女女升小一好擔心
本身佢已經內向 唔係好識同人傾計 勁擔心佢傻下傻下 識唔到朋友仔
今日問佢小息有冇同同學玩呀 佢答：冇呀 淨係企係門口 夠鐘就叫同學仔入番課室
有冇小一生家長有同樣煩惱呢？
都6歲，不論大細b個能力差距應該唔大啦掛？
第一日開學慢慢來，佢以前幼稚園都有無朋友？
2個讚
唔好成日覺得「佢係細 B 所以有困難」，你唔散發呢種能力，佢唔會覺得自己做唔到，反而會努力去融入。
慢慢黎，先第一日，好快就玩得埋，啲插班生中途出現一個人都唔識甚至班入面啲同學都對佢地冷漠，最後都有朋友，所以放心吧！
7個讚
講得岩。
可能唔關細b事 可能本身性格比較內向啦 由k1到k3 老師都會話佢比較怕醜
我要盡力去改變自己諗法 咁先俾到更正面既support 佢 企都仲係擔心
1個讚
怕醜唔緊要，最緊要同學仔叫佢玩，佢唔SAY NO就得~~:D
有啲同學仔好叻好主動架
會主動同你小朋友傾計！
順其自然啦
1個讚
有時唔知點應會直情唔應人tim. 俾人感覺好cool. 呢個問題已經同佢傾過幾次 我感覺佢唔係唔想應 係hang左機 load 唔到
1個讚
希望佢都會遇到熱情既同學仔 感染下佢 
1個讚
我仔唔止小一，甚至整個初小時都冇乜朋友，有時問佢小息有咩做，佢話自己行行企企，食下零食咁。佢話好多同學係傾打機，佢自己又冇打，所以埋唔到堆，佢有d無奈，初時我覺得唔開心架，到而家高小，人大左，話題多左，同學之間唔再只係傾打機，有時會講下老師壞話，就開始有自己朋友了。
大過，呢個差別就會減少
完全明白媽媽既心情。之前成個幼稚園時期 都係睇住佢blend in 唔到 個感覺好難受
所以依家日日帶佢落公園玩 惡補社交So far佢都話識到兩個朋友仔
1個讚
性格問題，同大細無關。
內向未必係壞事，有好多Job都需要內向嘅人做。
1個讚