢比個bb，等佢搞少陣。中間d時間都係陪玩陪讀陪瞓咁，不過我就慣咗做家務個時講定會行開，咪佢哋到某個時間會纏得好緊要，轉個身都喊。
3個讚
瞓醒覺第一時間係開機洗衫，因為當你一得閒就可以涼衫，係啲衫洗好等你，唔好諗住跟時間表去洗衫涼衫，bb 時間表唔可靠
午餐之後可以俾佢玩下或者俾少少電視，講緊係15分鐘左右，已經足夠你收拾好午餐所食嘅野。
然後玩一陣就俾佢午睡，盡可能準備晚餐嘅野，唔好係呢個時候吸塵拖地住⋯⋯⋯⋯
等到晚餐之後有老公幫手就可以叫佢幫手吸下地咁，如果佢唔幫咪叫佢睇住小朋友、你吸塵拖地。
其餘沖涼呀、玩呀、親子活動就自行攝入去當中空檔時間
隨,心….
我就鐘意落街行吓附近商場，係屋企好困獸鬥咁
我有2個女，大女返k3，細女未返學。如果返學日子如下：
7點半起身洗衫，整早餐，叫個大女起身
8點叫醒個細女再湊返學
送完返學返屋企安排早餐俾細女食，早餐通常係即食，唔洗點煮。之後去晾衫掃吸下塵，10點半左右哄細女訓覺，12點出發接大女，返到屋企求其煮個面俾佢地食，大女做功課，細女玩緊又訓晏覺，做完功課起埋身後就買餸，仲有d時間剩既話就去下公園玩，返屋企同佢地沖涼後就煮飯，食完飯就洗碗拖地，之後就個個都刷牙洗面訓覺。日日如是，其實真係又攰又悶，metime時間少得可憐，不過開心同感恩既，始終自己湊，想點安排都得，唔洗就人，又可以多d時間陪佢地
1個讚
我可唔可以攞我阿媽幾十年前嘅嘢嚟講？
我媽訓練我睇電視同閱讀，我K之後冇乜理大家(除咗食飯)，佢下晝好多me time，打電話同親戚講是非，落街tea(有時帶埋我，有時我話唔去，不過當年冇咁嚴嘅法例)，睇電視睇報紙，五點先慢慢煮晚飯
我唔知我媽點解訓練到我咁獨立，總之我懂事以嚟我已經會自娛
我都係咁，記憶中連食飯都唔理我，俾錢我買飯盒算，佢日夜打麻雀，我自己一個人玩。所以唔好話幼稚園，我依家同佢都無咩交流。
呢傢某啲綜緩家庭都係咁…
我有印象起細個已鍾意獨處，唔鍾意呀媽走入黎問3問4，但可以係特定既時間做親子野。我通常鍾意以睇書來避開長輩，所以佢地曾經以為我會做書呆子。
3個讚
上一代人點解可以唔理㗎，唔驚爬窗、玩危險嘢等等㗎咩？
我以前啲小朋友細個都唔敢離開佢哋視線，因為無留意嘅話好容易有家居意外。
1個讚
岩聽流流長！