唔好意思,第一次做人爸爸又第一次係度出Post 
…
想請問大家知唔知道而家政府預產期準唔准確?有冇話大約有幾多偏差?..
因為而家陪產要有三天肺炎陰性證明…
唔係太想係出面啲檢驗站做,去私家又貴所以想問問會有偏差幾多?
另外有冇一D比較可靠既私人診所會提供肺炎檢驗服務(最好價錢可以平一點,上網睇過有D九百幾蚊,如果偏差太多BB都未出世我已經要破產 
)
都唔關政唔政府，係預產期本身就唔準，我二胎都唔係預產期出世，一胎早左二星期，一胎遲左幾日
5個讚
要問你個b 喎。
佢可以隨時出嚟，同政府個期無任何關係。
4個讚
政府定私家都唔準的，除咗開刀，無可能準確知道BB幾時出世。
準爸爸真係未做足功課 
但我好欣賞你識上嚟問
預產期係計最後一次M到時間,個個醫生都會俾同一個預產期你架
順產十成九都唔會準架啦,唔係早就係遲,好少人會真係預產期嗰日出世
你想準嘅就要BOOK開刀
不過我都聽過有人book咗開刀,但阿B好趕,開刀前幾日就出咗世
2個讚
多謝大家回覆,我表達得衰其實政府唔係重點 …
我係想知而家科技預產期個偏差有幾高?
本身諗如果只是偏差前後數天的話就去私家檢驗…但如大家回覆無路捉的話,咁我就要真係要諗諗係街邊檢驗或交樽仔好了 
點都好…再次多謝大家回覆
如果老婆第一胎，睇好多人講 順產都要十幾個鐘以上先生得，咁知你老婆陣痛 咋咋聲去做檢驗 會唔會趕得切？
老婆入左院就即刻去港安醫院做檢測
果次我老公去到話要陪產，啲姑娘即刻超快手完成，一兩個鐘就拎到報告。
6個讚
不如問下邊到檢查24小時內會有結果，如果好彩的話或者會趕到，由陣痛/見紅/穿水等現象出現，一般都可能要24小時或以上先真係入到產房，過咗38wk之後真係隨時生得，你叫老婆留意下身體有乜變化，女人嘅直覺有時都好準。
我自己就真係由見紅開始計24小時內生咗啦，大痛到生只係6個鐘內就完。
只可以講預產期比個心理準備你，但邊日出世真係好睇阿B，我第一胎遲咗一星期啦！你唯有keep住去交樽仔
偏差極高，無路捉的，交樽仔比較經濟實惠
係呀，預產期前兩三個星期keep住三日交一次，keep住有record經濟啲。
1個讚
如果一定要陪產，政府醫院依加打曬兩針唔洗陰性報告。唔打針既，最好37w開始隔日交口水樽，唔知bb幾時出黎，最好做免費既經濟d
有d媽媽係一作動老公即刻去私家做特快驗，一次千幾蚊，快既5個鍾有結果，但始終無咁保險
認真，我係老婆入院前一日，去x健去做24小時檢測，仲要做左2次，因為你老婆唔係話一入去住院就生到，無咁快的話你就過左3日證明，我記得唔駛9百幾蚊架，你肯google下就比較到啦XD
祝順利
我老公就係由我37週開始每兩三日去交一次樽仔
（要預埋星期六日好難交 所以每個星期五都會交）
我開頭都有諗過有反應先叫佢去做快test
不過好彩最後都係交樽仔
我由regular陣痛到生得出只係兩個鐘左右咋